مساعده عدم محكوميه

[salwan2006]

مرحبا شباب
هل المقصود من عدم المحكوم او court record بالقيد الجنائي؟ ويقدر كل شخص يطلعه من محافظته لو الا من بغداد
زين سئلت احد الظباط وكال لازم كتاب يخاطبنه بيه الجهه الطالبته فكتله عمي السفاره طالبته وهذوله مينطون كتاب لان هم مو دائره رسميه
فشسوي فيدوني
هل اطلبه لغرض الترجمه واكول يعنونونه لوزارة الخارجيه لو شنو يعني انتم الحصلتوه شلون انطوكمياه هم عنونه لغرض الترجمه لو لا.زين شنو يحتوي هذا القيد مع تحياتي

[Ali TN]

اخويه العزيز
 عدم المحكوميه تصدر من بغداد حتى لو كنت في غير محافظه تروح لبغداد وتطلع عدم محكومية من دائرة الادلة الجنائية في منطقة 52 بالكراده مقابل مطعم الاوائل ومجرد تكولهم اريد عدم محكومية مو لازم كتاب او طلب... وعدم المحكومية تجي مترجمه من وزارة الداخلية يعني ماكو دا ترجمهه

نصيحتي من تروح شوفلك موضف واحجي وياه وانطيه كم فلس حتى يسرع بيهه لان تتأخر

اذا احد الاعضاء يكدر يكوللنا اذا بعدهه بنفس المكان لو لا لان بعد التفجير ما ادري شنو الي صار بس كالوا انه رجعوا يصدرون عدم محكومية من جديد فأتوقع بنفس الموقع القديم لكن ما متاكد

[nen000]

تحياتي

يم مطعم كرسبي اي واحد يدليك مركز شرطة العلوية

بس كول وين دائرة القيد الجنائي او الجنائية



لا كتاب ولاشي   

اخذ المستمسكات او الجواز
او تستلمها عربي انكليزي او اتصدقها من الخارجية العراقية هم بسيطة مابيها شي

كول يا الله

[salwan2006]

مشكورين شباب على الردود
زين هم يصدرونه بنفس اليوم لو شتله طويله
هسه يم مطعم الاوائل لو يم كرسبي اريد العنوان مظبوط رحمه لولديكم حتى مااظل اتخم بغداد 

[salwan2006]

 

[ARMY STRONG]

ماكو فرق الاوائل او كرسبي همه واحد مقابل اللاخ و مركز الشرطه بنصهم

اما هاي مال بنفس اليوم هاي وين لكيتها سلوان

وره اسبوع تستلمها
 اخذ وياك المستمسكات الاربعه الاصلبه و جوازك مع صورتين

[الوتار]

اخونه العزيز مثل مكال الاخ nen000  (يم مطعم كرسبي اي واحد يدليك مركز شرطة العلوية

بس كول وين دائرة القيد الجنائي او الجنائية) واخذ وياك الجواز حتى يكتبون اسمك على عدم المحكوميه طبقا للجواز.

اسبوع واحد وتستلمهه

[Dr.Ameen]

اخوية يم مطعم كرسبي اي شرطي تسالة  على مركز شركة العلوية يدليك بي كلش سهل مكانة والناس متعاونين ويطلع بعد اسبوع الى اسبوعين اني قبل ساعة خابرت ضابط معرفة كالي المدير في تركيا يجي بعد العيد وتكمل معلملتك اللي رحت سويتهة قبل اسبوع بالضبط
وشغلة ثانية تاخذ وياك الجواز او نسخة منة وسوولك النسخة بالغتين العربي والانكليزي  بس الشغلة المهمة بعد ان يطبعوهة شوفهة لان اسم زوجتي طبعو غلط وعدت الطبع
وطبعا الصور والتموينية والجنسية

[كافي ظلم]

