ردا علة قناة الفيحاء وارجو انو احد لايزعل علية( والعراق بكلوبنة وابدماننسا)

[علي النعيمي]

اخوان اني بوكتهة كلبتة طلع اغناني عراقية تغني عالعراق  المهم تعليق بسيط لعد همة ليش طلعو لانو العراق امان واستقرار وكهرباء وماي وسهر بالشوارع للصبح والاسواق احسن من السبعينات امان مية بالمية والجو نقي لدرجة ماكو امراض سرطانية نادرا جدا او شبة معدوم وماكو معتقلين وحرية الصحافة وتسب بالحكومة علة راحتك والطرق كلهة مبلطة عبالك كاشي وماكو طائفية واسطات بدوائر الدولة وماكو فساد ادراي مثل ميشيعون بالقنوات الفضائية واحصائيات عالمية وحصة نفط اكو 10 الاف دولار كل شهر وكل  واحد عندة بيت خاص بية وحتة الطفل من  بطن امة ياخذ راتب وماكو حواجز وماكو جيش وشرطة بس عالحدود وماكو سطو مسلح كل يوم وماكو عبوات لاصقة وماكو كتل بكواتم صوت وماكو فضائح مثل الي نشرتهة ويكليكس كلة جذب يكذبون عالعالم يكولون العراق موخوش وهوة احسن بلد بالعالم مثل موصفتلكم  وبالنسبة لزينب بس تجي للعراق تختنك وتكول ياريتني مارجعت ويمكن تنتحر او علة كولة اخون تريد تزوج لانو هناك محد يكلبهة هههههههه  واكو برنامج عالبغدادية كل جمعة اسمة جا وين اهلنة يطلعون كل جمعة عائلة عراقية تحجي عن حياتهم ويكعدون بجييييي  نريد نرجع وهمة عايشين احسن عيشة يابة اذا ميعجبكم الغربة رجعو وانطو فرصة لغيركم تعيش بامان واستقرار وراحة لعد همة ليش باعوا ممتلكاتهم وهاجرواا وطلبو لجوء بدول الجوار تعرفون ليش اباوع هاي البرامج مو علمود احن العراق العراق بكلوبنة بس شافو بالعين لو بالعقل واشوف هالبارمج عالمناظر الطبيعية والنظافة وكلشي اكو برنامج اسمة البغدادية بين الناس يطلع بالوحدة باليل شوفو وانطوني رايكم والله اذا تشوفو بعد احد ابد ميفكر يرجع خلو العالم تعيش بلة هاي البرامج الخداعةة ولااحد يزعل علية هاي الحقيقة والساكت عن الحق شيطان اخرس

[علي النعيمي]

اخوان هسة برنامج جاوين اهلنة عالبغدادية كبل لايخلص هههههههه

[الناسك]

اخوية عيش وشوف احنة تعودنه على هيج غسيل دماغ هذا نهج يتبعوه صار سنين ومستحيل اكو واحد يكدر يغير هذا النهج الاعلامي الخداع بس الله على الظالم .

[علي النعيمي]

الف شكراااااا اخوية الناسك علة كلامك الجميل

[ساحر بغداد]

اخي كلامك منطقي و100/100
اتمنى ان تنتهي حالة المرائات وطريقة استجداء العواطف عند بعض العراقيين ونخلص... والله كمنه وين مانروح عبالهم احنة مجادي بسبب تبكبك بعض العراقيين وبالأخص من يشوفون كاميرا يتخبلون وصارو اساتذة بتمثيل دور المسكين...

الله يساعدنة.
الله يساعدك ياكلبي..

تحياتي.

