حبي اني تابع للصحة راح اسولفلك اشسويت علما اني تابع لاقليم كردستان
اولا قدمت طلب للمدير العام بانه اريد اجازة لمدة سنة بدون راتب حتى اكدر ازور اهلي في الولايات المتحدة
المدير العام وافق بس هنالك شروط
1- وقعت على تعهد بانه اني ما اكدر ارجع للوظيفة الا تخلص السنة
2- ما اكدر امدد اجازتي الا ارجع للعراق واسوي مباشرة وبعد هذا اكدر اقدم اجازة مرة اخرى
اذا تريد اي معلومات اضافية اكدر ازودك بيها
اما نصيحتي هيه شنو لازم تخلي في بالك بانك ممكن تشتغل منظف او حمال لانه من الصعب جدا بل ومن المستحيل انه تشتغل بمهنتك كصيدلاني مالم تعادل شهادتك
مثال عندي صديق طبيب اسنان حاليا جاي يشتغل حمال حتى يكدر يعادل شهادته
والاخر طبيب اسنان خريج فرنسا ما قبلوا بشهادته
يعني الشغلة ينرادلها تضحية وصبر بس صدكني امريكا تستحق هذا الشي
تحياتي
