ارجو المساعدة بما يخص عقد الزواج والمقابلة الاولى الرجاء الدخول

[Transporter]

اخواني الاعزاء اريد مساعدتكم بموضوع عقد الزواج والمقابلة الاولى IOM هل اترجم العقد لو لا
واكو شغلتين مدوختني والله
1. اني عقدي مكتوب بية (اقرب الاجلين ) يعني المذهب الحنفي
2. عقد ابوية وامي قديم مال السبعينات مكتوب ييه المذهب الجعفري
شلون هسة شكلهم سني شيعي ما ادري رغم احترامي لكافة الطوائف
وهل راح يعرفون شنو (اقرب الاجلين) الي مكتوب بالعقد وهل راح يدققون بالقصة
ارجو من الين يقرأون موضوعي الا يبخلوا علي بالرد الله يخليكم محتار لأن هاية شغلة مصير عائلة
وحتى محتار اخاف يسألني شكول ؟؟؟؟؟
الله يخليكم اخواني ساعدوني بأزمتي هايه الله يخليكم حتى لو على الخاص
ترانسبورتر

[ابو سالين]

اخي العزيز لا اترجم  ولا اكو اي مشكله وهمه اصلا مراح يسالوك لان الشغله عاديه اني مثلك ومشت اموري بجميع القابلات..الله يسهل الامور

[ولاء علاء]

اخي ياهو احسن هوية مزوج بيها لو مطلق بالمقابله الاولى وعلمود يمكن الله يرزقنه بمره امريكية المهم نخلص بس من العراق رضينه بكلشي كمنه بس نريد نتنفس الله واكبر هم كاع الله وهم محرومين منها 

[Transporter]

شكراً الى الاخ ابو سالين والاخ ولاء علاء
ولكن اريد توضيح من باقي الاخوة رجاءً ورد شافي حتى لو بيهة احراج راسلوني عالخاص الله يخليكم لأن يكلك ذول يبحوشون بالاوراق واني وراية عائلة ومصيرهم مرتبط بي . الرجاء المساعدة

[عراقي هواي]

حبيبي
هذا البرنامج ميحتاج اترجم اي شي لان اغلب اللي يشتغلون بالمنظمه عرب وازيد بعد عراقيين ويعرفون باختلاف المذاهب المهم هو عقد صادر من المحكمه وموقع عليه قاضي ماشي .

[ولاء علاء]

ارجو الرد عله سؤالي انه شنو الافضل انه تكون الجنسية مطلق لو مزوج  اريد اعرف اذا المطلق حته من باجر اروح اغير الجنسية وعندي عقد الطلاق اذا المزوج ابقيها لان بعدني مامحولها اني طلقة ام جهالي حفاظا عله حياتها لان تعرضت الى اخبار من جماعات مسلحة وارادو خطف احد اطفالي الحل الوحيد الي كدرت عليه اعطيتها حريتها لان مالها ذنب بعملي اني عملت فتره مع القوات الامريكية بصوره غير مباشره اول السقوط وكنت في قوات الايسي ديسي اول الصقوط جانت لاشرطة ولا جيش تايها والحمد لله بعدين طلعة بينه وارجو الرد

[Transporter]

حبيبي
هذا البرنامج ميحتاج اترجم اي شي لان اغلب اللي يشتغلون بالمنظمه عرب وازيد بعد عراقيين ويعرفون باختلاف المذاهب المهم هو عقد صادر من المحكمه وموقع عليه قاضي ماشي .

اخوية مو هاي المشكلة عندي يعني اذا كلتلهم اني سني حسب عقدي على المذهب الحنفي
وابوية كاللهم اني شيعي حسب عقدة مكتوب على المذهب الجعفري
زين ما راح يسألون شنو السالفة انته ابوك شيعي وانته سني والعكس صحيح
شاكراً لكل ردودكم الفضيلة
 [/size]

[Transporter]

احسن حل راح اكلهم ما جايب العقد مال ابوية لأن قديم ومفقود بالمحكمة يعني صار عمر
ها شتكولون

[زهرة الصبار]

اخوية انت ليش شايل هم
اولا انت ليش اذا ابوك شيعي صرت سني صدك بدون شقا
خلي اعرف وبعدين اجاوبك بالضبط شراح يصير

[ابن ميشكان]

عزيزي صاحب الموضوع بما انه جماعة ال اي او ام بها عراقيون ايضا تستطيع بكل سهوله ان تقول لهم بان ابي يرغب بالمذهب الشيعي اما انا ارغب الى المذهب السني حتى لو كان لقبك عكس ذلك فلا يؤثر ولو انا متاكد بانهم مراح يلحون علموضوع هذا
بس اذا رادوا منك جواب نهائي فقل لهم بانه معتقداتي الدينيه تختلف قليلا مع معتقدات والدي و ينتهي الموضوع
وان شاء الله الفرج القريب

[زهرة الصبار]

يابا ميهمهم هذا الموضوع باعتبارها حرية بالمعتقدات  ليسالون ولا بطيخ همه يعرفون هالشغله احسن من عدنا