[علي النعيمي]

اخوية ساحر بغداد ليش ميشتغلون ممثلين ومذيعين ينجحون هههههه وبامتياز

[ألن في بلاد العجائب]

 عاشت ايدك اخويه العزيز مقصرت و اضيف يا حسافه على الي انقتل بالعراق من غير ذنب و سبب يا حسافه ع الي اتهجر و بيته احترك و يا حسافه على كل واحد انخطف و انلزكتله عبوه و انقتل على لا شئ هذوله شيكولون لعد
احوكم
الن

[ملك الحيرة]

اخي العزيز
موضوعك جميل ولكن مكانه في قسم الدردشة لياخذ حصته من الردود
وشكرا الك

[رائد واشنطن]

I'm glad that I'm in the States

[انور جورج]

اخي لاتعب روحك انت واني وكل العالم يعرف الجماعه الي طلعوا في البرنامج شلون طلعوا لامريكا  بين قوسين ماشيه كلمة بامريكا 
هنا هالايام جماعة رفحا وماادراك ماجماعة رفحا عشرين سنة بامريكا وسطر انكليزي ميعرف يكتب عشرين سنه بامريكا وماعندة جنسيه عشرين سنه بامريكا وعايش في بيوت الحكومة عشرين سنه بامريكا وميعرف يشتغل الا كاش فيترجي لو سايق تريله عشرين سنه بامريكا وبعدة على القميص الحرير وحذاء الروغان اليلمع عشرين سنه بامريكا ودايني وراس الشهر انطيك اللهم اني اسالك ان لاتجعلنا من جماعة العشرين سنه واجعلنا من جماعة العشرين شهر ونفهم كل الامور في امريكا  وانا اسف طولت شكرا

[أبو بشير]

اخواني

قناة الفيحاء قناة نفاقية صرف تذكرني باللواكه مال تلفزيون قبل على منجزات الثورة يعني تصورو احد مسرحياتهم مسوين لقاء في بيت نوري المالكي واثناء اللقاء تنطفي الكهرباء وراها نوري المالكي كال هاي طفت الوطنية جان يكوله المنافق الاعلامي مال الفيحاء ليش مولدة ماكو وجاوبه نوري الورده كال احنه بس عالوطنيه زين يابه شلون تريدهم يصيرون ذوله المتلونين المنافقين ببرامجهم هم وضيعه وتافهه مثلهم ....

عاشت الحرية ويسقط المنافقون في كل زمان ومكان وسلامي للوطن اللي احبه بس ما اريد ارجع لان ما احبه اكثر من نفسي ومستقبلي

تحياتي
ابوبشير

[لورنس السفاح]

اخواني

قناة الفيحاء قناة نفاقية صرف تذكرني باللواكه مال تلفزيون قبل على منجزات الثورة يعني تصورو احد مسرحياتهم مسوين لقاء في بيت نوري المالكي واثناء اللقاء تنطفي الكهرباء وراها نوري المالكي كال هاي طفت الوطنية جان يكوله المنافق الاعلامي مال الفيحاء ليش مولدة ماكو وجاوبه نوري الورده كال احنه بس عالوطنيه زين يابه شلون تريدهم يصيرون ذوله المتلونين المنافقين ببرامجهم هم وضيعه وتافهه مثلهم ....

عاشت الحرية ويسقط المنافقون في كل زمان ومكان وسلامي للوطن اللي احبه بس ما اريد ارجع لان ما احبه اكثر من نفسي ومستقبلي

تحياتي
ابوبشير

ههههههههههههه والله بالصميم ,, عاشت ايدك

[كوكي 2004]

عاشت أيدك علوش ياورد .. والله بدعت وكأنك في قلبي .

طبعآ الأخوة كفوا و وفوا من تعليقات توكع على الجرح ... بس حبيت أضيف شي بسيط وهو ..

(( شتترجون من قناة يمولوهه المعممين )) وصدك ( خوفكم من رجال أو أشباه رجال الدين أذا فسدوا ).

ماكفاهم القتل على الهوية والأسماء بالدريلات والكوسرات بولد الخايبة بالعراق والضغط على دول أوروبا بأرجاع العراقيين قسرآ .. بس بأمريكا ماكدروأ يطلبون بأعادة العراقيين قسرآ .. هدوره راحولهم بدربونه جديدة ( وهي طريقة الأستجداء والتبكبك) وغسل الأدمغة بالتي هي أحسن . ( يامجادية ياولد المجادية ) ياقناة الفيحاء وكل القنوات المندسة وكل الي يستبيحون دماء العراقيين الشرفاء .

