اخولني الي بامريكااو اصحاب الخبرة محد جاوبني رحمة لوالديكم

[beckham2010]

السلام عليكم اخوان سؤالي هو تكدر زوجتي وبنتي بعد منوصل لامريكا ورة اربعة او خمسة اشهر اتطلع ترفل دكيومنت ويسمحولها بالري انتري وترجع زيارة العراق لفتره حتى اتقدم على اجازة لو ميصير   الله يخليكم اريد جواب مضبوط

[nen000]

حبيبي اذا انتة اس اي في اعتيادي تاخذ الكرين كارد او ترجع زيارة كلش عادي

اما بالنسبة لل اي او ام ممتأكد بس ما اعتقد تكدر قبل الكرين كارد

تحياتي الك

[Captain]

بالنسبة لل SIV تكدر من تحصل كرين كارد ترجع للعراق لكن بالنسبة لل IOM لازم يكون عندك عذر مشروع وقوي للرجوع للعراق

اخوك
كابتن

[الغريب في الوطن]

زين وفلوس تذكرة الطيارة شلون ؟؟؟
يجوز يسمحون يطلع ترفل دكيومنت ويسافر
شلون بالنسبة للفلوس مال تذاكر الطيران اللي وقعوه عليهه من وصل لامريكا ؟؟
يعني يجوز صار عندة ظرف ومرجع لامريكا ؟؟
طبعا هاي صارت هواي

[ســـرى]

اخوية هم الاخوة بالمنتدى هم انقسموا بيها ناس تكول يصير وناس تكول ما يصير المهم هو اللي مطلوب الترافل دوكيومنت ولازم ما يدخلون بيه للعراق حسب ما عرفت من احد الاخوة لازم يدخلون بجوازهم العراقي للعراق وماكو شي اسمه ري انتري هذا ينطوه للمقيم الدائم او حامل الكرين كارد علمود ياخذ رخصة انه يغيب اكثر من سنة عن امريكا.

[beckham2010]

رحمة الله على والديكم على اجاباتكم ومساعدتكم  وممنون منكم جدا

[حبزبوز1]

اخي الكريم
مهما كانت صيغة دخولك لامريكا اذا ما عندك كرين كارد تستطيع تقدم طليب على الترفل دكيومنت وراح يطلبون منك اسباب رغبتك للسفر للخارج وهاي اجراءات روتينية ثم تحصل موافقة ويصدرولك واحد ( طبعا معاملة تمشي انته بيها ) واعتقد تكلفته اربعمئة دولار شوية اكثر شوية اقل ما اعرف وسافر بيه وين ما يعجبك لان من ترجع لامريكا موظف المطار مراح يستفسر انته مهدد وشلون رحت وشلون جين وانته اي او ام وشطلعك لان مو شغله ما طول عندك ترفل هو يعرف انك ماشي حسب القانون ومستحصل اذن من دائرة الهجرة ومسافر وما اله شغلة بغير امور

بالنسبة للاخ الي سال حول فلوس الطيارة اذا الشخص ناوي يرجع وسافر مظطر يستطيع تبليغهم بانه مسافر لفترة كذا لظرف كذا همه راح يؤجلون تسديد الدفعات الى حين العودة لان اذا ما بلغهم وراح يتاخر بالتسديد تصير عليه محكمة وابد مو زينة لا بالجنسية  ولا حتى بالكرين كارد لان هاي فلوس دولة واما بالنسبة للذين غادروا امريكا ولم يسددوا فلوس الطيارة لان بعد ما يرجعون فعوض الحكومة الامريكية على الله كل الي راح تسويه دكلهم منع مدى الحياة من دخول امريكا

[ريم عبد]

اخي العزيز
اذا كنت اس اي في او اي او ام
تكدر زوجتك تروح للعراق وترجع لامريكا باي وقت
وطبعا اتقدم على طلب قبلها
وفلوس تذاكر الطائره متاثر لان انت الي راح تدفعها
واكو موضوع مفصل لاخونا سلاما للعراق عن هذا الموضوع
وهسه اجيبلك الرابط حتى يطمئن قلبك

[ريم عبد]

http://www.ankawa.com/forum/index.php/topic,346071.msg4177002.html#msg4177002

وهذا رابط الموضوع ان شاء الله تستفاد منها

[beckham2010]

اخواني الاعزاء والله يعجز اللسان عن شكركم الله يوفقكم على عمل الخير وشكرا الكم والف رحمة على والديكم وممنون كلش منكم