الفرق بين الحماية ...و قيد الدراسة ...

[غريب.. حيث لا وطن]

السلام عليكم و رحمة الله

أخواني كثيرا ما نسمع هذه الجملة عندما نذهب الى مركز التوطين في كفر سوسة
للإستعلام عن الملف  فدائما نسمع جملة  (ملفك قيد الدراسة ))

فما معنى هذه الجملة
هل أن الملف إنتقل من مرحلة الحماية و صار قيد الدراسة في كفر سوسة
أم أن الملف بعده في حالة السبات و لم يتحرك  ساكن

أخواني هذا سؤالي و سؤال الكثير من الإخوة
أرجوا من من لديه المعلومات  أن يفيدنا بها
و لكم جزيل الشكر

أخوكم المحب

[Robin Hood]

السلام عليكم
اخويه العزيز كلمه قيد الدراسه تجي على الشخص الي قابل محلفين ومبتو بقرار القبول او الرفض
واما عن الحمايه فيقصدون بيه بان انته تحت حمايه الun يعني اي مشكله اصير عندك لاسامح الله بالبلد المقيم بيه حضرتك الun همه يتكفلون بحماتك من اي مشكله وعلى فكره قيد الدراسه والحمايه بالنسبه للun يك حساب يعني انته ملفك ممتحرك والتسهيل للجميع ان شاءالله

ان مع العسر يسرا

robin - cairo

[كوكي 2004]

 اخي غريب ..

  من تسمع ملفك قيد الدراسة يعني بقسم الحماية عدهم لجنة تدرس الملف وتشوف هل صاحب الملف تنطبق عليه صفة ( لاجئ ) ومن كل الجوانب يعني القصة والوضع الصحي والى آخر . يعني يشوفون هل صاحب الملف مؤهل حسب قصته ان يحولوا الى قسم التوطين .

     وايضآ بقسم التوطين توجد ( لجنة ويسموهه لجنة التوطين ) وهمه مجموعة محامين بالقانون الدولي وهذوله ..وداعتك اختصاصهم يفلسون الملف تفلس من الغلاف للغلاف وحتى مرات هلكد ميتأخرون بدراسة الملف ياخذون بي الدكتوراه ههههه دا أتشاقة وياك . ومن يقتنعون بالملف بأنه يستحق التوطين في بلد ثالث يتصلون على الشخص ويحددوله مقابلة توطين .

               وأبوك الله يرحمه . واتمنالك التوفيق والتوطين .

[adnan nsr]

السلام عايكم

انا همين رحت وكالت الي انت قيد الدراسه واحتمال توطين واذا ما اتصلنا عليك  لمده شهريين راجع لعد انا اشلون شغلتي

[غريب.. حيث لا وطن]

مشكورين كتيير يا اخوان على هاي اللهفة و الهتمام

اني طبعا مسجل من 2007 باليو ان و رحت وقت مقابلة التجديد و جانت ب 2009
فبعد ما سردت قصتي المحزنة و الحقيقية طبعا مرة ثانية
كالتلي الموظفة  و كانت بدوما
كالت تريد تروح توطين
كلتلها اي والله اكيد
ف كالت ملفك راح توطين  بس انته عليك تراجع بكفر سوسة
هذا  يفيد ملفك
و اني طبعا ورا ب 3 شهور يالله رحت و حسبالي الموظفة راح تكول ملفك راح توطين  بس كالتلي ملفك قيد الدراسة

هل الموظفة ذيج مال دوما جذابة   
او هل معنى قيد الدراسة ان ملفي تحرك من قسم التوطين
مشكورين مرة ثانية احبابي

[ibnbaghdadinsyria]

السلام عليكم ورحمة الله وبركاته

جميع ملفات اللاجئين مرشحه للقبول في دوله ثالثه ولكن هناك اسبقيات وضوابط استنادا الى اقوالهم
وجميع الملفات تدرس وكل من لم يتم استدعائه للمقابلات فهو قيد الدراسه على اعتبار ان حالته لاتستحق الاستعجال ويوجد غيره بحاجه الى سرعه حسب مايدعون ويتضرعون.

موظفة دوما لم تكذب واني بمقابلة التجديد 2008 قبل سنتين يعني هم موظفه كالتلي ملفك اتحول للتوطين وبقيت قيد الدراسه اون هولد

طبعا قصة اليو ان والتوطين ومراجعة يوم الثلاثاء وهاي السوالف كلها بالمختصر خلي اخبركم شي

اني واهلي وزوجتي واطفالي واخو زوجتي واهله وبيت عمي كلنا اجينه بال 2006 وسجلنا باليوان من جانت بالمالكي 2007 وكتبنا كلنا نفس الحجي لانه بصراحه ماعدنه شي خاص بسبب الامور الي كل الناس تعرفها تركنا البلاد بعد احداث الفتنه الطائفيه المقيته وبالمناسبه اصلا سجلنا علمود الاقامه وبدينا نسمع ناس تسافر ومن هاي الامور واحنه كلنه كلمن وملفه وبعد فتره من كمنه نسمع ونشوف اصدقائنا قصصهم مثلنا كاموا يسافرون وبنفس الوقت نعرف ناس مهددين بشكل واخذوا بيوتهم ومحلاتهم وعدهم مصايب يسمعون صوتكم هذاكمه وكلها مسجله معلوماتهم باليو ان وكمنه انكول كلمن وحظه

وقبل سنه اخو زوجتي دزو عليه مقابلات وكمل كلشي وصلت للحلك وحصل موافقة المحلفين رفض امريكا وهياته يمي باقي بسوريه واني لحد قبل ثلاث اشهر كلما اراجع ملفي قيد الدراسه بكفر سوسه زهكت وكلت يارب المقسوم الي يجيني يجيني وين ايروح فقررت بعد ما اراجع لانه تعبت نفسيا بصراحه

المهم ولو دوختكم بالحجي قبل ثلاث اشهر خابروني كفرسوسه مقابله طالعتلك امريكا الحمد لله والشكر لله واخبرتهم بمرضي وراها بعشر ايام ولمدة 3 ايام يتصلون بيه يسئلوني عن مرضي وتحول ملفي للهجره وقابلت هناك وهسه منتظر المحلفين والحمد لله

اكلك لا قصه ولا حظ فقط المقسوم من رب العباد الانسان ياخذه بس شوكت هو الي يحدد والحمد لله والشكر لله

تضرع لرب العباد بالدعاء وادعوه ان كان السفر فيه صلاح لك ولدينك واهلك وحياتك ومماتك ليعجل به والا فليبعده عنك

والله كل الي يجي من رب العالمين ما احلاه والحمد لله

قل لن يصيبنا الا ماكتب الله لنا

اخوكم ابن بغداد في سوريه

[كاتلوني الى الابد]

اخويه ابن بغداد الف تحيه لك وكلامك ذهب ولو كل الناس اقتنعت بهذا الكلام جان ارتاحت وريحت غيره ومحد باوع على غيره
لانه ماكان لك لايكون لغيرك وماكان لغيرك لايكون لك والحمدلله على كل شئ

ويارب الفرج لكل الطيبين

[علي النعيمي]

زين اخوان والي يكلولة ملفك فعال وشغال وماعلية شي وراها بشهر كلولي اجراءات بسيطة ونتصل بيك شنو الفلم اخوان الي عندة خبرة والملف بقسم التوطين

[غريب.. حيث لا وطن]

.

[غريب.. حيث لا وطن]

..