                        (( من الصغير .... والكبير وغيرهم )) وحسبنا الله ونعم الوكيل .


                                 أختكم كوكي .
                                 

[ARMY STRONG]

اخواني

قناة الفيحاء قناة نفاقية صرف تذكرني باللواكه مال تلفزيون قبل على منجزات الثورة يعني تصورو احد مسرحياتهم مسوين لقاء في بيت نوري المالكي واثناء اللقاء تنطفي الكهرباء وراها نوري المالكي كال هاي طفت الوطنية جان يكوله المنافق الاعلامي مال الفيحاء ليش مولدة ماكو وجاوبه نوري الورده كال احنه بس عالوطنيه زين يابه شلون تريدهم يصيرون ذوله المتلونين المنافقين ببرامجهم هم وضيعه وتافهه مثلهم ....

عاشت الحرية ويسقط المنافقون في كل زمان ومكان وسلامي للوطن اللي احبه بس ما اريد ارجع لان ما احبه اكثر من نفسي ومستقبلي

تحياتي
ابوبشير

ههههههه هاي قويه ههههه صدك نفاق ايباخ ما عنده مولده ابو السبح

[كاتلوني الى الابد]

عاشت ايدك اخويه والنفاق مو جديد وصدق الرسول(شر الناس ذو الوجهين)

[ســـرى]

اشو انكلبت سياسة؟؟؟؟؟؟؟؟؟؟؟؟؟؟؟؟؟ لاحول ولاقوة الا بالله

[BASHARONA]

والله يااخويه بردت كلبي يععني لو تدري شيصير بيه من اسمعهم هيج يحجون يعني مااعرف شفكرون
بس يعني اكو شي واحد الي هيه متقبل للنقاش (الاهل) يعني هم اكو ناس تشتاق لاهلهه  مثل صاحبي يكلي اريد ارجع ومن تصير صدك يتراجع زين جيبهم يمك. بهيج حاله هسه يكلي ميقبلون يجون زين انته ارجع وشبع منهم  اذا انت هيج متأذي هاا مو مو مو ويسويهه قصه عليك زين لعد حرنه وياك  يععني هييج تصير بيهم حااله نفسيه هوه عايش ومرتاحواموره توب ويشتغل وهو يكلي ممرتاح متأذي وماكو شغل هذا الحجي تره هوااي اسمعهه من هوواي عاالم يعني مو بس صاحبي.تحيااتي الك مره لخ

[شرق غرب]

عاشت يداك اخي العزيز واضيف ايظا على كلامك هاي الحدود مفتوحه للجميع خلي يجربون ويشوفون بعينهم شلون صار البلدوبعدين يحكمون ويتباكون على البلد امام عدسات التلفزيون.....مو هيين عليناترك  بلادنا التي ولدنا نحن وابائنا فيها ولكن ضروف البلدجعلتنا نختار بلد اخر  ...اسف اذا طولت

[علي النعيمي]

السلام عليكم اخوان شخباركم
اني راح احجيلكم اليوم عن تجربه واقعيه
اللي هي تجربتي اني
اني اخوكم كنت بامريكا عشت بيها 16 سنه
عشت بيها اجمل ايام حياتي عندي شغلي وبيتي
وتزوجت الحمدلله وطلعت زوجتي لعمان سويتلها معامله وبعدين استلمت الفيزا لكن لضروف انتهت مدة الفيزا وهي مسافرت وهسه هي عالاي او ام
مقدملها
رجعت اني للعراق من سنه واربع شهور
تقريبا
تركت شغلي وصورولي العراق جنه من شغل وكل شي
اني بنيت بيت بالعراق الحمدلله
ورجعت وهسه بعد سنه واربع اشهر ندمت على الساعه اللي رجعت بيها
هسه اخوكم قرب يفلس
وماكو لاشغل ولاشي
ماخليت مكان مارحت ماكو وضائف
ولا شي هو هذا العراق العضيم
مو قصدي تجريح او شي
بس اني احجي عن تجربتي اني برجوعي للعراق ندمت الف مره بل مليون مره

