تاريخ مقابلاتي للتوطين من اول مقابلة الى ان وصلت الى كندا علما اني كنت بسوريا

[spidr]

  :)بسم الله الرحمن الرحيم
اخواني الاعزاء اني اشكركم طبعا كلكم بالبداية واتمنالكم الموفقية وين ماكنتوا ويارب يسر امرالجميع وتسافرون وترتاحون وتعيشون حيات جديدة باستقرار وامان كولوا امين
اني وعائلتي دخلنة سوريا في16-9-2007قابلت un اول مقابلة في 25-2-2008وبعدين ورة6 أشهر خاروني على مقابلت توطين بالتحديد يوم24-8-2008أول مقابلة وكانت على امريكا وبعد3أشهر وبالتحديد يوم4-12-2008قابلت مقابلة ثانية بالهجرة الدولية بالمزة ومن خلصنة المقابلة انطونة موعد بعد شهربالتحديديوم24-12 2008بس كنت الوحدي بدون العائلة وكالولي انتظر الوفد الامريكي لمن يجي وبعد11يوم بالتحديديوم5-1-2009أتصلوا بينة على مقابلة الوفد الامريكي وكانت يوم 28-1-2009طبعا قابلنة الوفد الامريكي وعرفنة من كلامهم احنة مرفوضين وبعد شهرين ونص تقريبا خابرونة من الهجرة الدولية ورحنة استلمنة الرفض :oلهنا اوكي.
طبعا سالف طويلة شوية بس اتحملونة علمود اتعرفون التفاصيل.
طبعا احنة قدمنة استئناف وانتظرنة بعد3أشهر من الرفض اتصلوا بينة من جديد من الهجرة الدوليةوكالونة انقبل استئنافكم وعدكم مقابلة وية الوفد الامريكي وياريت ما انقبل
طبعا احنة فرحنا وكانت يوم المقابلة16-8-2009والمحلف كلي اوكي وماشي الحال ويوم15-9-2009اجتنا رسالة رفض ثانية ونتوا شوفوا الواحد من تجي رسالتين رفض خلال3أو4أشهر شيصيربي اللهيسلعدنة مو والجهال فرحانين لحيسافرون والحمدالله ما انقبلنة على امريكا .
اخواني اخواتي الاعزاء طالت عليكم السالفة موهيج.اكو مثل يكول رضينا بالهم والهم مارضا بينا
راح اكمل السالفة.
طبعا ضليت اراجع unكل اسبوع يكلولي بعد مائلك توطين لان مرتين ارفضت من امريكا بس اني لحيت كل اسبوع اروح طبعا كل هذا ويا دعاء وسهر للصبح اني وزوجتي خطية هية اكثر مني تعبت لان اني مو دائما اكعد بس هية الحمدالله رب العالمين استجاب الدعائها
فد اسبوع من الاسابيع رحت دا اسئل وكلولي ملفك اتحول على كندا رجعت للبيت فرحان وكتلها الزوجتي الله فرجها علينة بفضل دعائج
من كالولي ملفك اتحول عل كندا كانت بداية شهرالواحد 2010بس ما اذكر اليوم بالضبط بس هم ظليت اروح لليو ان كل اسبوع وكلما اروح يكلولي ملفك اتحول على كندا
بعدين بسبوع من الاسابيع مقرر باجر اروح هم اسئل جانت الساعة 12 الظهر تقريبا الساعة2 الظهر دك التليفون كان يوم 24-4-2010جاوبت كالولي احنة من السفارة الكندية عدكم مقابلة يوم 4-5-2010طبعا كالعادة رحنة واخذوا من عدنة صور والجناسي وشهادات الجناسي مصورات ملينة الفورمات ورجعنة كلونة احنة نتصل بيكم.وعد15يوم كان يوم 20-5-2010كالولي عدكم مقابلة وية الوفد بس جيبوا عدم محكومية وياكم وترجموهة.لهنا اوكي
رحنة قابلنة طبعا بس اني دخلوني سويت المقابلة وطلعت قبل ما اطلع كلي راح اتصل بيك على مقابلة ثانية ما اعرف ليش ??
وبعد اسبوعين من المقابلة اتصلوا على الفحص ورحنا اخذنا اوراق الفحص وبعد اسبوعين ثانية اتصلو بية وكان بالتحديديوم11-7-2010
كالولي جيب الجوازات وتعال وخيروني كلولي وين اتريد بكندا كتلهم بفانكوفر من سلمت الجوازات ورجعت العصر اتصلوا بية من الهجرة الدولية وكلولي اجهز نفسك للسفر خلال 30يوم كان موعد السفر يوم 12-8-2010 وهاي كل التفاصيل مع العلم احنة دخلنة الدورة التثقيفية يوم 8-8-2010لمدة 3 ايام لغاية 11-8-2010 وبد بيوم اجينة الكندا

