سؤال وطلب مساعدة

[chaween]

السلام عليكم الاخوة الاعزاء
انا اريد اقدم على الunمن مصر ماهي الوثائق المطلوبة حتى احضرها لي ولاولادي حتى لا اتاخر وبارك الله بيكم بالمناسبة انا صارلي 7سنوات هنا ومامشتغل مع الاميركان وطلعت بسبب التهديد الطائفي

[مهاجرين بلا حدود]

كل اوراقك الثبوتية الك والاطفالك

كلها يردوها .. وتحضرلك قصة على كولة المصريين (متخرش المية ) علمود يحولوك توطين باذن الله
تحياتي

[mys]

الاخ العزيز
اوراقك الثبوتيه هي الجوازات الك ولافراد العائلة وكذلك هوية الاحوال المدنية وشهادة الجنسية ويفضل اية وثائق اخرى تدعم القصة التي ستقدمها كبطاقة المهجرين قسرا او التهديدات التي تلقيتها او محاضر من مراكز الشرطة ومن الضروري ان تحمل الخدمة العسكرية لبيان موقفك من الخدمة العسكرية

[حسين السالم]

السلام عليكم ورحمة الله وبركاته مثل ماكالوا الاخوان والاخوات كل شي عدكم ورق مهم قدموا بالمقابلة وشرحولهم شلون تهددتوا واذا عدكم تقارير طبية واوراق تهديد هاي كلش مهمة موقع اليو ان مصر 6 اكتوبر الحي السابع بجانب سنتر المدينة المنورة اول متروحون ان شاءالله حينطوكم موعد للمقابلة وفايلات تملوها واي سؤال اني حاضر  تمنياتي لكم بالموفقية واسف عالاطالة ارجوا ان تتقبلوا مروري اخوكم حسين السالم.

[chaween]

شكرا للاخوة وبارك الله بيكم انا اعتذر على الاطالة بس حبيت اسال على موضوع الشنغن وكيف احصل عليها من مصر وكلفتها شكد ومنين وهل هي لشخص واحد ام للعائلة واعذروني على الاطالة وبارك الله بيكم جميعا

[مهاجرين بلا حدود]

اول مرة اسمع اكو فيزة شنغن من مصر ... بس اذا انت سمعت وبيها دفع مبلغ اولي فهم قفاصة لاتصدك
حبيبي بس من بغداد تكدر وسعرها هسة 12.000 دولار
وماعرف اذا تكت الطيارة محسوب وياها لو لا

[شمعة]

اخي العزيز

عندما تذهب للامم المتحده خذ معك كل المستمسكات الموجوده عندك كلها حتى عقد الزواج اذا عندك وحتى التقارير الطبيه اذا عندك حاله مرضيه لك او لافراد اسرتك ...

بالنسبه للشنكن من مصر  اغسل ايدك بقالبين صابون ركي وبطيخ ...  لا يوجد من مصر اي وسيله للعراقيين في الحصول على الشنكن ولكن هناك وكالات سفريات تستطيع ان  تسافر عن طريقها  الى ايطاليا ومن هناك تحصل على الشنكن ...

بالمناسبه مقر الامم المتحده في مصر هو في محافظة 6 اكتوبر - الحي السابع اذا  كنت لا تعرف مكانها ..

واريد ان اسالك سؤال واحد فقط  ... اذا كنت كما تقول موجود في مصر من سبع سنين والان فقط فكرت بمراجعة الامم المتحده

(( لعد متكولي رحمه لابوك وين جنت طول هاي السنين؟؟؟  اخي العراقيين اول يوم يوصل لمصر ايشوفله سكن وثاني يوم ايروح ايكابل شباج الامم المتحده  مثل شباج الكاظم ... متكولي وين جنت لعد؟؟؟))


اخوكم شمعة[/size]

[chaween]

السلام عليكم الاخوة جميعا واخوية شمعة والله انا طلعت من العراق الحبيب على عيني والله ويوميا اصبح الصبح واقول غدا يوم اخر وماجاي يجي الاخر ....وبعدين كنت احتاج ان اسافر اشوف اهلي الي همة بدولة ثانية وطبعا لومسوي لجوء مكان اكدر اسافر ....وهم كنت يوميا اقول راح تفض وارجع بس الظاهر مالنا جاره وهسة وبعد اتامل ارجع للعراق ولبيتي بس اقول حسبي الله وهو نعم الوكيل المهم انا يوميا الوم نفسي على التاخير بس ان شاء الله ربي يفرجها علينا وعلى الجميع وتهون ان شاء الله...اعتذر على الاطالة وبارك الله فيكم