وشكرا لكم
بس حبيت اوضح الام
هاي مشاركة اخوية hassan w وكان الموضوع عن عودتة للعراق

[شوفرليت]

رحمة الله على والديكم تصنيف يخبل عاششششششششوووووووو مع تحيات شوفرليت بلايزر

[ابو غيث]

السلام عليكم اخوان راح احجيلكم على صديق عندي جان جيراني بسوريا عايش اثنا عشر سنة بسوريا بيتهم بالتاصرية
اهلة كالولة يابة انتة مهندس والحكومة صارت النة ليش ماترجع ونلرتب الامور الك راح خطية للسفارة ورتبولة كتاب انو هوة مهجر ورجع للعراق وصار مدير قسم بمستشفى الناصرية وانطو سيارة وحسبولة سنوات الغربة راتب وخدمة  ايكول هوة ومشت الامور
ورة اسبوع ايكول كاعد اني بالبيت واذا اخوي اجة كالي مدير قسمالمشتريات كتلو يابة منو كتلة كال جماعةمن احد الاحزاب الحاكمة مريد نذكر الاسم خاف يطلعنة واحد يزعل يابة ليش كتلو كال ايريدو ايوقع على صفقة بيهة بوكة جبيرة وميقبل فهمة راحو جابو واحد صدرولة امر اداري وجابو وياهم كتلو هذا وكعدو الاخر بمكانة ووقع الجديد شغلة محترمة موهيج اخوان  فيكول صديقي من اسمعت الخبر كتلة لاخوية عيني هاي المفاتيح مال السيارة وهاي ورقة كتبت بيهة استقالتي انطيهة للمدير وسلملي على العراق
وثاني يوم الصبح بسوريا فيا اخوان على كولت اهلنة احنة ولد الكرية وكلمن يعرف اخية فلازم ماتهزنة القنوات لان نعرفهة كلهة كذب ونفاق لان البلد ضاع والى ابد الابدين  ارجو محد يزعل من كلامي مع الاعتذار للجميع
اخوكم ابو غيث

[ammar_eng]

هسة هذا بياع السبح لو يدزنة سبح لامريكا ابلاش عالاقل نذكر السبح العراقية

بس كلشي ميطلع من هذا الدثو

جيب السبحة جيبهة

[كيوت]

السلام عليكم ....

قناة الفيحاء قناة تمثل البصره أي أخوان محافظة البصره العزيزه كان أسمها في زمن النظام بوابة الصمود ثاني أكبر محافظه وره بغداد أهلها ماعدهم ماي للشرب الله وكيلكم بزمن الصمود الصدامي وأكلت كفخ من قصف أيران الى القتل المنظم مال مخابرات صدام وفرق أعدامه وأهلها خوش ناس ترى وعراقيين , وهسه البصره تنام بساعات الليل المتأخره لأن همين وره 2003 دخلولها مو خوش أوادم بس سبحان الله الناس مرتاحه وتاكل وتشرب ونست مأسيها الوضع الأن جيد جدا العراقي البصري الجان كاعد على حافة الرصيف أيدور كطف مال جكاره يوكع من أيد أسياده أبغداد بزمن الصمود كام يشتري باكيت مال جكاير وأولاده كدر أيعينهم بالدوله العراقيه بعد ماكان عليه خط أحمر حتى الوقوف على باب دوائر الدوله العراقيه , أخوان لاتنسون نفسكم أنتوا عراقيين حتى لو وصلنه لأمريكه وترى كلمن عنده سبب بالهجره لأميركا مو بس لأنه هو مهدد وأحنه نعرف زين بأنه الوضع أختلف هوايه عن قبل سنتين وثلاث سنين وأكثر اللي تهددوا زال الخطر عن حياتهم الأن وأني واحد منهم فلا أتصورون الوضع بهذي المأساويه وكأننا مازلنا بزمن المكرمات الصداميه 250 غم صابون عالحصه التمونيه وطحين كله كطوف جكاير ونخاله مال خشب والخبزه سوده بسواد الليل والعراقي أيبيع بيته وسيارته وغراض بيته ديعبر بيها للسويد ودول اللجوء في أوروبا يوصل ماعنده حتى 100$ واليطلع للأردن لازم ويايه مو أكثر من 100$ وخمسه غرام ذهب والساحه الهاشميه بعمان تشهد ياعراقيين أشلون أنداسو هالناس أبساطيل العرب الشرفاء , ماأريد كهرباء ولاماي بس أشويه راتب زين وكرررررررررررامه , وأطب وأطلع للعراق براحتي , ترى والله أكلوا الشرفاء تبن بزمن الزيتوني وياكاع أترابج كافور , وهسه يبجون على زمن صدييم ويكولون أيام الخير . وهسه ياهو الأحسن أبو السبح اللي مايوفر خدمات للمواطنين لو صدييم الخله الراتب مايجيب باكيت جكاير والصوندات عالظهر .

