ارجو افادتي اخواني واخواتي

[SAIFO2000]

مرحبا شباب وبنات لان ما اعرف اكلكم صباح الخير لو مساء الخير لان كل واحد بديرة
اني خريج بايولوجي من العراق وكاعد عطال بطال والحمد لله بفضل الحكومة الديموقراطية الي اليوم الحمد لله ظربت رقم قياسي جديد احب ابشركم العراق ثالث مرتبة بالفساد الاداري يعني بين قوسين التعيين والحياة السعيدة على الابواب
والوظع الامني ما اسولفلكم من الامان الناس ما تنام بالبيوت كلها بالشارع وماكو نوم اصلا يعني حياة سعيدة بس كم يوم نسمع كم مفخخة لو حزام ناسف لو اغتيال لو خطف لو عبوة يعني الوضع تووووووووووووب كلوووووووووب
اكيد طولت عليكم بس رح تكولون هذا شكد لغا بس اعذروني من ظيم كلبي
اني خريج بايولوجي وانكليزيتي ممتازة وعالكومبيوتر بروفيشينال وهالاشياء الباقية بس الحياة سادة بابها بوجهي هنا بالعراق وبكل الدول العربية وحتى بتركيا
الصراحة وبيناتنا الحجي اني حلمي من زمان اسافر واستقر باي دولة اوروبية او امريكا او كندا او استراليا او نيوزلندا مو مهم المهم اي فرصة ما تخليني اموت هنا من القهر لو بعبوة لو بمفخخة الله يبعدنا
يعني اريد احد يدليني على طريق افلت من هالجنة العايش بيها لان بزعت من الونسة والفلوس  
واني اي معلومات ما عندي شلون اقدم ومنين اقدم وشاسوي بس اريد منكم ان تفيدوني بمعلوماتكم وخبراتكم الخنفزاعية ورح تدخلون بية الجنة اذا خلصتوني من هالطينة






كلنا نحب بلدنا بس بلدنا ظربنا بالقندرة وحكومتنا تريد تسوينا قرود والناس نايمة ورجليها بالشمس




لا تطولون علية حبايب ترى اخيكم .................

[** يدكو **]

بامكانك التقديم من العراق على احد البرنامجيين وهما (siv+iom) وهذا يشترط عليك ان تكون قد عملت مع قوات الامريكيه او الشركات التابعه لها اما اذا لم تكن قد عملت معهم فليس لديك خيار الى التوجه الى احد دول الجوار او لبنان او مصر والتقديم على المفوضيه الساميه لشؤون اللاجئيين

[زهرة الصبار]

احسن شي بالنسبة الك ان تطلع للاردن بفيزا وتقدم لجوء عاليون ان لان تقريبا الاردن احسن الدول بشغلة اللجوء وانشالله متطول هواية وتوكل على الله

[SAIFO2000]

يابة اشكر الجميع عالاجابة
اني لا مشتغل ويا الامريكان ولا عندي احد اقاربي يشتغل وياهم يعني مايصير اقدم من العراق
طيب سؤال في حال اني رحت لعمان وقدمت عاليو ان شنو لازم اسوي بالظبط يعني اروح اكلهم اريد لجوء لامريكا لو لاي دولة لو شاسوي؟
زين ورة ما اقدم ابقى بعمان لغاية ما يجي الجواب لو ارجع للعراق عادي واراجع كل فترة؟



صدك اخوية اني بطران بس شاسوي هم طفرت روحي من الونسة والفلوس والرفاهية ولازم نجرب عيشة الناس الفقرة والوضعية التعبانة مو لو مومو؟

[batota]

اي اخويه مثل ماكال لاخ asood2000 اطلع لسوريا او للاردن واصبر شويه وهي بصراحه تستاهل الصبر والتعب لان حياه ومستقبل بكل معنى الكلمه وانت ما شاء الله شهاده وللغه يعني عندك اكبر سلاح بيدك لاتضيعه بلونسه والحياه الحلوه البلدنا اتوكل على الله ويارب الموفقيه .اختكbatota

