اخواني سؤال ؟؟؟؟؟؟؟

[zeeta]

خابروني على مقابلة ثانية
هل هي مقابلة توطين تعتبر؟؟؟؟؟
وشراح يصير بهاي المقابلة وبيش تنصحوني
كل من قابل مقابلة ثانية يكتبلي شوية شصار بي وشنو الاسءلة اللي راح انسال بيها وي عائلتي
وهل صحيح كل واحد بوحدا يسئلو
زين اني وزوجتي وبنتي همين 13 سنة و10 سنين هم يسالوهم؟؟؟؟
نصيحتكم اخواني الاعزاء

[mayu]

مبروك اخي على تحديد المقابله الثانيه الاسئله الرئيسيه راح اتكون الصاحب الكيس اما باقي العائله راح ايسئلوهم معلومات عنهم وعن طبيعه عملهم اما صاحب الكيس اسئله عن نوع التهديد واهم شي تبيط جميع التواريخ الي كلتهه بالمقابله الاولى وانشاء الله نسمع عنك اخبار حلوه والموافقه اباذن الله

[A_FOX]

عزيزي بالنسبه لبناتك ما يسئلوهم لانهم قصر
الاسئله الى صاحب الكيس وهي نفس اسئلة المقابله الاولى ويركز المحلف عن الخدمه العسكريه اذا كنت خادم عسكريه
وايضا راح يسال زوجتك اسئله بسيطه
المهم لا ترتبك تره المحلفين معظمهم حبابين وجاين يريدون ايساعدوك وتكلم بالحقيقه واذا كنت مهدد وعندك ما يثبت قدمها للمحلف تره هايه اتساعدك وتقوي من قضيتك
بالتوفيق

[ألن في بلاد العجائب]

 مساء الخير
اني هم عندي مقابلة توطين يوم الاحد الجاي بس عااا اول مره ادري التوطين بيها محلفين ؟؟؟

[A_FOX]

احنه يمنه في بغداد بالمقابله الثانيه ايسموهه مقابلة المحلفين
ما ادري بغير دول شيسموها
تحياتي

[ألن في بلاد العجائب]

 اي اخويه فوكس انت اي او ام تقديم مباشر احنا بعدنا اصلا ممتحولين من اليو ان للاي او ام

[A_FOX]

انشاء الله تتحولون عى ال اي او ام قريبا
بالتوفيق

[ابو هنودة]

اخي العزيز
معاملتك هل هي في بغداد ام الاردن ام سوريا لان كل يو ان تختلف عن الاخرى

[zeeta]

اني بعمان
سؤالي اني اول مرة رحت اخذت موعد ورا شهر انطوني زين ورحنا كلتناوملينا الاستمارة مال لجوء اللي ننتطر على ماينطونا ورقة الحماية وكالو احنا نخابركم وهسه قبل ايام خابروني وكالولي عندك مقابلة
هل تعتبر هاي مقابلة اولى لو ثانية؟؟

[احمد عباس]

اني بعمان
سؤالي اني اول مرة رحت اخذت موعد ورا شهر انطوني زين ورحنا كلتناوملينا الاستمارة مال لجوء اللي ننتطر على ماينطونا ورقة الحماية وكالو احنا نخابركم وهسه قبل ايام خابروني وكالولي عندك مقابلة
هل تعتبر هاي مقابلة اولى لو ثانية؟؟

اعتقد انت اول مره رحت تعتبر تسجيل جديد
وهاي المقابله راح ياخذون منكم معلومات
ليش سافرتو وشنو التهديد وهل كلام

طبعاً انتو بالمقابله ذكرو اسماء وعناوين الاقارب عدكم بلد اجنبي

كلها كتبوها بورقه حتى متنسون احد واذا عدكم ورقه تهديد هاي خو اهم شي

وان شاء الله يصير الي تريدو

[امين عبد الله]

اخي المقابلة الاولى تعتبر مقابلة تعارف او تسجيل لكن المقابلة الثانية سوف ياخذون معلومات عنك وعن وضعك في العراق وطبيعة عملك وسبب اللجوء وعن افراد عائلتك كالوالدين و الاخوان والاخوات و هل قدموا طلب باللجوء ام لا كي يقتنعوا بسبب اللجوء ، فمثل ماتفضل الاخوة ياريت ان يكون عندك رسالة تهديد او تعرضك لحالة مشابهة كان مثبتة باقسام الشرطة او بسبب احد اقربائك المقربين ان كان يشتغل كمترجم لقوات التحالف.  بالتوفيق ان شاء الله

[ابو هنودة]

اخي العزيز في عمان هاي المقابلة راح تكون بقسم الحماية اللي راح يدرس قضيتك ويمكن يقابلوك مرة ثانية وبعد اقتناعهم بقصتك يتحول ملفك الى قسم التوطين وبهذه الحالة تكون قد ضمنت السفر ولكن متى والى اين هذا السؤال صعب الاجابة عليه لانه يختلف من شخص الى اخر ومن بلد الى بلد وتمنياتي لك بالتوفيق