[أبو بشير]

نشكر الله سبحانه على نعمة الكرامة والحرية ومن ثم نشكر اميركا التي اعادت لنا حريتنا بعد ان سرقها الطغاة والعن السراق والمنافقين وحكام السوء وانحني اجلالا واكراما واحتراما وحبا وتشرفا لاهل البصرة الكرام الطيبين الاصلاء واحب ان اوضح ان البصره لم تكن مقصوده بالنقد ولا اسمها الكريم ولكن القناة  الاعلامية التي وظفت اسم البصرة وعنوانها وهذا لايعيب البصريين ابدا ولكن على هذه القناة فقط لانها بوق رخيص ...

تحياتي
ابوبشير

[ابن ميشكان]

كلامك ذهب يا أخ كيوت
واحب انه اظيف ملاحظه اخوان اهواي قنوات تقول ما تريده احنا عدنا عقل لو لا اسأل صاحب الموضوع
انت عندك عقل لو لا   طبعا لديك   عقل     وكل العراقيين لديهم عقل رغم اختلافها  بساحنا نعرف الظاهر شنو والباطن شنو نسينه بزمن صدام جان امطلع العراق كله بخير ويدعون لصدام بالخير هذا مو نفاق
ابحثو في القنوات اكثر الدول تقول نحن افضل دوله ونتميز بكذا وكذا اما الحقيقه فهم    لالالالا ششششيء وخاصه للدول العربيه
اعزائي كلنا نعرف ما هو الوضع التعيس في العراق مثل شركة بيبسي تقول مشروب منعش مقوي وكذا وكذا وهو يدمر العظام وامور اخرى ...........  اخوان دعايه ما يحدث فلا داعي للغضب على اي قناة لان احنا مو عميان ولا اغبياء
وشكر

[لورنس السفاح]

هي الفيحاء هم محسوبة قناة ؟؟

[علي النعيمي]

الف شكررررررا للجميع

[press]

لاعاب حلكك اخويه .

[مظلومه سوادي]

الواحد يشارك ويتعب روحه تالي الرد ينحذف
شكرا للاداره 

[(بغدادي)]

يابة ترة القناة نيتهة صافية وابونا المالكي لمن ديسوي لقاء وانكطعت الكهرباء مال وطنية كل اللي قصده هوة توجيه رسالة للمغتربين ان يتبرعون كل واحد بفد واحد ميغا كهرباء وشوية غيغا من كل واحد عنده اي فون ويحطهن بجيس ويدزهن بالفيديكس لعنوان بيت ابونا المالكي حتى تنفك الازمة..وترة الازمة قاربت تنتهي وهسة سمعت ديوزعون جساوي وية الحصة التموينية للشباب حتى يتحضرون للعبور نحو الضفة الاخرى بعون الله ودمتم للجيش الشعبي..

