استفسار هل اللابتوب يعتبر هو الهاندباك ام لا

[mahmood al3raqi]

السلام عليكم
اخوان في الدورة التثقيفية قالوا لنا انه اذا اخذت لابتوب فهو يعتبر الهاندباك وميصير تاخذ هاندباك ويا بس اكو ناس طلعت وكالت لا احنا اخذنا لابتوب وهاندباك فارجو منكم التوضيح وسؤال ثاني بموضوع ثاني اللي يوصل الى امريكا ينطو لقاحات مال الانفلونزا للصغار والكبار لانه بصراحة اني اريد انطي قبل ما اروح بس اذا اكو هناك فعلمود ماانطي الابرة

مع الشكر والتقدير لكافة الاخوة في عين كاوة

[A_FOX]

          للرفع

[ĈAŃDŶ]

اخويه اللابتوب يعتبر هاند باك 100%

[حبزبوز1]

لا اخي لا يعتبر اللابتوب هاند باك وتكدر تراجع مواقع شركات الطيران عن طريق النت او عشرات المواضيع الموجودة بالمنتدى بهذا الخصوص الي تحدثوا اصحابها واكدوا على ان الحقيبتين منفصلتين واعذرني عل السوال الثاني سويتله ترك لان ما عدي خبرة بيه

[ام دوسه]

اخوان اشون اللابتوب يعتبر هاند باك انى الى اعرفه من الجماعه الى سافروا اله حق لابتوب وهاند باك يمعودين محضره كومه غراض احشكه ويه حقيبه اللابتوب لطلعون شغله يمعودين     -----وخلى انسافر والله كريم

[مهند هادي]

اخوية العزيز

الابتوب ميعتبر هاند باك وتكدر تاخذ هاند باك وتاخذ لابتوب واصلا" اني الابتوب مالتي اخذت بيها اغراض هواية من ماوسات وكيبورد وفلاشات واقراص حتى محاسبوني عليها اخذلك جنطة جبية مال لابتوب وخلي بيها غراض الحاسبة كلها  ماكو اي حساب

والسؤال الثاني مالتك بعد اكمال الفحوصات اكو ابرة مال برد انته مخير تكدر تاخذها او لا فموجودة وببلاش على المديكيد




اخوك

[ام دوسه]

up

[mahmood al3raqi]

اشكر جميع الاخوة على الردود

[W.R.M]

الابتوب جزء من الهاند باك خذ جنطة على الكتف مع الهاند باك

[حمودي ابن زيونه]

لا ميعتبر هاند باك واصلا محد حاسب بس انت وحظك

[عاشق تراب العراق]

لا اخوية اللابتوب مو هاند باك 100% و هذا الش ي صار وياية طلعت لابتوبين و جنطتين هاند باك  اني و زوجتي و بالنسبة للابرة مال الفلاونزا نعم ينطوهة هنا و للاطفال على حساب المديكيد بس الك و لزوجتك تكون على حسابك و هية رخيصة الوحدة ب 25 دولار

[Captain]

اخوية العزيز اللابتوب ليس هاندباك والمقصود بالهاندباك حقيبة يدوية صغيرة بوزن 5 كيلو غرام كحد اقصى ويسمح لك بادخالها معك الى الطائرة بشرط ان لاتحتوي على اداة جارحة كالسكين والمقص والعطور والمواد السائلة وضوء الليزر والقداحة .


اخوك
كابتن

[adam22]

تحية طيبة اخي العزيز اني احجيلك حجي جماعة ال I O M من اتصلو كال الاب توب وحد والهاند باك وحد

[silver_d]

لا يعنبر  الابتوب  هاند باك وهالشي عن تجربتي
تحياتي
اخوك  سلفر  كالفورينيا

[doori]

السلام عليكم
اخويه صاحب الموضوع الللابت توب يعتبر هاند باك مثل ما كالو بعض اخوه هذا يلي ضرونيا بالدوره التثقيفيه وعند استلام خط الرحله فلا تتورط تره يصادرون الزايد وهذا كلام المنظمه نفسها
تحياتي

[ريم عبد]

اخي الك حق تاخذ هاند باك بحدود ال5 كيلوات
ولابتوب اضافه للهاند باك
لان الابتوب مينحسب هاند باك

[Captain]

اخي الك حق تاخذ هاند باك بحدود ال5 كيلوات
ولابتوب اضافه للهاند باك
لان الابتوب مينحسب هاند باك

كلام الاخت ريم كله صحيح اللابتوب ليس هاند باك ولايحاسبوك على وزنه ويمكنك ادخاله للطائرة معك هذا بالاضافة الى حقيبة والتي هي الهاند باك تكون بوزن 5 كيلو غرام كحد اقصى

[bassfar22]

اخي اني بامريكا وبالدوره الثقافيه بلغونا انه اللابتوب من ضمن الهاندباك وسووها ضلمه بس سالت كل اصدقائي كالولي ماعليك بيهم .. همه يسووها ضلمه لان العراقيين ياخذون راحتهم بالوزن
انا اخذت هاندباك حوالي 11 كيلو واللابتوب لوحده 18 كيلو هههههههه  بصراحه هو عباره عن لابتوب ومدحوس وياه بنطلونات جينز والشاحنات وكل الوايرات بحيث انكسر ضهري من وزن اللابتوب وبكل المطارات يطلبون منك تفتح الجنطه ويكون اللابتوب لوحده بجهاز التفتيش وبقيه الشنط لوحدهم ما اعرف ليش

[mahmood al3raqi]

شكرا اخواني جميعا في عين كاوة على التوضيح

[عكعك التطوى]

http://www.ankawa.com/forum/index.php/topic,451960.msg4884897.html#msg4884897

[mahmood al3raqi]

مشكور اخ عكعك على هذا التوضيح منك وتسلم

[شجرة الدر]

اخي الكريم بالنسبه النه سافرنه قبل فتره قريبه جدا وكان معنا كل واحد اللابتوب والهاند باك ولا احد سأل ولا كال لكن التزم بوزن الهاند باك والله الموفق للجميع اختك شجرة الدر

[mahmood al3raqi]

مشكورة اخت شجرة الدر واني هم البارحة تاكدت من الخطوط البريطانية على الويب سايت وطلع الهاندباك وحد واللابتوب وحد يعني حجي الدورة التثقيفية غلط وشكرا للجميع مرة اخرى على الردود والمساعدة

[ali.cooom]

السلام عليكم
اخوان اللابتوب لايعتبر مع الهاند اني من طلعت قبل 3 اشهر كان وياية لابتوب وجنطة هاند وكذلك ابني كان معه لابتوب وجنطة هاند حتى الجنط الهاند محد وزنها وحتى من وصلنا دالاس الطيار من شاف جنطنا الهاند هواية اخذ جنطة ودزها وية الشحن يعني ماشفت اي تشدد بالوزن كان عدنا وكذلك بعض العوائل زيادة في الوزن كيلوين او 3 محد حاسبنا ومشوها الله يسهل اموركم ويفرج عنكم وتوصلون بالسلامة

[امين عبد الله]

اخي الكريم
ان اللاب توب لا يعتبر حقيبة يد