رجاءا رجاءا رجاءا اخواني جاوبوني على السؤال

[MAGGIC]

الاخوان الاعزاء

السلام عليكم

اخواني جائني موعد مقابله لوظيفه في احدى الدول العربيه ومن الممكن ان اقبل بهذة الوظيفه او لااقبل المهم
انا بانتظار الامنيه وتحديد موعد السفر من قبل الاي او ام ولحد الان لاشي عن الامنيه وكل شي بيد رب العالمين

سؤالي هو : اذا رفضت هذا العمل ولم تاتي الامنيه ولنقول (( الامنيه طولت فد سنه الى سنتين )) هل هناك احتمال بعدم وصول الامنيه وعدم السفر نهائيا ؟؟ ام مهما طال زمن انتظارالامنيه فانها سوف تاتي لامحال والسفر اكيد 100% ولو بعد سنتين او 3 او اكثر لاسمح الله ؟؟؟؟؟

الرجاء اجابتي

تحياتي

[حلمي الاول]

مساء الخير عزيزي ماجك ليش هذا التشاؤم اكيد اذا اراد الله رح تسافر عاجلا ام اجلا وهية والله فرصة متتعوض ولهذا تشوف الزخم عليهة مو مثل قبل الكل تريد تسافر وانتة قطعت مرحلة كبيرة من الرحلة ليش ترجع للوراء والقرار قرارك اذا هذا البلد حلو ويتوفرلك معشية زينة وانتة ممتضايق من هذا البلد يعني بلد كلش حلوا مثل تركيا مصر لاوالله ابقة بيهة ولك الموفقية  والنجاح بحياتك

                    اخوك حلميالاول /السفر

[MAGGIC]

اخي العزيز حلمي الاول

شكرا جزيلا لردك السريع والله ماقصرت بارك الله بيك

تدري انا ساكن بسوريا صارلي 5 سنوات وزهكت وطلعت روحي وحالي حال اخواني العراقيين

تحياتي الك وتسلم

[حلمي الاول]

عزيزي  ماجك اتحمل راح الهواية بقة القليل لعد الله يساعدنة بعمان نكرة السلمان وكلش غالية والله والعيشة ملل بس شنسوي صابرين والله يعينة اصبر حالك حال الناس وربي يفرجهة عليك وعلينة





            اخوك حلمي الاول /السفر

[MAGGIC]

اخي العزيز حلمي الاول

الله يبارك بيك وسهل عليك وعلينا وان شاء الله تفرج عليك وعلينا وعلى كل اخوانا الموجودين بنكر سليمان

والصبر صار صديقنا لان احنا اكثر ناس بالعالم متحملين الي متحملينه والله يسهل امورنا اجمعين ونسافر

بس المشكله هنا اذا طولت الامنيه لاسمح الله لاسمح الله فد سنتين او 3 ممكن بعدها رفض او ماكو سفر لو شكد متطول يجي سفر؟؟؟

تحياتي الك

[حلمي الاول]

اخوية ماجك طبعا اني من اول  المتابعين للمنتدى مني جان ابني مشارك بي يعني  اعرف هواية مواضيع اقصى حد للامنية حسب مكالونة بلدورة التثقيفية سنتين هاي اذا طولت واكيد مطول حتة عكك التطوي  ماطول هذة المدة واكيد انشاء الله تسافر لان محد مشفنة نرفض ورة المحلف ورة مفحص وسوة دورة الكل سافر يعني الرفض كلش كلش  نادر وربي يسهل امرك وانتة ليش متشائم جان رفضك الحلف اذا ممقتنع بيك ربي يوفقك


   اخوك /حلمي الاول /السفر

[MAGGIC]

والله يااخي حلمي الاول  ماقصرت بردك او ريحت بالي الله يريح بالك وتسافر انت وانا وكل الاخوان المنتظرين وراح اكمل طريق الصبر والاستعانه بالله وان شاء الله يسهل امرك وامرنا وامر كل اخوانا ويبشرونا بالامنيات وصلت بكل الدول الي بيها عراقيين دينتظرون

تحياتي الك

[حلمي الاول]

تدلل حبيبي الله يريح الجميع يارب والكل تسافر بس هية يرادلهة صبر  وطولة بال ولتخلي املك ضعيف ربي يبشرك ويبشرنة    الجميع ملاحضة  اكو هواية ناس حتة بعمان رجعوا واني اعرفهم والهم مركز قدموا على السفر في حين امورهم زينة ليش لان فكر وا بمستقبلهم ومستقبل جاهلهم بامريكا احسن كل اسمهم عدهم جواز امريكي تقبل احترامي
اخوك حلمي الاول /السفر

