اخوي في امريكا شنو يكدر يسولي ؟؟؟؟؟؟؟؟؟؟؟؟؟؟؟؟؟؟

[عراقي مرفوع الراس]

مساء الخير اعضاء المنتدى الرائع والجميل ارجو ان تقبلوني عضو جديد في هذا المنتدى الحلو اولا
ثانيا اخوان اني عندي اخوي عايش بامريكا صاراله اكثر من عشرين سنه شنو يكدر يسوويلي وشنو هي الاجراءات الي لازم يتبعها حتى يكدر يسويلي لم شمل اذا اكو فعلا لم شمل من امريكا لان حسب ما شفت بعض الاخوان كاتبين انو اكو لم شمل من امريكا
رجاءا اخوان الي عنده اي معلومة لا يبخل بيها على اخوكم لان كلشي ما اعرف  ويارب الموفقية للجميع





******************اخوكم عراقي مرفوع الراس *********************

[mahmod87]

مساء الخير وكل الهلا بيك اخوية الغالي عراقي مرفوع الراس وان شاء الله راسك دوم يبقى مرفوع مادام انته ابين اخوانك هنا بمنتدى عنكاوا ونرحب بيك كعضو واخ عزيز بيناتنا  واني متأكد راح تلكى الناس الطيبة واللي مراح اتقصر وياك وكلها  حاظرة لاي استفسار او طلب

اخوية بالنسبة لحالتك يفيدك وجود اخوك اللي بامريكا لان يكدر يسوي لم الشمل انته ويا من خلال التقديم على المنظمة العالمية للهجرة
IOM ولو تريد تعرف تفاصيل اكثر بخصوص هذا الموضوع تكدر تدخل على موضوع اخونا الغالي عكعك التطوي
http://www.ankawa.com/forum/index.php/topic,294296.0.html
والاعضاء هم مراح يقصرون وياك بكلشي يكدرون عليه واحنا حاظرين وتدلل اخوية الغالي


تحياتي للجميع

[ريم عبد]

اخي العراقي مرفوع الراس وان شاء الله دائما وابدا
اهلا وسهلا بيك بالمنتدى
اخي انت تنطبق عليك الفقره الخامسه في برنامج ال اي او ام
ولذلك اذا كان اخوك حامل الجنسيه الامريكيه اتقدم عن طريق ال اي او ام في بغداد
يعني مو لم شمل وانما برنامج لجوء
ادز ايميل على العنوان التالي ic@iom.int
تذكر بي انه انت اتعرضت للتهديد واخوك امريكي الجنسيه واتريد تلتحق في برنامج اللجوء
وهمه راح ينطوك الخطوات التاليه الي تتبعها
وان شاء الله احنا وياك باي استفسار تطلبه

[عراقي مرفوع الراس]

الف شكر الك اخوي محمود وان شاء الله كل العراقيين يظلون مرفوعين الراس بأذن الله وشكرا اخت ريم على تفاعلكم وياي بس اخت ريم اني تركت العراق بسبب التهديد واني الان في عمان اني وعائلتي فهل يجوز ان اراسلهم من اهنا لو الاحسن اخلي اخوي يسوويلي من يمه المعاملة  والله يخليكم شنو الاجراءات الي لازم يبلش بيها اخوي ارجو من الي عدهم خبرة بهذا الموضوع يفيدوني وبدلوني على الطريق الصحيح  لان اخوي سالته كلشي ما يعرف والف شكر الكم



********************اخوكم عراقي مرفوع الراس*****************************

[بغدادي76]

 جاي حليب

[ahmed siv]

اخوية كل الي كالوه الاخوان صحيح بس الايميل الاخت ريم ماجابتة بالمضبوط وهذا الايميل الصحيح
IC@iom.int

[ريم عبد]

اخي اذا حضرتك في عمان اتروح اتقدم بشكل مباشر على ال اي او ام
وتكدر اتراسلهم على نفس هذا العنوان واتخلي يم العنوان رقم تلفونك
راح يتصلون بيك وينطوك موعد مقابله
ال اي او ام صايره بتلاع العلي يم موقف سيارات فلادلفيا اتروح عليهم وتطلب تحديد مقابله

[عراقي مرفوع الراس]

الف شكر الج اخت ريم لكن اني البارحة كلمت اخوي وكلي انو هو مخابر على محامي مال هجرة وكايلة يكدر يسوويلي معاملة مال لم شمل ومنطيه اخوي المعلومات الي طالبها عني وعن اخوي فاخاف هسة اذا ادز اميل الى هاي المنظمة راح اخربط الشغل مالي اخوي فشنو تنصحيني اختي الغاليه وبارك الله بيج وبكل الطيبيبن العراقين الشرفاء

[angie-dawood]

نعم اخي يكدر يسوي معاملة لم الشمل اذا كان عنده جنسية او كرين كارت ارجو منك ايضا التاكد من المحامي المعاملة لم الشمل بالكرين كارت واجو ان تكتب الجواب هنا بليس للفائدة الاخوة الي ديسالون عن معاملة لم الشمل بالكرين كارت ولو انا متاكدة منها بس ارجو منك الاستفسار انت هم وكتابتها بموضوعك ولك جزيل الشكر

[ســـرى]

اخوية اذا اخوك عنده جنسية فعندك حلين :

الاول: اللي كالتلك اختي ريومة عليه التقديم على الiom وهذا اسرع من غيره نسبيا

الثاني: اخوك يقدملك على لم شمل (اللي هي معاملة هجرة) يعني تدخل امريكا كمهاجر مو لاجئ وهاي تاخذلها سنين مو سهلة.

هذا الكلام اعلاه لانه اخوك عنده جنسية اما لو كرين كارد فمايصير ابــــــــــــــــــــــــــــــــــــدا.تحياتي الك وربي يجمع شملكم.

[عراقي مرفوع الراس]

الف شكر اخت انجي واخت سرى وان شاء الله يارب يوفقكم ويجعل هذا الي دتقومون بيه بميزان حسناتكم يارب
اخت انجي بالنسبة الى معاملة لم الشمل بالكرين كارد ماعندي معلومات والله لان اخوي مجنس امريكي صارله سنيين فسواله للمحامي كان عن حملة الجنسية الامريكية وبالفعل كان الجواب انو يكدر يسوولي لم شمل والمعاملة شوية طول وهذا وفقا للقانون الي صدر عام 2007 والخاص بالمواطنيين العراقين والافغان
مع جزيل الشكر لكم يا احلى منتدى بالعالم