رفض ال sivمساعده

[علي الجنابي21]

مرحبه شباب صبايا

سؤال الى كل الي يعرفون بقضايا الهجره

اني قدمت على ال sivوانرفضت لاسباب ما افتهمتها بس يعني حته ما بيها استئناف
اكدر استئنف
واني مقدم iomيعني منتظر موعد مقابله بس اريد اعرف اشلون اقنعهم باني متهدد واشلون ارتب قصه يعني اني مشتغل وياهم من 3 سنواتن ونص وبعدني اشتغل وياهم بس اريد مساعدتكم

[ARMY STRONG]

هله هله كثروا ماشاء الله المرفوضين

لا و هم بعدك تشتغل وياهم هسه لة بلاك لست جان كلنا اي بله اكو سبب بس هاي واكفه جيل مال تشتغل بعدك و يجيك رفض يله بله شتجطلها و تطيب

كلي هم رفضك مؤشرين على  derogatory info لاان همه ماعدهم غيرها

سويلك قصه مرتبه مال تهديد قابل يرادلها روجه للقاضي رتبها و اظبط تواريخك و الله كريم

اما استئناف اس اي في فما مااعتقد لا ان القرار نازل من شعب الله المختار (السفاره) لا يعني لا خلاص

[ســـرى]

اخوية ممكن تكوللنا انت بأي مرحلة بالاس اي في؟ يعني اخذت الكوم ابروفال لو لا؟ وشوكت قدمت اوراقك اول مرة بدون زحمة عليك.

[المهندس سيوفي]

اني وية الاخت سرى ---- الرجاء الاجابة على سؤالها ؟؟

"اخوية ممكن تكوللنا انت بأي مرحلة بالاس اي في؟ يعني اخذت الكوم ابروفال لو لا؟ وشوكت قدمت اوراقك اول مرة"

[repentant]

استاذ علي
يابة الله يساعدك غير تحجينا عن التفاصيل الله يرضى عليك شنو انت قبل ما تاخذ الكوم اوف ابروفل اجاك الرفض لو اخذته ومشيت بالمعاملة وبالمقابلة ارفضت رحمة على والديك ترى وكعت قلوبنا احنا مقدمين اس اي في وبنفس الوقت ارفضنا من الاي او ام فنخاف هم ايرفضونا السفارة وقابلنا وكملنا بس منتظرين خوي اخوي رد علينا فدوة اروحك

[ARMY STRONG]

عيوني علاوي شو انته ذبيتها و فلتت اي غير تجي تسولفنا حته على الاقل نعرف شلون نساعدك ننصحك
لاان شغلتك غامضه مو طبيعيه

[ســـرى]

اخونا علي انت من طلبت المساعدة تابع موضوعك شوف منو راح يساعدك هسه انت كلت مرفوض غير نفتهم انت اصلا ماخذ ابروفال لو لا؟ وبالحالتين بلكي عدنا حجاية نفيدك بيها!!!!!!!

[المهندس سيوفي]

بس الحلو بالموضوع انه الاخ مامبين عليه ضايج من الرفض من عبارة (مرحبة شباب صبايا) !!!

بدة الفار يلعب بعبي بس لا هو نفس الشخص ولاسيما هاي اول مشاركة الة !!!

اكثر من علامة تعجب بدت تكون عالموضوع !!!!!!!!!

[ARMY STRONG]

والله سيوفي ماادري شكلك اني هم الفار بدا يلعب بعبي 

نطيه عطوه فد يوم اذا مابين نقيم عليه الحد

[علي الجنابي21]

شباب اني اسف اذا مفهمتوني واكو جماعه كايلن انو اني ممهتم لا شلون اني كلش انقهرت لان هيه فرصه متتعوض والا اني من البدايه ما عرفت اشلون اقدم بل الصوره الصحيحه واجه الرفض واني بعدني ما مماخذ com وراها اني دزيت الهم كتلهم اني ممقتنع بل الاسسباب الي رفضتوني بيها كالو هذه الموضوع مو يمنه ودزولي موقع واني هسه راح انسخ الكم الرد مالهم ودزولي موقع كالو استفسر منه بس اني اريد مساعدتكم بل الموضوع وعلمود ال iom اني هم مقدم ومحصل كيس نمبر ومنتظرموعد مقابله اولىWe are sorry but we are unable to discuss specific reasons for your denial.  Please note that you may still be eligible for the US Refugee Admissions Program.  Information regarding this program, including information on how to apply, can be found at: http://iraq.usembassy.gov/refugeeidpaffairs.html. 
 

[علي الجنابي21]

هاي اسباب الرفض مالتهم

[ROCK]

الاخ علي الجنابي ..

اول شي اتصور اني اعرفك .. واعرفك كلش زين .. وخصوصا اذا جنت نفسك الي رجعلي الساوند سستم للمكتب مالتي 

 اذا نفسك على الجنابي .. تعال مرلي باجر خلي نسولف

اخووك
Rock

[kunda]

واني همينة دااشك بشخص من اربيل قبل كم يوم انرفض على برنامج SIV بس مااعرف  انت لو لا؟؟؟؟؟؟
ممكن توضيح please

[ســـرى]

هاي هي بين الموضوع ما مكمل المتطلبات مال البرنامج يعني مو رفض ورة الكوم ابروفال وهاي صارت وية هواية ناس المتطلبات ما كاملة وما يكدر يوفرها فيجي رفض.اخوية قدم عالاي او ام والله يسهل امرك.

[المهندس سيوفي]

نشكر الاخ علي على توضيحة للمسالة ---- بس لو تلاحظون من خلال جوابهم للاخ علي انه كايلين تكدر تقدم على برنامج الاي او ام --- يعني نكدر نفتهم انه ماكو ربط بين البرنامجين او عالاقل اذا انرفضت من واحد مايعني انه تنرفض عالاخر --- لان سمعت اكثر من مرة انه الي ينرفض من الاس اي في كلش صعبة انه يقدم او ينقبل عالاي او ام !!!

شنو رايكم بهاي النقطة ؟؟؟!!

[ARMY STRONG]

هسه اوكي يا  عيوني يا علاوي غير من اول تفهمنا خليتنا نضرب اخماس ب اسداس

اني ما على مودي خفت على سيوفي لا تصير بيه جلطه