   

[MAGGIC]

كلامك مضبوط لعد احنا شمصبرنا غير الاطفال ومستقبلهم
الله يبشرك بالخير وان شاء الله توصل امنيتك وامنيتنا ونسافر والاستقرار للجميع بان الله

تحياتي

[فـلـونـا]

اخي ماجك
بيت اقاربنا كانوا بسوريا وانتظروا الموافقة الامنية سنتين
وقبل 3 ايام وصلوا امريكا والبارحة حجينا وياهم عالنت وكانت معنوياتهم كلش كلش عالية وفرحانين
حتى احنا ضحكنا كتلهم تتذكرون قبل شهر شلون كنتوا خطية الله يساعدهم

فيارب انتو هم تجي موافقتكم عن قريب
اخي تقبل مروري حبيت احجيلك هذي السالفة حتى ارفعلك معنوياتك

[لورنس السفاح]

اخوية ماجك
اني افتهمت سؤالك وشنو اللي تريده بالضبط
اجاوبك ع كد معلوماتي لحد الان اني ماسمع اجا رفض بسبب الامنية
لكن ما اكدر اكدلك 100% انه ماكو احد انرفض لكن اذا اكو فاني مسامع
زين اكو فقرة اللخ
اذا الشغلة زينة ,, ميصير تشتغل بيها وتتركها من توصل الامنية مالتك ؟؟؟
تحياتي

[ابو الحسن]

عمي ماجيك السلام عليكم
تدري كل تصوري انته سافرت
عمي اسالك
اذا الوظيفة بالعراق ولازم ترجع لفرع الشركة بالعراق
فاكولك
لالالالالالالا
لان دخولك  للعراق مايفيد
بس اذا المقابلة والوظيفة باجدى الدول العربية
فتوةكل على الله بلش وياهم ومن تطلع الموافقة قدم استقالتك
الخيرة في مايتخارها الله
ابو الحسن

[شمعة]

اخي العزيز


الموافقه الامنيه هي اهم اجراء في الكيس بعد موافقة المحلف ولذلك يحدث فيها بعض التاخير نتيجة التشدد  والروتين الذي تمارسه السلطات الامريكيه المختصه عن الموافقات الامنيه ولكن في كل لاحوال  يجب ان ياتيك  رد ونتيجة بها سواء كانت بعجد شهر او سنتين ..

بالنسبه لحالات الرفض للموافقه الامنيه اقول لك نعم حصلت بعض الحالات ولكنها استثنائيه وقليلة جدا ولا تتجاوز نسبة ( 2%) اثنان بالمئه من مجموع الموافقات الامنيه التي تخص العراقيين وحتى هذه الحالات الاستثنائيه كانت لاسباب فضائيه وقانونيه  لانهم كانوا مطلوبين  للقضاء  والانتربول في دول اخرى ..

الخلاصه المركزه اخي العزيز المثل الشعبي يقول ( المبلل ميخاف من المطر ) اصبر اخي وانتظر الفتره القادمه والفرج ياتيك من غير ان تشعر من الله سبحانه وتعالى ..


اخوكم شمعة

[MAGGIC]

الاخت العزيزة ام مجودي

شلون مااتقبل مرورك والله كلامك فوك الراس وتسلمين يالطيبه لهذة المعلومات وبارك الله بيك ويوفقك

تسلمين وتحياتي الك

[MAGGIC]

اخي العزيز لورنس العرب2

الشغله زينه بس الاشكال بالخليج وهمه يسحبون الجواز منك ويلزموك بعقد

وتسلم ياورد لمشاركتك بالنقاس وتوضيح النقاط بارك الله بيك ويوفقك وتسلملي اخ عزيز

تحياتي الك

[MAGGIC]

عمي الغالي ابو الحسن

والله مشتاقلك نورت الموضوع وينك هاي الغيبه انت ومضلومه سوادي شنو اهل ماليزيا زعلو علينا ههههه

الله يسمع من حلكك اسافر وكون انت اولنا تسافر وتفرحنا بسفرك وان شاء الله الكل يسافر وميبقى واحد ينتظر باذن الله

لا عمي مو بالعراق باحد دول الخليج بس مثل مكلت للاخ العزيز لورنس العرب 2
همه يسحبون الجواز

بس انكول الله كريم ونصبر ونشوف شلون تاليها

تحياتي الك يالغالي

[MAGGIC]

