بغداد 31\10\2010 وكنيسه النجاه

[رهام القوشيه]

الى ابناء الشعب العرااقي





شمسوين خاطر بينا هيج ايصير
وليش الابرياء الناس تتكتل

من اسنين نعاني هذا الموت
وجنه نكول باجر كلشي يتبدل

اشو باجر يجينه وكلشي باقي وياه
نفس الموت باقي وبينه يتوغل

امس هذا البريء الكال يا الله
وبعد الفجر صلى وكام واتوكل

لكيته الظهر ميت والدماء تصيح
رب احفظ عراقي وكلشي نتقبل

يادين اليحلل هالقتل بالناس
ويادين اليخلي اشراف تتبهذل

ولك هذا الشريف المات هذا اليوم
باجر انت يمه تكوم تتوسل

ما هزك ضميرك ليش هالتفجير
وليش بلحظة وحدة الاف تتكتل

ولكن اعوج انت ودينك انت القوس
وعمرك هم شفتلك قوس يتعدل

شوف الكاع خجلت من نزيف الناس
وكلبها ال من صخر ما كدر يتحمل

و مو صوت انفجارك هد جسر بغداد
بس من الخجل هد روحه واتهدل

نزل غطى العراقي الكشفه الارهاب
ومنع شوفه جثثنا البيها يتمثل

لان طاهر شريف وكلبه ما ينطيه
يشوف الناس كلها مكشفه وتنذل

لتظن بانفجارك ماتت الاحرار
ولا موّت اهلنا الاجنبي المحتل

ولكن فعلتك حولت هاي الناس
من دار الظلم للملتقى الامثل

وملاك الجنة نزّل بيهم الرحمن
وربك هو اعلم بيك شاتنزّل


مــــــــع تحيـــــــتي
رهــــــااااام

[اسعد الزبيدي]

تسلمين اخت  رهام 

              ولنصلي جميعا  لشهداء العراق  ليرحمهم الله ويدخلهم فسيح جناته


                                  اميــــــــــــــــــــــــــــــــــــــــن

[danny alprince]

عاشو رهوم

[hewy]

تسلمين يا رهام وربي يكون بعون كل العراقيين الطيبين لان الطيب صار اليوم هدف سهل للارهاب

[njmat_alba7r]

شكرا رهام على النقلــ الرايع

 

[وردة الربيع]

مشكورة وعاشت الايادي ويارب ارحم شهدائنا

[bsmaa_bghdad]

ما هزك ضميرك ليش هالتفجير
وليش بلحظة وحدة الاف تتكتل

ولكن اعوج انت ودينك انت القوس
وعمرك هم شفتلك قوس يتعدل

شوف الكاع خجلت من نزيف الناس
وكلبها ال من صخر ما كدر يتحمل



رهام عاشت ايدج على هذه الكلمات والله يرحم شهداء كنيستنا ويشفي جرحانا ويعزي كل الحزاني لان كل المسيحين


لبسو علامة الحزن بكل مكان بالعالم   بسبب كفرة  كل همهم حور العين وانهر الخمر والعسل ما اكول مع الاسف عليهم


لانهم اولاد ابليس.

تحيتي