موعد السفر & الموافقة الامنية اكسباير (سؤال)

[Iraqi Christopher]

اخواني واخواتي الاعزاء

عندي سؤال بخصوص موعد السفر والموافقة الامنية

في حالة انه الموافقة الامنية ستصبح اكسباير في شهر ال 12

وتم ختم الملف قبل شهر ال 12، وبعدها تم تحديد موعد السفر، مثلا بالشهر 1 او بالشهر 2

فهل يتم الغاء موعد السفر بسبب ان الموافقة الامنية اصبحت اكسباير بالشهر ال 12 ، رغم تحديد موعد سفر سابقا ؟

ام انه بالامكان ان يتم تمديد الامنية بعد ان اصبحت اكسباير مدة شهر او شهرين من اجل السفر؟


شاكرا تعاونكم ومساعدتكم مسبقا


اخوكم

كريستوفر العراقي

[حمودي123]

مرحبا اخوية يعني ممكن توضح كلامك يعني شلون تصير الموافقة الامنية اكسباير؟ يعني اذا الواحد جايتة الموافقة الامنية ودينتظر يتصلون بي على تحديد السفر هل من الممكن ان تصير الموافقة الامنية اكسباير فترة انتظار موعد السفر اوقبل تحديد السفر؟؟؟؟؟

[Baguncero]

سؤال وجيه من الأخ كريستوفر
الجواب
أنتة وحظك و وضع الكيس مالتك بالمنظمة ... أذا بيد شريف يرتبلكياها بحيث ترحون بسرعة كلكم قبل محد يتخلف عن الثاني بالأمنية
أما أذا الكيس مالتك بيد واحد حليبة مو مال أم ... مال مســــــــــــــــــاعدات
فرح يوكع الكيس مالتك لأ سامح الله بديلاب الهوى ,,, أو بال حيـــــــــــــــــــــة والدرج وتظل تصعد وتبلعك الحية وتنزل للأخير
اخونة الجديد حمودي 123 راجع مواضيع النتدى القديمة حتى تكون بالصورة ... لأن أذا أريد أشرحلك يرادلي صفحة بكد دوار الداخلية حتة تكفي الكتابة ....... لأ تيأسوا من رحمة الله
حســـــــــــبنا الله ونعم الوكيــــــــــــل


Baguncero

[Safaa Alkhrkhy]

اللي اعرفهة انه الموافقة الامنية لاتؤثر على موعد السفر اذا تم تحديده باليوم  وتم حجز تذاكر الطائرة خلاف ذلك يصبح لها تاثير بتاخير موعد الطيران وهذا ماحدث مع احد اصدقائي من بغداد


ابو سارة

[بنت العراق 84]

اخ كريستوف ممكن اعرف يعني شلون الامنية تصير اكسباير يعني شكد مدتها يعني تطلع الامنية ويكولولنة طلعت ورة شكد اتصير اكسباير وتنعاد اذا بعدنة ممسافرين؟؟؟لان هاي دالغة جديدة ما اعرفها بعدين همة ميكولون اصلا طلعت المواقفة الامنية شو راسا يخابرون على مواعيد السفر

[Iraqi Christopher]

اختي بنت العراق اللي اعرفة انه الامنية تختلف من شخص الى اخر، احيانا سنة وتنعاد واحيانا ستة اشهر وتنعاد الامنية وحالات اعادة الامنية في الغالب في هذه الحالات:

- اضافة طفل للكيس ياخذ مدة طويلة بالعادة من ستة اشهر وربما الى سنة واكثر

- في حالة وجود اكثر من شخص بالكيس، فمثلا كيس فيه زوج وزوجة، الزوج وصلت الامنية الخاصة به وستصبح اكسباير بعد مثلا ستة شهور، اما الزوجة طولت الامنية سنة وشهرين مثلا وحين وصول موافقة الزوجة الامنية اصحبت موافقة الزوج اكسباير، في هذه الحالة يجب اعادة الموافقة الامنية بالنسبة للزوج.

ارجو ان يكون المثال واضح


بانتظار الافادة من اخواني واخواتي اصحاب التجربة


اخوكم

كريستوفر العراقي

[Iraqi Christopher]

UP

[الاسد الجامح]

اخوان اولا كل شي ب IOM اله اكسباير

الفحص الطبي 6 اشهر
البصمات 15 شهر
الموافقة الامنية 12 شهر
تحديد الولاية 12 شهر في حال عدم وجود كفيل


اخوي كرسوفر هما ما يحددون سفر الا اذا كافة اوراقك كاملة من بصمات وفحص وامنية
لانه راح يغلقون الملف من اتسافر هاي وحدة
اثنين انت من توصل لازم اتكون اروراقك كاملة وغير منتهية الصلاحية
 

[Nuna123]

اللي اعرفة فحص الطبي داخل العراق ورة 12 اشهر يصير اكسباير اما خارج العراق مثلا اللي مقدم من الدول الجوار بعد 6 اشهر اكسباير . واللي عندة معلومة غير هاي ارجو يقلنة علة .هاي اني سمعتة اني شخصيا ممارة ابهذة التجربة

[Iraqi Christopher]

شكرا اخي العزيز الاسد الجامح، بالطبع اوراقنا كاملة والحمد لله

وافهم من كلام حضرتك انه ما ممكن السفر والامنية اصبحت اكسباير ويتم الغاء موعد السفر اذا انتهت الامنية قبل السفر؟

الاخت Nuna123 كلامك صحيح ولكن في خارج العراق تختلف صلاحية الامنية حسب الاشخاص بعضعم تنتهي امنيتهم خلال 6 اشهر وبعضهم 12 شهر


