السلام عليكم ورحمة الله مقبول للهجرة اس اي في الى بنسلفانيا

[casco]

تحياتي للجميع و السلام عليكم
اني قدمت على الاس اي في والحمدلله انقبلت وارسلت اوراقي الى نبراسكا وايضا انقبلت واجاني ردانه انتظر خلال 90يوم حتى يتصلون بيةو الحقيقة اني مهندس كهرباء تخصص سيطرة ومتزوج وعندي 3 اطفال والولاية الي اختاريتهة هية بنسلفانيا لان عندي صديق امريكي هناك وعلاقتي وياه جدا متينة وعندي نيه انه اقدم على البنفتس (المنافع او الفوائد )
السؤال بدون زحمة هو كم المدة التي تتوقعون تاخذ اجراءاتي الى ان اسافر؟؟
هل قيمة المنافع او البنفتس جيدة في هذه الولاية ؟؟
هل العيشة جيدة في هذه الولايه؟؟
هل الاسلام محترم في هذه الولاية ؟؟
واتمنى الي يعرف شي يجاوبني ؟؟
مع تحياتي الى الجميع
علما ان اعمار اطفالي الثلاثة هي 6 سنوات و5سنوات و2 سنة

[ريم عبد]

أخي كاسكو
انت بعد متحددتلك موعد مقابله  ولا استلمت فيزه وهاي كلها ممعلوم وقتها
من تستلم موعد المقابله ان شاء الله اتبشرنا ونكدر انقدر الوقت
اما عن بنسلفانيا راح انطيك هذا الرابط مالت الولايه وتكدر تلكي بي كل التفصيلات واذا عندك بعد اسئله نزلها حتى يجاوبوك عليها جماعة بنسلفانيا

http://www.ankawa.com/forum/index.php/topic,375703.msg4414775.html#msg4414775

[ســـرى]

اختي ريومة جاوبتك مشكورة وتكدر تتصل بأخونا شبح بغداد BAGHDADGHOST وهو مايقصر بالاجابة.

[BaghdadGhost]

اخي العزيز ....


جماعة بنسلفانيا موجودين هنا وبخدمة الطيبين ,,,,,

كم المدة التي تتوقعون تاخذ اجراءاتي الى ان اسافر؟؟ هاي بس ربك يعرف الجواب

هل قيمة المنافع او البنفتس جيدة في هذه الولاية ؟؟ نعم اخي مقارنتا بغيرهه من الولايات و المدن ,,,, لان العيش بيهه ميسور و البنفتس هم زينه ,,,,

هل العيشة جيدة في هذه الولايه؟؟ هذا سؤال نسبي ,,,, يعتمد على الشخص وليس الولاية

واتمنى الي يعرف شي يجاوبني ؟؟ سوري نسيت عبالي هذا هم سؤال ,,,, ههههه

هسه اني اريد اسالك انته في اي مدينه في الولاية ان شاء الله راح تكون ؟

[casco]

الاخ العزيز شبح بغداد
شكرا جزيلا على الرد ,أنشاء الله المنطقة الي سجلتهة هي Mechanicsburge لان احد اصدقائي وهو الكفيل مالتي موجود بهذي المنطقة
بعدين انت جاوبت حلو حيل بس ما جاوبتني انه اني عندي 3 اطفال !! البنفتس ممكن تحددهة ؟؟
وكيفية التعامل بالنسبة للاطفال كفوائد ومدارس وضمان صحي ؟؟
اضافة الى ذلك انه اني مهندس سيطرة !! ممكن اعمل بمجالي ؟؟ واذا لا فشنو نصيحتك بالعمل ؟؟
يوجد عمل مفضل عن اخر ؟؟
وشكرا جزيلا