خاايف من مقابله المحلف iom بغداد

[BASHARONA]

السلام عليكم اخوان انشاء الله زينين
اني مقبل على مقابله المحلف في iom بغداد واني مقابل اولى في شهر التاسع وعدت على خير وسلام بس المشكله انو مقابله المحلف هيه الحاسمه والمصيريه ومااعرف شراح يسأل وميسأل وارجو من حضراتكم ان تفيدووني من المعلومات والنصائح لانجاح المقابله لان صدك واحد من التفكير يتعب واكوون ممنون من عدكم .تحياااتي للجميع

[Dollar]

اخويه برشلونه لا اتخاف و الله وياك عبوسي...اتذكر اشكلت كلش زين بالمقابلة الاولى و روح.... انت اجتك موعد محلفين حددولك موعد لو بعدك اخويه؟

تمنياتي بالموفقية

[angie-dawood]

اخي الاسئلة تكون عن القصة الي انت مقدمها اذا بيها نوع من الاظتهاد والاحداث والتواريخ هاي الي يسالون اثناء مقابلة المحلف وعن الخدمة العسكرية ويسالون لانتماءك لحزب البعث ودرجة انتمائك هي هاي الاسئلة الي يسالوها

[A_FOX]

اخي العزيز
اسمعها كلمه مني وحطه ترجيه بالاذن مثل ما يكول المثل
ابدا لا تخاف وصير انته المسيطر وتكلم بثقه تره المحلف جاي ايريد ايساعدك وكلش حبابين ويضحكون وياك
تره ماكو شي يخوف واذكر شنو كلت بالمقابله الاولى تره المحلف يبني اسئلته على اساسها وجاوب على كد السؤال
بالتوفيق

[ابو سالين]

اخي العزيز..انته اهم شي تحجي نفس الكلام الي كلته بلمقابلات السابقه وخلي ابالك انو احتمال المحلف يغلطك ويكولك كلام انته ما حاجي يكلك صح اذا انته ما كايل هذه الشي كول لا اني ما كايل هيج والله يسهلك

[BASHARONA]

اخويه برشلونه لا اتخاف و الله وياك عبوسي...اتذكر اشكلت كلش زين بالمقابلة الاولى و روح.... انت اجتك موعد محلفين حددولك موعد لو بعدك اخويه؟

تمنياتي بالموفقية

اخويه العزيز اني اشكرك جزيل الشكر وانشاء الله خير ونتلاكه اني وعبوسي
ولحد الان منطوني موعد المقابله بس اعتقد بشهر ال11 مثل مسوو من قابلت الاولى خابروني الضهر كلولي باجر مقابلتك يعني تفصلني ساعات فأعتقد همينه هيج حيسوون او لا .تحياتي الك

[BASHARONA]

اخوااني اننني كلشش متشكر منكم يعني ريحتوني والله يريحكم  وانشاء الله اني كااتب اغلبيه المقابله بورقه لان الذاكره ماشاء الله قويه هه ودااراجع بيهه تكوول امتحاان .تحيااتي الكم شلعع
F.C.BARCELONA

[alaamuneer]

 صديقي العزيز اني كنت مرعوووووووووووووووووووووووووب هههههههههههههههه

 و كنت حته ناسي من الكلام اللي كلته بالمقابله الاولى اني قابلت قبل ايام نصيحتي الك اول شي اخذ وياك شي تاكله حبي لانه ترة الانتظار طويل و يمكن تجوع و ثاني شي حبي اطلب مترجم حته لو انكليزيتك زينه حته يصير عندك مجال و اهم شي اكللكياه انه المقابلة مال المحلف كلش اسهل من المقابلة الاولى اني شفتهه هيجي و لا تزيد و تطول بالكلام جاوب اي او لا الا اذا تحس انه انته لازم تقدم توضيح اكثر فاحجي و اكو سؤال دبرله جواب و اللي مو كل المحلفين يسالوه انه ليش متغير مكان سكنك او المكان اللي انته كاعد بيه اذا متهدد اوكي حبي و بالتوفيق الك

[salim_noman2003]

و اكو سؤال دبرله جواب و اللي مو كل المحلفين يسالوه انه ليش متغير مكان سكنك او المكان اللي انته كاعد بيه اذا متهدد

[/size]

شنو افضل وأحسن جواب مقنع لهذا السؤال برأيكم لان حيرة واحد شيجاوب

ويقتنعون بجوابه

[BASHARONA]

 صديقي العزيز اني كنت مرعوووووووووووووووووووووووووب هههههههههههههههه

 و كنت حته ناسي من الكلام اللي كلته بالمقابله الاولى اني قابلت قبل ايام نصيحتي الك اول شي اخذ وياك شي تاكله حبي لانه ترة الانتظار طويل و يمكن تجوع و ثاني شي حبي اطلب مترجم حته لو انكليزيتك زينه حته يصير عندك مجال و اهم شي اكللكياه انه المقابلة مال المحلف كلش اسهل من المقابلة الاولى اني شفتهه هيجي و لا تزيد و تطول بالكلام جاوب اي او لا الا اذا تحس انه انته لازم تقدم توضيح اكثر فاحجي و اكو سؤال دبرله جواب و اللي مو كل المحلفين يسالوه انه ليش متغير مكان سكنك او المكان اللي انته كاعد بيه اذا متهدد اوكي حبي و بالتوفيق الك

تسلملي ياغاالي انشاء الله يووم سفرك يععني هسه حجيت الللي اني راايده بلضبط وانشاء الله تكوون سهله للكل . تحياااتي الك اخويه

[Sama83]

الله يبعد عنك الخوف امين ربي

الّذِينَ آمَنُواْ وَتَطْمَئِنّ قُلُوبُهُمْ بِذِكْرِ اللّهِ أَلاَ بِذِكْرِ اللّهِ تَطْمَئِنّ الْقُلُوبُ

[BASHARONA]

الله يبعد عنك الخوف امين ربي

الّذِينَ آمَنُواْ وَتَطْمَئِنّ قُلُوبُهُمْ بِذِكْرِ اللّهِ أَلاَ بِذِكْرِ اللّهِ تَطْمَئِنّ الْقُلُوبُ

سما ياسما الورده انت عزيزه عليه كلش ويبعد الخوف عن كل العراقيين وانشاء الله يوم سفرج وترتاحين والكل يرتاح تتسلميلي يلغااليه.تحيااتي الج