بيع قطعه ارض بالعراق وانا حاليا بالولايات المتحدة

[كاظم الساهر]

مرحبا
عندي قطعة ارض املكها في احدى المحافظات وانا وعائلتي  الان في الولايات المتحدة
اتصلت باحد اقاربي وهو ايضا زوج اختي واخبرته انني انوي بيع هذي الارض

اخبرني انه يجب ان ارسل له شهادة الجنسية بالبريد لكي يستطيع ان يبيعها
لا اعلم هل من الممكن ان اسويلة وكالة مثلا بالسفارة لبيع الارض وهل هي كافية
او مثلا تنازل باسمة وهو يتصرف

اتمنه اذا احد مار بنفس الموضوع يساعدني او على الاقل عنده فكرة واكون ممنون

[angie-dawood]

نعم اخي تسوي وكالة عامة  وهو يحق له بيع الارض

[doori]

صباح الخير
اخي العزيز مع احترامي لرأي اختي انجي وكلامها صح 100%بس اني اكول سويله وكاله ببيع قطعة الارض فقط الي ناوي تبيعها لان الوكاله العامه يرادلها تصديقات من عدة جهات والتصديقات تكلف اقل شي 500$ و الوكاله العامه مصيبه تره ولا تزعل مني ما اقصد الاساءه لزوج اختك لكن الاحسن والافضل وكاله خاصه لبيع الارض فقط لان في الوكاله الخاصه يكون مكتوب بيها كل معلوماتك من رقم شهادة جنسيه والهويه وليش ادز شهادة الجنسيه ماكو داعي ادز نسخه مصوره ملونه منها ومن الهويه
اني متأكد من كلامي
تحياتي

[عراقي هواي]

كلام الاخ الدوري مضبوط ضبط العكال

[العزاوي 55]

اخي الغالي مثل ما كلولك الاخوان بس اضيف شي زغيرون
تعمل وكاله خاصه (وكاله خاصه بالقطعه المرقمه ـــــــــــــــــــــ مقاطعه ــــــــــــــــــــ الكائنه في المحافظه ـــــــــــــــ ومساحتها ــــــــــــــــــــ له حق بيعها والتوقيع على قرار البيع واستلام المبلغ  ـــــــــــــــــــــ الى اخره طبعا كليشه يعرفوه بالسفاره
مع تحياتي

[كوكي 2004]

أخي ( كاظم الساهر ) كلام الأخوه كله صحيح ..

لازم تعمل ( وكالة خاصة ببيع الأرض ولازم ينذكر بالوكالة رقم القطعة ) لأن الوكالة العامة متفيد لأن مابيهه تفاصيل قطعة الأرض .


             والله يوفقك ويسهل أمرك \ أختك كوكي .

[رائد واشنطن]

It's better to do a (specific power of attorney) rather than general one

[مالايكي]

.السلام عليكم

اذا عندك وكاله منا قبل طلعتك    تره متاكل

لازم حاليا اتسوي وكاله واتدزها اله   واعتقد   (مامتأكد ) لازم تتصدق من الخارجيه

شكرا

[kfc_w2002]

السلام عليكم اخويه العزيز سوي الوكاله بالسفاره فقط ومتحتاج خارجيه وتبعث وياها الهويه والجنسيه مالتك ومال زوجتك الاصليه وتكتب بالوكاله  (له حق البيع )   لان هذه العباره كلش ضروريه احنه سوينه وكاله لاقاربنه وكالو عيدوهه لان مابيه هذه العباره .تقبلو تحياتي

[جورجيا]

اخي العزيز
اخويه في الولايات المتحده وبعنه بيت اهلي وهو دزلنه وكاله سواها بلسفاره العراقيه ودزلنه اياها بلبريد السريع وبعدين من توصل لهنا لازم ياخذوها ويصدقوها بلخارجيه العراقيه وبعدين من تجي اتبيع ومن يردون يقررون هم لازم اتسوون صحة صدور بلخارجيه وتنبعث بلبريد لدائره العقاري
يعني شويه يرادلها شغل وتعب وهل ايام كلا من اتريد اتبيع جيب صحه صدور على كل شي
المهم هي سهلا بس حطوا معقب لان يرادلها روحه ورده وتكسيات وجائز الشخص الي راح اتوكلا ما الا واهس  الهل سوالف فاحسن شي المعقب حتى اتفض على خير وسلام
احنه هسه بعنه بيتنه وكانت امي هي الوكيلا مال اخويه وفضت على خير وسلام
بس لازم الشخص الي اتريد اتوكلا يبعثلك صوره شخصيه وجنسياته يسويلهن اسكنر ويدزلك اياها عن طريق البريد وانته تسحبهن
ولازم جناسيك الاصليه اتكون يمه
واي سؤال اني حاضره

[ســـرى]

اخوية وكالة خاصة ومن السفارة العراقية بامريكا (حسب ولايتك شوف الاقرب عليك) وتدزلهمياه للعراق.

[ســـرى]

وهذا الموضوع تلكة بيه شلون تسوي وكالة عامة او خاصة من السفارة وشنو المتطلبات


http://www.ankawa.com/forum/index.php/topic,397423.0.html

[كاظم الساهر]

شكرا جزيلا  لكل ردودكم

يعني لازم ابعث شهادة الجنسية والهوية لو نسخة ملونة تكفي ابعثها مع الوكالة الخاصة ببيع الارض

وممنونلكم  هواية

[silver_d]

اخويه حسام الرسام اني  نصيحنتي الك انو لتبيع الكاع اخذ ابنصيحتي  اتفيدك بالمستقبل
من اتبيعها راح  اتروح فلوسها للفواتير والتامين والايجارات هنا وهم فلوسك اتروح وهمينه الكاع اتروح  فلتجازف بيها هسه اذا تسوالها 50 مليون بعد  4  سنوات  اتسوي  200 مليون
والماعنده بيت ماعنده وطن
تحياتي الك اخوك  سلفر

[زهرة الصبار]

اخي لتبيع حرامات هوه الموجودبالعراق ويريد يبيع الحرامية يلتمون داير مدايره من دلالين ومعقبين وووووووووووو
هالنوب اللي بعيد ويبيع

[كاظم الساهر]

امشكورين اخواني بس ياريت اذا امكن سؤالي هو

اذا ابعث نسخة الجنسية والهوية نسخة ملون كافي لو لازم الاصليات
ثانيا الوكالة خاصة بس تتحدد بيها بيع الارض  لو وكالة عامة ويتخصص بيها بيع الارض

[جورجيا]

اخي العزيز
الا الاصليات

[kfc_w2002]

السلام عليكم اخويه تسوي وكاله خاصه وتتحدد بيه بيع الارض مع بعث الجنسيه والهويه الاصليه مالتك ومال زوجتك هذا الي متاكد منه تحياتي.