الى الاخوان الموجودين بامريكا الرجاء اتجاوبوني

[beckham2010]

السلام عليكم اخوان عندي سؤال انه اني على جدولة السفر ولحد الان مناطيني موعد سفر وزوجتي عدها اجازه امومه وتنتهي بنهاية شهر الرابع يعني اذا سافرنه خل انكول بشهر الثنعش تكدر زوجتي ترجع من امريكا بشهر الرابع يعني ورة اربعة اشهر حتى اتقدم اجازة لخ وترجع لامريكا يعني يسمحولها بالرجوع للعراق ورة اربعة اشهر  بالري انتري الله يخليكم اتجاوبوني وممنون منكم

[جورجيا]

اخ بيكام
غير مسموح لها
الى ان تحصل على الكرين كارت الي هو يبدي وره سنه من تاريخ دخولك للولايات المتحده

[beckham2010]

اخت جورجيا شكرا عالجواب بس انتي متاكدة يعني اذا فد عذر او شي شلون ممسموح يعني مو كالو اكو ري انتري او مثلا يعني نكلهم رايحين لسوريا او لعمان

[مراد البغدادي]

اخي العزيز مايصير وافيدك بشغله اخويه sivماقبلو يرجع الان استلم الكرين كارت مع العلم مشتغل وياهم واستلم الكارت ب3 اشهر اتخيل

[يقطينة]

اخوية العزيز

حلها سهل
وهو
ان تتفق زوجتك مع مديرتها او مديرها ان تكتب كليشة مال اجازة بدون راتب لمدة سنة وتوقع عليها  لكن بدون تاريخ  وتحتفظون بيها الى ان تنتهي  وقت اجازتها  يروح اي احد من اهلها  للدائرة  ويمشي الاجازة ما بيها كل اشكال وعادي جدا  
واهم شيء ان زوجتك تنسق الشغلة  مال الورقة والي يجيب الورقة  بعد سفركم

اتمنى لكم كل الخير

[beckham2010]

والله ياعيني هاي كلش صعبة وهسه كلش حايرين بيها لان الاجازة سنه بدون راتب الا بموافقة الوزير واتخيل يعني اذا مدبرنا اجازة سنه تنلاص فكان عندي امل انه نروح وعلساس يعني انطلع فد عذر بشهادة وفاه او شي صار بالعراق ولازم ترجع بس هسه انتو كلتو ميصير فهسه كلش احتاريت

[جورجيا]

بيكام عيني
بلكي تستقرون ومتحتاجون لا اجازه ولا اي شيء انشاء الله
خليها على ربك هو يحلها

[داليا الوردة الوردة]

اخي العزيز

الاجازة السنة لازم يشوفون صاحب الطلب بالوزارة و
وانت تكول بعد اربع شهور يعني ميصير الاتاخذ الكرين كارد

وبعدين يااخي انت ليش مخلي ببالك ترجع ورا سنة ان شاء الله تستقرون ومتحتاجون الرجعة
تدري اعتقد الواحد اذا يخلي خط رجعة مثل الاجازة يمكن باي وقت يقرر يرجع وهذا مو بصالحنة لان اني ايضا قدمت اجازة سنة بلا راتب وهسة اريد انساها وماافكر بيها لان من اسافر ماريد ارجع بس نكول كلشي يصير وان شاء الله ميصير شي مؤذي النا والكم يارب

اتوكل وربي يوفقكم وموعد سفر قريب ان شاء الله

[مينا]

اخويه ليش متقطع اجازتها قبل السفر بشهر بعدين تقدم اجازه بدون راتب تبدي بيوم  لو قبل كم يوم من موعد السفر

[beckham2010]

خواتي العزيزات اشكر ردودكم بس تدرون الواحد لازم يخلي كلشي بحساباته وهاي دنيا منعرف شكو بيها واني وعائلتي اهنا بالعراق الف الحمد لله يعني وضعنا كلش زين ماعده الوضع العام هاي تدرون بيها وضع العراق وتدرون الوظيفة شكد مهمة هنا وخصوصا يعني مهندسة بالنفط من موقع وراتب جدا زين وكلش حايرين والله

[الغريب في الوطن]

نعم اخي تكدر
تروح للمنظمة مالتكم وتسوي ترفل داكيومنت
بس هاي مو من مصلحتكم

[عراقي هواي]

عمي اذا لجوء متكدر ترجع الا بعد تحصيل الكالكرن كارت
اذا هجرة عادي شهر او اثنين او ثلاثه ترجع للعراق وتاخذ اجازة
واني من رأي مينا تقطع الاجازة مالتهه ومن يقرب موعد السفر تأخذ اجازة بدون راتب
والله الموفق