[L-E-X-U-S]

حمد لله على سلامتكم وبالموفقية للجميع ...

ويا ترى ماهي مشاريعكم المستقبلية في فانكوفر ؟؟

دراسة ام عمل ؟

وكيف هي المساعدات المقدمة لكم ... وكم تستمر مدتها ؟

تحياتي لك

[تعبان وماعرف]

مبرررررررروك ونشاء الله بل توفيق
وحيات سعيده

[الفريدو]

الف الف الف مبروك اخويه وصولك الى كندا واجمل مقاطعه في كندا

وانشالله بداية خير وسعاده الك والى عائلتك والحمدلله ربك اختارلك الاحسن

انشالله الموفقيه في حياتك

الف مبروك مره ثانيه




اخوك : الفريدو

[النورس جوناثان]

الحمد لله  اخي العزيز وهذا جزاء الصبر الله ايوفقكم انتا وعائلتك ربي

[spidr]

اني اشكر كل اخوانة واخواتنة بهذا المنتدى الجميل واشكرهم على مشاعرهم الجميلة واتمنا يارب التوفيق للجميع وتيسير امر كلمن منتظر سفر انشاء الله :

أخوكمspidr.D

[عمر عراقي]

الحمدلله ربي عوضكم وانقبلتو وسافرتو
واتمنالكم التوفيق والسعاده في بلدكم الجديد

[كوكي 2004]

     بالتوفيق اخي سبايدر ويارب يكتبلكم بكل خطوة سلامة ويفتح عليكم أبواب الرزق والسعادة والأستقرار

        وديروا بالكم على الأولاد من البرد والثلوج لأن العراقيين ما متعودين على هيج أجواء .

              وأأأأأأأأأأأأأأأأأأأأأأأأأأأأأأألللللللفففففففف مبرررررررررررررررررررررررررررررررووووووك

                       وأنشاء الله الفرج قريب لكل العراقيين .

                            ويارب الأستقرار والسعادة للجميع .

[mys]

بالخير وان شاء الله الموفقية في حياتكم الجديدة

[spidr]

اشكركم اخواني واخواتي الاعزاء على مشاعركم الحلوة واتمنا لكم الموفقية والنجاح لجميع اخوانة العراقيين يا رب



اخوكم spidr

[المتفائل]

السلام عليكم
ألف مبروك أخي سبايدر والحمد لله على سلامتكم والله يوفقكم وييسر امركم.
وإن شاء الله يوم لكل المرفوضين يتحولون على كندا.
سؤال من فضلك :
حسب علمك من قابلت بالسفاره الكنديه وحتى هناك من وصلت لكندا هل أكو عسكريين سابقين قابلوا أو وصلوا الى كندا ؟
وبالنسبه للمقابله بالسفاره يعني يكون نفس ملف المقابلات السابقه مع أميركا مطروح أمامهم لو ماله علاقه الملف السابق والمقابلات السابقه ويبدون من جديد مقابله بملف جديد لو يقارنون مع الملف السابق؟
أرجوا أن تجيبني على هاي السؤالين من فضلك

جزيل الشكر
ومن الله التوفيق

[aseel_msb]

الاخ spidr بعد التحية

انت ما عملت مقابلة توطين على كندا؟ يعني من بلغوك ملفك تحول على كندا
مع امنياتي بكل الموفقية بحياتك الجديدة