يمعودين لدوخون الولد
كرسبي وين والاوائل وين
كرسبي بساحة الواثق (بعد ما تعبر جسر الربيعي )
مطعم الاوائل (كنك فود الاوائل حاليا) هذا بساحة التحريات
المكان المطلوب هو ساحة الواثق بالقرب من مطعم كرسبي مقابل فندق ايكال. مركز شرطة العلوية او حي الوحدة لان اني بيتي مجاور المركز
واي شي تحتاجوه احنة برسم الخدمة

[salwan2006]

عمي مشكورين جداااااااااااااااااااااا
اخوان شوفوا الصوره الجويه لمركز العلويه موجود على الصفحه الرئيسيه للمنتدى
عنوان المشاركه صوره جويه لمركز عدم المحكوميه
صحيح ساحة الواثق بس بعيد عن فندق ايكال
شوفو الصوره ورجعولي الخبر فدوه لان الصوره وكلامك يختلف ومال حي الوحده يخوف

[salwan2006]

عيني وهاي الصوره الجويه

http://www.ankawa.com/forum/index.php/topic,457332.0.html

[ARMY STRONG]

لالا هاي صوره غلط هو اصلن بل ساحه يعني اذا صاعد بكيه جايه من باب الشرجي لشارع الصناعه يذبك باب المركز بل ضبط
ادري سلون مبين عليك مو من بغداد و لهذا متيه انته

ده شوف الفلكه الي بل صوره هو المركز بلفلكه بل ضبط مو جوه

[عراقي هواي]

اخويه امشي على الوصف مال اخونه كافي ظلم مضبوط 100%

انته تشوفه بعيد عن الفندق احتمال الصورة قديمه لان الشارع كله مسدود بالصبات والمخل الوحيد هو من ساحه الواثق .

[salwan2006]

عمي الف شكرااااااااااااااااااااااااااااااااا
نعم سترونك اني من محافظه قريبه

[salwan2006]

زين اخوان يمته يطلبون العدم محكوميه با nvc لو بالمقابله مال السفاره فاذا اكو واحد طلبوه منه ب nvc خلي يجاوبني
اعرف انو لازم واحد يحضر نفسه لكولشي لكن انا مااقدر اجيبه الا بيوم المقابله لظروف فوضحونه شباب مع تحياتي

[الفانوس السحري]

أخوية سلوان انته بس اخذ تكسي وكله لساحة الوائق , اي سايق يوصلك للساحة نفسهاانزل بالساحة نفسها  راح تشوف شارع مسدود بصبات عالية ويمه اثنين شرطة واكفين وبصفها محلات ما تيه الله وكيلك بس كله الادلة الجنائية كان نفسه مركز العلوية تدخل ليجوه تتمشى خلال الصبات وهمه يدلوك و وتعال من وكت لان تلكاها اشويه مرات هوسة.
أحوية حتى اذا ما تدزها للان  في سي عادي بس يسجلوها الك نقص وبعدين يريدها من عندك بالمقابلة وهيه مطلوبة وتكدر تجيبها وياك بالمقابلة من دون ان تدزها للان في سي

[blood_brothers8]

ياناس شو اني عندي اصدقائي من غير محافظات وطلعو عدم محكومية من محافظاتهم ومن دون الروحة لبغداد وتصديق ودوخة الراس وودها وياهم للمقابلة ومشت وحصلو فيز وراح يطيرون هم ان شالله بهاي الايام....

[salwan2006]

عيني بلد شلون جماعتك طلعهوه من محافظاتهم لان ممنوع وهاي يم الادله الجنائيه حصرا في بغداد اذا متاكد نورنه او اتصل بجماعتك وشوف شنو ردهم

[ام تسنيم1]

اخى العزيز  تره الشغله كلش بسيطه لتدوخ   من توكف يم كرسبي اللى بساحه الواثق المركز يصير كبالك  تفوت عادى  وتكللهم    اريد عدم محكوميه          لغرض  السفر         وهايهيه  همه يعرفون ومتعودين لتخوف ولا شى   تنطى المستمسكات    وتكص وصل  ب  10000   دينار     تنتظر  ربع ساعه ياخذوك  حتا تبصم الاصابع العشره  وينطوك وصل صغير تراجع بي بعد  10 ايام       انى بالعرفات  قبل العيد بيوم رحت سويتهه الى  والابنى         بالسلامه ان شاء الله