[حسين السالم]

اكيد طولت عليكم بس رح تكولون هذا شكد لغا بس اعذروني من ظيم كلبي
هههههههههههههههههههههههههههههههههه حبيبي صح لغيت هواية بس مو مشكلة اشاقة وياك حبي المهم مادام ممشتغل وية الامريكان فماعندك غير بس اليو ان ومثل مكالولك الاخوان والاخوات لازم تقدم من احدى دول الجوار وربي يوفقك ارجوا ان تتقبل مروري اخوك حسين السالم.

[SAIFO2000]

اشكر الجميع على ردودهم الحلوة وشكرا لانكم تتمنولي الافضل وما اتوقع منكم غير هذا الشي لان كلنا ابناء نفس التراب وطالعين من نفس الوحلة حشاكم
ادعولي بس والله كريم
بس سؤال ياهو احسن سوريا لو الاردن ويعني لازم اظل ساكن بسوريا او الاردن لحد ما يجي الرد من السفارة ؟؟؟؟؟؟؟؟

[batota]

اخويه اعتقد ماتفرق سوريا اوالاردن لان الاجرائات كله وحده بس انت اضل مقيم  عليهم وتنسى الرجعه للعراق لان من انت راح اتقدم لان الوضع في العراق خطر جدا  ويارب الموفقيه.اختك batota

[زهرة الصبار]

اخوية العزيز
سبق وان كتلك اذا كدرت تحصل فيزا للاردن فتعال للاردن لان التقديم لليوان اسهل من سوريا ومو ذاك الزخم عليها وبعدين متطول هوايه مثل سوريا يجوز باقل من سنه اذا الله سهل تكون طالع لامريكا او اي دولة اخرى انت وحظك بس اذا واكول اذا ماحصلت فيزا للاردن يالله روح سوريا
بعدين اذا جيت للاردن هم تكدر تشتغل بفد 200 دينار مو شي بس تمشي شغل اما بسوريا اذا اشتغلت مينطوك اكثر من 100 دولار ومن الصبح لليل
ولتفكر ترجع للعراق من تقدم شعندك لان اذا طلعت صعبه تدخل دون اقامة
والقرار الك بالطبع
اني احجيلك لانه سبق وان عشت بسوريا وقدمت مناك وشفت شلعان الكلب بكل روحه من روحاتي لل يو ان
ومن الله التوفيق

[SAIFO2000]

اشكر الجميع من اخوتي واخواتي على ردودهم الي تخليني اصر على هدفي واتمنى اكون صديق للجميع
وما قصرتو وبارك الله بيكم وبجهودكم ويايا
ولو رح اطول عليكم ورح اوغف شوية بس استحملوني
اخر سؤال بعون الله
اذا طلعت لسوريا مانسبة النجاح بالنسبة للاردن يعني ياهو الاحسن ؟؟
والمبلغ الي احتاجة من اطلع ان شاء الله
وهل تفرق الشهادة واللغة بالنسبة الي ولغيري يعني فرصتي تكبر
طولت عليكم هواية واشكركم عالمساعدة يا احلى منتدى

[batota]

اخويه SAIFO2000 اعتقد لاردن افضل هي مابيه نسبه بس احسن  من سوريا وبلنسبه للشهاده وللغه هي سلاحك يعني اهم اهم شي اللغه والمبلغ اني سمعت محددين عشره الاف دولار يعني مو اكثر  بس مامتأكده منه ويارب الموفقه واي سؤال اني حاظره .اختكbatota

[batota]

اي اخويه اني مقدمه على امريكا والحمد الله خلصت كل لاجرئات بس بقالي تحديد الولايه وان شاء الله خير .يارب بلموفقيه وتفرج عليك

[عماد العراقي]

اتمناء الك التوفيك