اكو مشكله اذا احد افراد العائله طلع من الملف

[batota]

مرحبا اخوان اكو مشكله اذا احد افراد العائله طلع من الملف ورغم انو مكمل كل لاجرائات ويانه حتى المحلفين والفحص .batota

[مينا]

مرحبا  اخونا يارب تكون باحسن حال

بالنسبه النا على اساس بالبدايه اخويه ويانا ولان مو اني صاحبة الكيس وانما زوجي فميصير

يبقى اخويه وينا فضلينا نراسلهم ويراسلونا 4 اشهر الى ان تم  فصله عن ملفنا

وهذا الحجي قبل المقابله الاولى بس اذا مكملين مقابلات مااعرف بعد

بس حبيت اوضحلك

تحياتي

[angie-dawood]

عادي اختي باي وقت يكدر يفصل نفسه عن الكيس لكن  الي مامتاكدة منه للباقين تنعاد الامنية والمقابلات  او لا هذة الفقرة  ما متاكدة من الجواب اما عن انسحابه  نعم يكدر هو حر يريد يسافر او لا

[ريم عبد]

اختي بطوطه
1-اذا كان هذا الاحد افراد العائله بكيس منفصل وحده فماكو اي مشكله ينلغي كيسه ومياثر على الباقين
2-اذا كان في كيس مع افراد اخرين مثل والديه اواخوانه واخواته ولم يكن هوه صاحب الكيس الرئيسي
ايضا ماكو مشكله من انسحابه وانسحابه مياثر على الباقين
3-اما اذا كان مفصول في كيس مع عائلته وهوه صاحب الكيس
بهاي الحاله راح يتحول الكيس باسم الشخص الثاني الي بعده وتنعاد مقابلاتهم كلها من الاول

[batota]

حبيبتي ريم  الشخص مو هو صاحب الكيس هو من افر اد العائله يعني مااكو مشكله ولا راح يصير اي تاخير علينا حتى بسفر؟ ياريت اعرف ردج واكون ممنونه الج جدا وبارك الله بيج .batota

[ملوك العالم ريال مدريد]

اختي العزيزة بطوطة ماكو اي مشكلة بالنسبة للفصل عادي جدا وترحون للمنظمة وتبلغوهوم وهما يقومون باجراء الفصل وان شاء الله الموفقية





                                                                          اخوكوم

                                                               ملوك العالم ريال مدريد

[ريم عبد]

حبيبتي بطوطه
ادزون ايميل للمنظمه اتبلغوهم برغبة  الشخص بالانسحاب
وهمه راح  يتصلون بالشخص المعني ويتاكدون انه هوه ايريد ينحسب برغبته
وبعدين تجري عملية الفصل
ايصير بعض التاخير بس مياثر على سير قضيتكم ولا يعرقلها

[ابو ريم]

السلام عليكم اني بنتي تزوجت وكانت ويانة بنفس الملف وكنا مسوين الفحوصات الطبية والدورة التثقيفية سوية بس من سحبت ملفها انعادت الامنية بس ماطولت هواية لان خابرونة على موعد سفر بعد اربعة اشهر والحمد لله وصلنا بالسلامة وانشالله يوم الالك وتفرج عليكم
اخوكم ابو ريم