نــــــــــــــــــــــــــــــــداء للاخوة جماعة SIV و ال IOM ادخلو بسرعه

[DR.ROMANC]

السلام عليكم ...اخوان اريد استفسار ضروري الله يخليكم ....افتهموا حالتي ...
اني طالب طب ...و عندنا شركة مقاولات ....شركتنا عملت مع القوات الامريكية من العام 2004 ولحد الان طبعا الشركة مو باسمي باسم خالي ...و في 2009 دخلت للقاعدة الامريكية اشتغلت  بيها ما يقارب الشهر وبعدها تهددت وتمت مطاردتي وعندي اثباتات من مركز الشرطة وعندي اثبات من القاعدة اني اشتغلت وياهم ....وحاليا اني مهدد وتركت دراستي وشغلي بسبب التهديدات واني هسه يومية بمكان يعني متشرد ....رحت على ال IOM وانطوني ايميل راسلتهم عليه ....ودزلولي رسالة يريدون مستمسكات ....و راسلت ال SIV ودزولي مجموعة اوراق ATTACHMENTS عن برنامج SIV ....الي اريد اعرفة :
هل اعتبر مشمول في برنامج SIV اذا كانت شركتنا مشتغلة وياهم من العام 2004 واني طبعا من ضمن الشركة ؟ لكن عملنا وياهم خارج القواعد وايضا داخل القواعد الامريكية بس اني ما عندي اثبات الا  ورقة مال قاعدة البغدادي وهي لمدة شهر (ورقة اسمها لبس سكرين )
وعندي كتاب من شركتنا يؤيد اني اني كنت مدير مواقع اعمال الشركة
علما اني بس الي اريد اقدم على اللجوء او الهجرة بدون اهلي
 فساعدوني وعلموني الله يخليكم لاني في ورطة

[ســـرى]

اخي العزيز انت عندك توصية من شخص امريكي وياكم كان بالشغل لو لا؟لانه بدون التوصية ما تكدر تسوي اي شي.

[DR.ROMANC]

شكرا عالرد اخت سرى .....
عدنا توصيات وكتب شكر من الجيش الامريكي باسم الشركة .....وعندي ورقة من الجيش الامريكي باسمي شخصيا اثبات اني اشتغلت بالقاعدة الامريكية لمدة شهر 

[kunda]

مادام هيجي قدم كل اوراقك وتوكل على الله وهمه يكولولك اذا هالاوراق كافية لو لا

[DR.ROMANC]

زين الاوراق الي اقدمها ....اقدم اوراق الشركة لو السيفي مال اشركة لو اقدم تاييد من الشركة باني احد المؤسسين لو شنو ؟؟؟

[ســـرى]

سؤال لاخ اخوية اللي منطيك التوصية كاتب ايميله بيها او عندك الان اتصال بيه بحيث تحصل على ايميله الرسمي؟ لانه ضروري علمود من يتصلون بيه يأكد عملك.

[saif moon]

شوف اخوية العزيز بالنسبة لبرنامج ال SIV هو برنامج عقيم وتعب اني مشتغل وية شركة امولها الجيش الامريكي و لمدة اكثر من سنتين وعندي ركومنديشنات هواية من جيت اقدم على ال SIV طلبو مني معلومات هواية وكلها جبتها حتى السوبرفايزرية الامريكان مالتي جاوبوهم واخير شي طلبو تفاصيل العقد مال الشركة كلها وهذا الشي اني ما كدرت احصلة فاذا انت حصلت علية استمر بال SIV واذا مكدرت انصحك تصرف نضر اني طولت وياهم ايملات يمكن 8 اشهر حتى بس احصل على الكوم ابروفال وتالي دمروني بهاي الشغلة على العموم اكو برنامج بال iom اسمة USRAP هذا البرنامج يحق الى اي واحد اقدم علية ولو مشتغل يوم واحد وية الامريكان وعندة تزكية فانصحك اتقدم عليه مثل ما اني سويت والحمد لله هسة عندي IZ number وبعدلي مقابلات وان شاء الله خير....
مع تحياتي اخوك سيف

[kunda]

اني مع كلام الاخ سيف موون مية بالمية فعلا الاس اي في راح يشلع قلبك وماتحصل شي بالنهاية هو اصلا المترجمين اللي البرنامج انفتح باسمهم اول شي أكثر من نصهم ماحالفهم الحظ بيه للاسف الشديد

[ســـرى]

اني هم انصح بالاي او ام بس لازم اكو ايميل للمسؤول علمود تأكيد الوظيفة.