عندي مقابلة توطين وره العيد اخوان مساعده

[علاء علاء]

اسعد الله ايامكم اخواني اخواتي وتحقيق الاماني باسرع وقت   ............ اخوتي اعتذر لانقطاعي وذلك لانشغالي بامور ادخال عائلتي عمان ومدارس ابنائي والايجار والمقابلات والحمد لله انا الان اكثر استقرار اخواني تم ابلاغي بانه سيتم مقابلتي بعد العيد مقابلت توطين راجيا من الاخوان الاعزاء وخاصه الاخت كوكي المحترمه توضيح لي ماهي مجريات هذه المقابله وعلامه التركيز وما المطلوب مني وماتى تتضح نتيجة هذه المقابله وماهي الاجراءات بعد هذه المقابله
وهل يعني بدعوتي للمقابله قبولي بالتوطين مع جزيل الشكر سلفا

[ألن في بلاد العجائب]

مبروك اخي العزيز ع المقابله و حمد لله على سلامتك انت و العائله الكريمه
المقابله هي كالاتي
1 جزء للمعلومات الشخصيه و العسكريه و انتماء حزب البعث و طريقة الاتصال بيك
2 جزء للقصه و الاثباتات و تحقيق كامل شامل على السبب الي خلاك تعوف العراق

في نهاية المقابله رح تكولك الموظفه و هي يا اما امريكيه يا اما اردنيه اكو فلان دوله و على الاغلب امريكا و تكولك اذا ماعندك مانع وقع هاي الورقه الي هي الموافقه على مشاركة المعلومات من اجل التوطين في امريكا ووراها تكولك الله وياك روح و احنا نخابرك من 4 الى 6 اشهر لان الملف يرجع للجنة التوطين للمصادقه و اختيار الدوله مره اخرى اتمنى افدتك بشي

صارلك شكد و تحولت توطين ؟
اخوك
الن

[علاء علاء]

شكرا اخ الن مقابله  ورقة الحمايه   22/ 8 وحاب استفسر يعني الملف وره هاي المقابله يتحول للاي او ام ويطول 3-6اشهر حسب ماذكرة اخ الن

[ألن في بلاد العجائب]

 و الله اخويه هوايهناس و عن تجربه يكولون المفروض يتحول الفايل للاي او ام وره مصادقة لجنة التوطين بس اني الي كالتلي الموظفه نصا مالتلي من 4 الى 6 اشهر يجوز لان اني بيها حاله مرضيه ما اعرف لان اني قبلت امريكا و كتلها على حالتي و انطيتها التقرير الطبي مالتي فيجوز يتاخر فايلي بين ميلكولي غير دوله اتفضل لجمعية اخونه مؤيد العبيدي بيها هوايه معلومات عن التوطين

http://www.ankawa.com/forum/index.php/topic,443284.750.html

[علاء علاء]

اخويه الن اني هم عندي اطفالي الاثنين عدهم امراض نفسيه وتقارير طبيه ومصدقه من العراق وسوريه يعني مننقبل امريكا وشغله اخره من قابلت اني كتبت مو بعثي وزوجتي مؤيده فكلي اكو عراقي مو بعثي كتله اخي اني مو بعثي وهاي حقيقه اني صادق بيه  بس من سئلة كالو ميصدكون انو اكو واحد مو بعثي بله اشلون اجذب والله ماادري........واريد اعرف حضرتك امقابل توطين وره اشكد من استلام ورقة الحمايه وصارلك اشكد وممتحول عله الاي او ام مع شكري الجزيل لاهتمامك اخي

[علاء علاء]

اخ مؤيد عيد مبارك عليكم اني متابع جيد لجمعيتكم الوالده اشلونه وحضرتك اخبار سفرك لكنده اصار عليه انشاء الله باسرع وقت تدخل علينه بالمنتدى من كنده ابن اختك العزيز شخباره واخ حماده رحتو للعقبه لا...........اخويه مؤيد بلكت اشويه تشرحلي عله مقابلت التوطين وتفاصيله اكثر وراه شيصير  نتحول للاي او ام الفتره اشكد

[ألن في بلاد العجائب]

صباح الخير هسه طبعا اخويه علاء
لا مو متقبل بس الامراض المزمنه الي يحتاجلها دوه دائمي و تامين صحي مدى الحياة يجوز امريكا ترفضها لان امريكا متنطي تامين صحي الا من الواحد يشتغل فول تايم اني وره الحمايه بكم يوم قابلت توطين ما بين مقابلة الحمايه و التوطين اقل من اسبوع و لحد هسه انتظر و كولشي ماكو
الن

[علاء علاء]

اخ الن من اعماق قلبي اتمنالك الموفقيه وان يسهل الله امرك وتسافر باسرع وقت ............ومن خلال كلامك وكلام الاخ مؤيد مقابلة التوطين مقابله روتينيه الله يسهل وتكضي واشكر ك مره اخرى

[ألن في بلاد العجائب]

