اريد مساعدة عندي غلط بالجواز شا اسوي؟؟؟؟

[dodo_nokia]

السلام عليكم شونكم اخباركم شباب عندي مشكلة ارجو المساعدة والاستفسار منكم الله يرضى عليكم ابوس ايديكم محتاج ارائكم بكل شي تعرفونه واشكركم مقدما
 
شباب اني من سكنة الموصل مسيحي طلعت جواز بفلوس دفعت 400 دولار المستمسكات مالتي تقرا نينوى موصل ابو الجواز كال اريد المستمسكات مالتك اكيد طبعا طيب هو كال سويتلك بطاقة سكن مزور لان ميقبلون ابو نينوى يصدر جواز من بغداد بطاقة السكن تقرا بغداد وحتى الصورة مال البطاقة مو مال ابوية طيب هسة اني من اروح اقدم لل يون بلبنان او تركيا راح انطيلهم كافة المستمسكات سكن تموينية هوية شهادة جنسية والجواز طيب اني هنا المستمسكات مالتي (((سكن + تموينية مزورة تقرا بغداد على ضوءها طلعت الجواز )) الاصلية تقرا نينوى موصل زين اكو اشكال بيهة ؟؟؟؟ في حال اخذ الفيزا والتحقيق في الامم المتحدة؟؟؟  ارجو ان تساعدوني واكع بالزلك ارجو المساعدة اخوكم مسيحي من الموصل مهجر

[hassan W]

اخويه ماكو اي مشكله  انت راويهم الجواز والمتستمسكات الاصليه لان كل الجوازات اصدارها بغداد واني واحد منهم وساكن بجنوب العراق

[ARMY STRONG]

اخويه هو شنو الاشكال قابل الجواز مكتوب بيه وين ساكن
طبعا لا
اخذ كل مستمسكاتك الاصليه وياها الجواز

كلش عادي اصلن شلون راح يعرفون جوازك من بغداد صادر او نينوى
ماكو هيج فلم
روح توكل على الله و قدم

[Mustafa Iraqi]

• اخي مو ضروري اتشوفهم التموينيه اي قابل راح ايروحون غلى ابو الحصه يسالوا  جان يستلم منك تمن وقاصواليا لا اخوية المهم الجواز فقط وهم عندهم باقي الاجراءات التي تتعلق بالجواز فا بالراي مو ضروري اتنشوفهم غير الجواز وخليه على الله وبالتوفيق والنجاح ان شاء الله

[النورس جوناثان]

اخوية العزيز الغالي انا ابصراحة ماعندي معلومة اكثر من اللي كالوها الك الاخوة الطيبين الرائعين اللي جاوبوك
بس انقهرت حيل من قريت عنوان موضوعك
ليش اخي تكتب ابوس ايديكم اخي احنا عراقيين رغم اي فرق عرقي او ديني او طائفي وكلنا اخوة خاصة بهالمنتدى الرائع فما كو اي داعي تكتب ابوس ايديكم انا بالنسبة الي انا اللي ابوس ايديك واقدملك اللي تريدا اذا ردت شي لا وفوكاها هم اخليك على راسي لانك عراقي سواء كنت مسيحي اومسلم او مهما تكون والله ينتقم من كل من ايريد يفرق بين اهل هالبلد اللي راح يضلون يد وحدة سواء كانو داخل العراق او خارج العراق
يارب احفظ الكل
يارب سلم الكل
يارب ارعى الكل بعينك التي لاتنام

[dodo_nokia]

ممنون جدا شباب ومشكووور ورحمالله والديكم ماقصرتو كفوئين بس المغزى من السكن والتموينية اني اثبت نفسي اني من الموصل علمود الوضع وتعرفون يعني ومشكور وبارك الله بيكم بس محتاج مساعدة اكثر واراء اكثر تحاشيا للمتاعب ارجو الرد شباب 

[Fabio]

 لا ادير بال ابد هاي الشغلة كلش عادية...انا من البصرة وكل اوراقي بصراوية بس الجواز كان صادر من بغداد وطلعته بفلوس والحمد لله اي انها ما تأثر على شغلتك بل بالعكس من بغداد احسن يعني اصولي اكثر...
 هنا باوربا الجواز يجيك بالبريد ادز المعاملة بالبريد ويوصلك في فترة لا تزيد عن شهر تصوروا لو صار جوازنا يجي بالبريد اشكد ويوصل؟؟

[Fabio]

 نسيت شغلة تعقيبا على كلام الاخ ارمي سترونك انه بجواز الجي يكتبون جهة الاصدار اي انها تنذكر بالجواز من بغداد او اي محافظة اخرى واعتقد الاي كذلك .

[شوفرليت]

اخي صاحب الموظوع ارفع راسك انت عراقي ولا ادني هامة خلي راسك مرفوع دوم نحن اصحاب الحضارة الاولى في التأريخ خلي ثقتك عالية ابنفسك لتصير مهزوز الشخصية.
ليش هيج تحجي والله انقهر من اشوف عراقي ينذل احنة ما ننذل الا لرب العالمين حتى ان مرت بنا ضروف صعبة تدري الضروف الي مرو بيهة العراقيين لو مار بيهة اي شعب بالعالم جان انقرض واندثر الا اننا بالرغم من المساويء والامراض الاجتماعية التي خلفتها الحروب لا زلنا اقوياء وطيبين ودليل كلامي هذا شوف اخوتك شلون يتهافتون لمساعدتك كن تحتاجهم.
لتزعل مني اعتبرني اخوك واريد خاطرك اريدك مرفوع الراس وتفتخر بنفسك وين ما رحت حتى تعكس نضرة جيدة عن العراق والعراقيين اريدك تكولي اتفقنة حتى ارتاح وطمأن ماكو عراقي ينزل راسه بس لرب العالمين.
وانا من جانبي اتمنى لك وكل اعضاء المنتدى والعراقيين عموما الصحة والسلامة والامن والتقدم والنجاح اينما ذهبت تحياتي الك اخي صاحب الموظوع تقبل احترتمي وتقديري لشخصل الكريم وكل اضاء وادرة المنتدى انا اسميه منبر من لا منبر له
لدي طلب صغير منك ارجو تعديل العنوان رحمة على امك وابوك

[ابو فراس]

السلام عليكم اخويه اني مقدم على الاي او ام والاس اي في انته تره ب الاي او ام ميحددولك شنوا الوثائق بس انته الوثائق الي عندك قدمهن بس حاول المزوره لتقدمهن واكثر شي يعتمدون على الحجي بالاي او ام وبالنسبه للجواز كللهم اني مكدرت اطلعه الا من بغداد ولتجيب طاري انطيت فلوس كللهم قدمت اوراقي وطلعته لجواز وابوك الله يرحمه