[ديمه بنت العراق]

ردود ممتعه وهذا النفاق مو جديد على جماعتنه

[مهند هادي]

اخواني الاعزاء

احنا ليش اندوخ نفسنا بشغلات متعنينا اني مو ويا اي قناة فضائية بس احنا كبرنا الموضوع هواية واني انطيهم حقهم صحيح همه يبجون ويريدون يرجعون اكو ناس ترة ميتحملون الغربة واحنا ميصير ناخذ المسأله بهيجي استهزاء هاي تصير بالشخص مرض يسمو الحنين الى الوطن لابيدي ولابيدكم هذولة بيهم هالمرض وترة عادي همه يريدون يوفون اهاليهم ويرجعون موفد شي واكو شي حبيت اكللكم بي همه احتمال ماعندهم معين ومابيهم احد يشتغل فعايشين على المساعدات طبعا" حالتهم صعبة واحنا كون انساندهم مونزيد من همهم اخوان طبعا" اللي ببغداد يحجي عليهم واللي بامريكا هم يحجي عليهم اخوان موهيجي سدوا الموضوع ولو تفتحون موضوع جديد وتتناقشون بي يفيد اللي موجودين بامريكا واللي راح يجون مواحسن



 

[أبو بشير]

اخواني يعني واحد مشتاق لوطنه خل يحجز ويروح يشوفه لو الا يدك مقتل ويسويها عزا من وره الاشتياق والحنين عمت عيني .. هسه اني مثلا اصلي هندي بس جدي اجه للعراق واني انولدت وابني انولد بالعراق يعني هم نوبات اشتاق للكوت ومكانات الطفولة رغم اصلي الهندي بس شنو مسألة عاطفية اكثر من الواقع لان الواقع يكول وطني هو اميركا اللي بذلت  المستحيل حتى اوصله مو الوطن اللي بذلت المستحيل حتى اعوفه    يعني مخلص الكلام  معابر الوطن مفتوحة للي يريده وبدون هوسه يحجز ويختم ويروح وهذا هو صدك عاشق صادق للوطن خل يبقه بيه حتى بعد ما يعاني من الحنين ويتأذى خطيه ...

اخوكم العراقي من اصل هندي وراح اصير امريكي
ابوبشير

[devar]

3ashooooooo

[sozan911]

قناة  الفيحاء  قناة ممتعة وكل القنوات العراقية مفيدة ونحبها من كل قلوبنا وبالاخص نحن المغتربين , لكن وللاسف توجد بعض البرامج واللقاءات التي اعتبرها بورة للنفاق والدجل , وبالاخص هذا البرنامج في امريكا الذي تقوم الميعة بعمل لقاءات , انتم وطنيون وتحبون تراب العراق , ارجعوا الى العراق , انتم متدينون وتحبون دينكم وترغبون بان يتربى اولادكم على دينكم ارجعوا الى العراق , كفا نفاقا ودجلا ياعراقيين كفاكم من اكاذيبكم , والله اني ارى بام عيني في بلاد الغربة ان المتدينين هم زبائن دائميين في الملاهي الليلية . واخيرا اني اسال مقدمة البرتامج بان تخفف من مكياجها وتلبس شيئا يسترها اكثر , لانها محجبة على المودة 2012 والله  عيب  وعار  وخزي  كل الي نشوفا من المنافقين , واني عراقي وهسا باغربة بس ماريد ارجع ولا دااحن للشوارع المليانة زبالة  , وكلنا بداخلنا بس نريد نطلع من  ( القبر ) الي اسمه العراق , صارلنا 100000 سنة ندور على حقوقنا ونريد بس نعيش , والعراق بس حروب ودم  , كافي موت كافي عنف , ولو بيدي اطلع كل الشعب العراقي للخارج بس لمدة سنة وبعدين خلي يرجعون شوف اذا مكلبوها يابان العرب , الجهل ثم الدين ثم الفقر  هي ماساتنا وهاي مقولتي الشخصية وتحليلي للانسان العراقي, وشكرا  وهاي بوسة للفيحاء حتى لاتزعل منا والله يوفق الفيحاء وكل القنوات العراقية وشكرا