[Knight 6]

السلام عليكم شلونكم اخوان احب انطيكم تفاصيل عن اصدار عدم المحكومية ولو الشباب ما قصروا باعطاء المعلومات مشكورين
1- موقع الادلة الجنائية هو في مركز شرطة العلوية ساحة الواثق شارع 52
2- الوثائق المطلوبة هوية احوال -شهادة الجنسية -بطاقة السكن-البطاقة التموينية-جواز السفر-صورة شخصية خلفية بيضاءعدد2
3-رسم 10 الاف دينار
تروح الصبح من وكت يعني فد بالثمانية وتدخل بعد التفتيش اكو هي 3 شبابيك الاول اتنظم المعاملة والشباك الثاني تدفع رسم
والثالث يطبعولك عدم المحكومية بالانكليزي وراها تروح ويا المفوض تاخذ طبع بصمات وراها ينطوك وصل تراجع بيه بعد 10 ايام
وعذروني على الاطاله

اخوكمKnight 6

[امين عبد الله]

اخي الكريم
تذهب الى مركز شرطة العلوية ساحة الواثق شارع 52 وتاخذ وياك صور والمستمسكات اللي تخصك و جواز السفر كي لكتابة اسمك باللغة الانكليزية كما هو موجود في الجواز. ان كنت متزوج فيجب عليك الحصول على شهادة عدم المحكومية لزوجتك ايضا وان كان عندك اطفال فوق 16 سنة فيجب عليك الحصول على شهادة عدم المحكومية لهم. عند استلامك شهادة عدم المحكومية عليك تصديقها من وزارة الخارجية.

[rmadi]

السلام عليكم

اخواني الاعزاء

اني ما اريد ازعج او اربك احد بهذا الرد بس هو للنقاش حول نقطتين:
1-مكتوب بموقع السفارة بيان الولادة واذا ما متوفر الجنسية تسد محله....واكو اخوان ما مسوين بيان ولادة وماشية معاملتهم....فليش دتعقدوها على نفسكم.

2-فقرة عدم المحكومية ترجمتها اذا انتة عمرك 16 سنة وقضيت اكثر من 6 شهور في بلد (( مختلف )) تجيب عدم محكومية.

يعني اعتقد اذا واحد يتبع طلباتهم ممكن تسهل امورة مثل ما ذكر العديد من الاخوان.


مع الشكر

[mohat6]

اخي ...
المكان ساحة الواثق ... راس شارع 52 
الدائرة مركز شرطه العلوية
تروح ساعه 8 بالباب وتاخذ فايل تخلي بيه نسخ ملونه من المستمسكات ال4 + الجواز+ استمارة ...   و ايضا المستمسكات الاصليه والجواز الاصلي لان يريدون يشوفوها ...يجي شرطي يكول منو عندة عدم محكومية دوليه  تروح عليه وياخذك انت وال وياك ويوديكم بالسرة للشباك المطلوب و يملولك استمارة ( الاستمارة تحصلها من المكتبة اللي يم المركز وهسه كامو ينطوها همه مجانا ) المعامله تنجز بشكل سلس و ميحتاج تورق عدى 10000 دينار مل الرسوم ...ويترجموها همه وياخذون الجواز علمود يكتبون الاسم كما هوه بالجواز وينطوكياها تدققها وترجعها الهم ...بعدين يجي موظف ياخذ المعاملات ويصيح بالاسماء علمود يصعدكم ياخذون البصمات مالتكم وينطوك وصل( قصاصة صغيرة عليها رقم المعاملة وتاريخها  وبصمتك ) يكلولك راجعنا بعد 10 ايام
بعد مرور ال10 ايام تروح للمركز وتكللهم عندي استلام معامله وتفوت للشباك نفسه تنطي الوصل وتستلم معاملتك وتروح تصدقها من الخارجية
والسلام