هل تعلم بما اتي وماجاي
عليك الرايح اني اسئل وماجاي
تجيني انته حسب حجيك وماجاي
اموت بجيتك اشهك للمنية
اجيلك ما اجيلك ما تجيلي
بسبب هجرك يالاسمر مات جيلي
بقيت بوحدي انه ماتجيني
تعال اليوم بس تلحك علية
وكت صاير حبيبي موحش اني
منجل قسوتك خايب مو حشاني
راضي شما تسب تنعل مو حشاني
على هزت اذراعك اخذلك تحية
وحش ظل بغرورك ماتبالي
وبعدك مات كلبي ومات بالي
وكع عطشان حبي وما تبلي
اذا اليهود احن منك علية
يهل رايح لهلنه سلمنه
الليالي بيد غربة سلمنه
عنبنة وماحضينة سله منه
العنب والسله شو تاهن علية
وكتنه شكد حبايب شال منه
اخذ بيدة السلام وشال امنه
اصحاب وجنه نكعد شله منه
نصحي الجار لو نكعد سوية
شفت الكمر يمشي ماشفتها
وانه جروحي الاطبة ماشفتها
تكلي شفتي فتها ما شفتها
لان انتي اشفتج فتتني الية
تحياتيـــ
بقلمي