اخي العزيز  شمعة
نورت الموضوع بوجودك مشتاقيلك شخبارك ان شاء الله بخير

كلامك مضبوط والحمد لله انا لاالي علاقه بالانتربول ولا غيرها خيري كافي شري مثل ميكلون ههههه
بس هو التاخير الي اثر عليه وعلى الكل بس شنسوي بالضبط مثل ماكلت المبلل ميخاف من المطر راح اصبر وان شاء الله نهايه الصبر خير باذن الله وتفرج الامور

تحياتي الك وتسلم ياورد لمرورك

[ابو الحسن]

عمي الورد
خلي ببالك قانون عمل الخليج ينص انه من تريدتستقيل اما تقدم اخطار قبل 3 اشهر او تدفع راتب 3 شهر
وبهاي الحالة من تطلع موافقتك ان شاء الله تقدم استقالة
وبعض الاحيان من تكون علاقتك بالمانجر مالتك قوية
القانون يسمح سنة اجازة بدون راتب وحسب قناعة المدير
انته اهم شي تتفاوض وياهم على العقد افرض الشروط اللي تحميك والله الحامي الحارس الحافظ
شتحتاج سؤال على العقود او قوانين العمل اكتب لي على الخاص وتدلل لان قلبي خلص وياه قوانين العمل 12 سنة والله كريم
ابو الحسن

[مشلوع كلبي]

والله اخى انى ماراح اضيف اكثر لان كل الى سالت عليه جاوبو عليه الاخوة والاخوات الله يوفقهم ويوفقك وانت كتبت وقلت انو احنا العراقين الصبر صاير اعز صديق لنا وهذا الكلام انى مو بس ايدك عليه وانما انى على طول اردده ............. فما لك الا الصبر ويااخى انت صبرت صبرت والله بين لحظه ولحظه فرج والله يفرجها عليك وعلى الجميع ........... امين

[عكعك التطوى]

حبيبي ماجك

غصبن عليها تجيك الامنيه ولو بعد حين قوي كلبك شويه........ وجايه جايه لا محاله

اتمنالك التوفيق والفرج القريب

[Robin Hood]

السلام عليكم
الشباب  كلهم مقصرو بالاجابه وياك بس على كوله اخويه عكعوك تجيك يعني تجيك الامنيه ولو بعد سنه ونص مثلي 
لاشيل هم رزح شتريد اسوي سوي تشتغل تبقه كاعد بالبيت بكيفك بس اكيد افضلك الشغل 
والتسهيل من رب العالمين للجميع

ان مع العسر يسرا

robin - ny

[MAGGIC]

عمنا العزيز ابو الحسن

كلامك ذهب وماقصرت ان شاء الله اشوف الوضعيه شلون تصير وابلغك على الخاص

تسلمي ياعمي الغالي وبارك الله بيك ويوفقك وسهل امرك وامرنا وامر الكل .......... امين

تحياتي الك

[MAGGIC]

اخي العزيز مشلوع كلبي

اي والله الصبر ماالنا غير الصبر ولو انشلع قلبنا بس هم نصبر والله كريم ان شاء الله يعوض صبرنا خير بين لحظه والثانيه
شكرا الك وبارك الله بيك ويسر امرك وامرنا باذن الله

تحياتي

[MAGGIC]

اخي وصديقي العزيز الغالي  عكعك التطوى

والله ريحت قلبي وصدك ينراد واحد يقوي قلبه شنسوي الله كريم نصبر ونقوي كلبنا وننتظر الفرج من رب العالمين بين لحظه والثانيه

على فكرة حجايتك قوي قلبك ينرادلها ريدبول ههههههههههه

تحياتي الك يالغالي

[MAGGIC]

والله اختنا العبير هاي اكبر مشكله الجواز

بس الضاهر راح اسمع كلام الاخوان وكلشي ماسوي بس اشوف الشروط مالتهم لمجرد معلومات وعلى كولت الاخوان الامنيه جايه جايه ونشوف الله شقاسم والله كريم

شكرا الك وبارك الله بيك وسهل امرك وامرنا وامر كل اخوانا

تحياتي

[MAGGIC]

اخوي العزيز Robin Hood

اي والله مع العسر يسر ان شاء الله

المهم توصل الامنيه بس مو سنه ونص مثلك اموووووووووووووووت 

تسلم اخي العزيز وبارك الله بيك وسهل امرك وان شاء الله تسهيل امرنا باذن الله

تحياتي الك