اشكرك اخويه علاء و اتمنالك الموفقيه بكل خطوه تخطيها يا ربي فعلا مقابلة التوطين يبدو انها مجرد مقابله روتينيه لان من صعد الفايل توطين و درسوه شافوه يستحق ها هيه يعني توطين يبقى مجرد اختيار الدوله الملائمه

[احمد عباس]

يجوز يحولوك على كندا اذا عندك اطفال مرضى
وان شاء الله باذن الله شغلك تتسهل وتمشي بسرعه

وانت ركز بالمقابلات على وضع الاطفاااال  والله كريم

[علاء علاء]

اشكرك اخويه احمد عباس واسعد الله ايامك ويسر الله امرك

[علي النعيمي]

الف هلا اخوية علاء ترة مقابلة التوطين سهلة جاوب علة كد السؤال مثل مكالو الاخوان مثلا حيسئلك عالبعث انتة شاركت اجتماعات تكلة لا لان تكون حالة مرضية اني سئلني كلي شنو كنت بوكت صدام كتلة مؤيد اقل درجة حزبية ولازم الكل تنظم غصبا عالكل وكلي شوكت انظميت كتلة جابولنة ورقة انظمام للبعث من جنت بالاعدادية وكلي حظرت اجتماعات للحزب كلتلة لا عافوني لانو مريض عافوني مخلوني اشترك باجتماعات وبالنسبة للعسكرية جنت معفو وشاف الدفتر بالكومبيوتر يعني الجواب سهل وبالتوفق واهم شي مترتبك وكون طبيعي  

[علاء علاء]

اشكر اخويه عله  المداخله بس حبية استفسر منك عله موضوع البعث اني مستقل شوهذه بالمقابله  مال ورقة الحمايه مثل ماذكرة مصدك يكول اكو واحد مامنتمي كتله اني واني صدك ممنتمي ابد بعدين عرفة واحد من اصدقائي اربع مرات يرجعون ملفه من التوطين الحمايه لان كايل مستقل بلله هاي اشلون شغله اشلون تثبتلهم انته مستقل هذه جانب اريد الاخويه ينطون رايهم الكريم بي علما انو بالمقابله سئل زوجتي كله انتي بعثيه كلتله اي انتمت بالاعداديه ودرجتي مؤيده .......كذلك ارجو من الاخويه ايضاح لي وراه اشكد اعرف النتيجه كمعدل وتتحول للاي او ام والكيس نمبر اشوكت استلمه من الاي او ام مباشره وره التحويل لو اول مقابله لووره مقابلت المحلفين شاكرا تعليقكم

[ألن في بلاد العجائب]

 اني لحت ويايه بالعسكريه لطشت و ارجع اكوللها يمعوده عمري 15 سنه من سقط النظام و ترجع تكولي يعني شنو ملازم سلاح بحياتك ممدرب بالمدرسه مجنت كشافه خبلتني كتلها هذا الحجي على مستوى طلاب كليات و رجعت هم ليش ماعندك عسكريه و هم رجعت كتلها جان عمري 15 سنه مو 18 حتى يطلعولي دفتر خدمه بالنسبه للبعث كتلها لا و مشتها و فعلا اني ممنتمي لصغر عمري

[مشلوع كلبي]

اخى لاتهتم بشغله الحزب ماراح يدققون عليها الى يدققون عليه ويلحون هو العسكريه المهمه عدهم لان انى زوجى كان مفقود وكل الاسئله كانت عن عسكريته وحتى الوفد طول وياي ثلاث ساعات ونص علمود العسكريه واذا انت خادم عسكريه المهم تخلى عسكريتك من 89 الى 91 بالجنوب مو بالشمال وهمه هذا المهم الى يسالون بيه (الانفال) يعنى يتاكدون انت مشارك بيها

[علاء علاء]

اخت مشلوع كلبي اسعد الله ايامج واعاده الله عليكم بتحقيق الاماني..........اختي اني كلتلهم عسكريتي جنت صنف اداري كاتب بمدرسة ضباط صف الدروع جندي مكلف وهاي المدرسه بتكريت وخدمتي من 90 لل 93 وعندي دفتر خدمه يثبة هل شي بس مانطتلهميا بمقابلة منح ورقة الحمايا فشنو رأيج الكريم وكذلك اراء الاخوه مع كل التقدير والاحترام

[علاء علاء]

سيدي الفاضل رحمه الوالديك اكلك ج م اتكلي عريف استر علينه تره الجماعه بس يردولهم حجه  بالمناسبه اني تره جنت بالرواتب بس ماكو مشكله اشدلك القوه والقدر بس الوقوعات والموجود ادزلياه وتره من هسه مااطلع عرضات اني كاتب واريد بسرية المقر واني بالخدمه الاي شي فاذا اكوهيج امكانيه اني يمك واذا لاوالله اشوفلي جمعيه لخ اختل بيه الى ان الله يفرجه واستلم التسريح قصدي الفيزه واشلع سني