بانتظار المشاركة من باقي الاعضاء الكرام وافادتنا


اخوكم

كريستوفر العراقي

[abuhatem]

اخ كريستوفر ، حالي من حالك ، امنيتي تصبح اكسباير بداية شهر 11
ولذلك اتصلت بيهم وترجيتهم ، اذا اجاني سفر خلال هذا الشهر ان يسفروني بسرعة وقبل تاريخ نهاية الامنية

[Iraqi Christopher]

اخي العزيز abuhatem طيب ملفك مختوم لو بعدة؟ واذا مختوم ملفك شنو دتنتظر؟

شنو كان ردهم الك؟ وحضرتك اعتقد مقدم من عمان مو؟

يا رب تبشرنا بموعد سفر قبل انتهاء الامنية لان لا قدر الله اذا انعادت ومسافرنا، فهجمان بيوت لان تاخذلهة مو اقل من 3 شهور ال 6 شهور واكثر احيانا

الله يسهل النا والكم وللجميع

[ستروبري]

اخوية العزيز Iraqi Christopher ان شاء الله رب العالمين يسهل اموك وامو كل المتأخرين وتبشرنة بموعد سفرك بأقرب وقت 
لان انتو صدك ناس تستاهلون كل خير يا طيبين 

اخوك ستروبري من امريكا  مو بأنتظار الامنية هههههه 

[Iraqi Christopher]

هلالالالالالالالالالالالالالالالا والله شلونكم ان شاء الله بخير

الحمد لله على السلامة يا رب الاستقرار الدائم وتنسون كل الالم وكل الانتظار اللي انتظرتوه والله جنة عايشين وياكم بكل يوم انتظار وندعي الكم لان انتو ناس طيبين وولد طيبين واصلكم طيب واصيل ومننسة افضلاكم علينا ابدا ابدا

تحياتنا للاهل جميعا وبوسولنة الجهال

انريد كبة حامض من نجي لان من اذاك اليوم والله ما اكلنة اطيب منها


اخوك


كريستوفر العراقي والعائلة

[abuhatem]

للاسف اخ كرستوفر لا افهم ماذا تقصد بالختم وغيره ، كل ما اعلمه انهم في شهر 11 السنة الماضية قابلت محالفين من جديد ، فسالتهم لماذا ، قالوا اعادة الامنية لاني انهيت سنة على الامنية بدون نتيجة.

[Iraqi Christopher]

اخي abuhatem الختم هو اخر مرحلة قبل السفر، جميع الملفات تنخنم وبعدها تتحول موعد سفر،

بس الغريب انه اول مرة اسمع تنعاد المقابلة مع المحلفين بسبب الامنية؟ اخي حضرتك متاكد من هذا؟ باي دولة حضرتك؟

 

[Baguncero]

يمكن الأخ أبو حاتم ماقابل المحلفين .. قابل البنية الأمريكية الي عادتلة البصمات في عمان ... يعني هية مو محلفين بس يمكن أخذة الواهس شوية علمحلفين ... لأن آني هم أول مرة بحياتي الطويلة مع الآي أو أم أسمع شخص يقابل محلفين مرة ثانية علمود اعادة ألأمنية
اليــــــــــــــــــــــــــــــــــــــــــــــــــــــــس كذلك يا أبو حاتم؟؟؟؟؟؟؟؟؟؟؟؟؟؟؟؟؟؟

Baguncero

[Iraqi Christopher]

اعتقد ابو حاتم متوهم اخي العزيز Baguncero

بانتظار مشاركتكم اخواني بالموضوع

اخوكم

كريستوفر العراقي

[abuhatem]

انا في الاردن
اعدت محلفين سؤال وجواب ، في البداية قالولي بنقص معلومات ، بس بعد ما كملت المقابلة سالتهم قالوا اعادة امنية لان صارت اكسباير -
والغربية قبل اربع اشهر اتصلوا بينا وقالوا ان الموافقات الامنية كملت وتجون دورة ثقافية وفي الدورة اكدوا لنا اننا سندخل في برنامج السفر قريبا ، لكن بعد الدورة باسبوع اتصلنا وجاوبونا اعادة التجييكات الامنية ، مسالة غريبة بس لست وحدي على هذا الحال.
المهم عند آخر اتصال بهم الاسبوع الماضي رايت منهم تعاطف واتمنى ان يمشوني والا باقي وياهم للسنة الثالثة

[Baguncero]

الله يسههل أمرك أخي أبو حاتم  وكذلك بقية الأخوة الأعزاء في هذا المنتدى

Baguncero

[ماللك الاحزان]

• السلام عليكم
  اخواني اني الامنيه مالتي انعادت بشهر 6 انطلبت من جديد ولحد الان كاعد بسجن الامنيه التي لا يعرفه عنه شي سوى رب العالمين من اسرار لذللك الله كريم تفرج على الجميع
  
  ماللك الاحزان عمان

[Iraqi Christopher]

شكرا اخي العزيز ابو حاتم للتوضيح وبصراحة غريب جدا ان تتم مقابلة المحلفين بسبب اعادة الامنية!!!

موفق ان شاء الله تعالى ويا رب السفر عن قريب وتبشرنا بموعد سفر قبل بداية السنة القادمة

الاخ العزيز ملك الاحزان ان شاء الله ذهب الكثير وبقى القليل الامنية حين تعاد لا تاخذ من 3 - 6 شهور وان شاء الله لا تاخذ اكثر من هذا


اخوكم

كريستوفر العراقي