انقطعت عني المساعدات بعد مرور 8 اشهر شنو اسوي

[زورية]

هلاوووووو


شلونكم ايامكم سعيدة

اني عايشة بامريكا وخلصت المدة مال المساعدات علية شنو اسوي وين اروح

قدمت على شغل ومحصلت شغل

علما اني بكلفورنيا

ساعدوني وين اروح على منظمات او اي مكان
لانة اني عايشة اني وامي افيدوني افادكم الله

شكر الكم مقدما

[angie-dawood]

كل عام وانتي بخير حبيبتي

اختي زويه ليش ما راجعتي مرة اخرى وقدمتي وثانيا الوالدة ربي يحفضها الك شكد عمرها ما تستحق تقدميها على التقاعد عمرها مو مناسب مكن شرح اكثر عن وضعك حتى نكدر نساعدك بالرد

[زورية]

اشكرج حبيبتي انجي على الرد

بس امي عمرها موعابر ال 65

واني رحت قدمت مرة ثانية على الولفير بس مساعدوني بشئ

كالولي هذا برنامج بي 8 اشهر ويخلص

واشكرج على تعاونج وياية

[زورية]

شكر اخوية علي على المرور

اني بولاية كليفورنيا

وان شاء الله نكدرون اساعدوني

[كافي ظلم]

السلام عليكم
والله اختي العزيزة اتمنى عندي شي اكدر اقدمه الك بس الايد قصيرة والعين بصيرة . وانشاالله الاخوة العدهم اي معلومة ميقصرون وياج .

اختي العزيزة صلي صلاة الليل وركعتين لام البنين وانشالله يسهلج امرج بحق النبي واله بيته الطاهرين واكثري من قراة القران.


كافي ظلم - بغداد

[احمد عباس]

مو يكولون المساعدات بكليفورنيا 5 سنين توصل

ان شاء الله ياااااااااارب يكدرون يساعدج بهل موضوع

بس الي اعرفه والدتج يطلع الها تقاعد واعتقد ينطون راتب للشخص المرافق الها همين
يعني انتي همين ينطوج راتب لان مرافقه الامج

هذا الشي سمعته ومتاكد منه بس يشمل البنت او لا على الاكثر اي يشمل البنت همين
وبالنسبه للتقاعد همين متاكد منه بالنسبه لعمر والدتج


وليش متقدمين على بيت الحكومه ؟ همين يكولون يشمل المي والكهرباء والايجار كله ب160 دولار بالشهر اعتقد


هذا كل الكلام سامعه من اكثر من شخص لان اني بالاردن مو بامريكا

[زورية]

اشكركم على تفاعلكم وية موضوعي بس المشكلة اني  امي عمرها 46 سنة يعني ممشولة بلتقاعد
اي المساعدات اضل 5 سنوات بس الي عندة اطفال معابرين ال 18 الي همة اندر ايج

واكرر شكري الى كل

[مشلوع كلبي]

عينى زوريه انتى ووالدتك قدمتى على بيوت الدوله انى كاعده ببيوت الدوله ادفع اجار قليل والكهرباء والغاز اتفقت ويا الشركه اتخلى لى ثرمومتر واتحدد الى الصرف من خلاله حتى لايزيد عليه والى ماعنده شغل اكو كنائس ومدارس تساعد فى تسديد القوائم المتراكمه من البلات

[فنانة]

يا عيني لعد مو يكولون اكو شغل
 
هاي الولاية غالية جدا والافضل تغييرهة ومابيهة شغل
ولله يكون بعونك انت والوالدة
 

[علي النعيمي]

كاليفورنيا من الولايات الغالية الله يساعدج اني لوكنت مكانكم جان حولت لتكساس لانو رخيصة وبيهة شغل وابن خالي هناك وديشتغل شغلين ومرتاح وهسة قبل فترة تحول لبيوت الحكومة ارخص واحسن وجوهم حار بالصيف وربيع بالشتة حسب ميكول وهوة حاليا بدالاس تكساس

[ابومريومة]

اختي زورية الله يكون بالعون اختي

بس الوالدة اذا بيها مجال تسويلها تقرير طبي يطلعها تقاعد عن طريق كشف لأي شي الله ينطيها الصحة والعافية احنا العراقيين بينا صارت امراض بس الله العالم بيها بلكي اكو طريقة تطلع تقاعد عن طريق الاسباب الصحية

بس اللي اعرفة اكو جمعيات تساعد تدفع اجور الكهرباء اما اجار الشقة ما اعرف بالحقيقة غير ان اتصل بالوالد وان شاء الله عن قريب يكون الرد بهاي الحالة شلون تصير

اذا قطعوا علينا المساعدات وين ننطي وجهنا لازم اكو طريقة الناس تمشي امورها بيها

اخوك
ابومريومة البغدادي

[زورية]

اشكركم

على الردود

والله كريم

[نورالمصطفى]

السلام عليكم ورحمة الله وبركاته
والله هذه الحالة مؤثرة جدا يعني بنية وامها وبغربة ومصارلهم فترة طويلة يمكن حتى يتعلمون اللغة اذا لغتهم ضعيفة غير المفروض المنظمة تشوفلهم حل اقلها تلاقيلهم عمل . زين هم اذا اهل البلد  ازمة عمل زين ما يفكرون اللاجىء الغريب الي بعده ما بندل وما مندمج بالمجتمع شلون يلكة شغل . اذا هم ما عدهم امكانية لوضع برامج تفيد اللاجىء ليش تفتح ابوابها وتورط الناس وتخليهم في موقف صعب . زين مو هذه دول اوربا وكندا واستراليا ونيوزلندا وبقية دول اللجوء . ليش اللاجىء فيها مرتاح وبرامجهم التي تخص اللاجى مريحة الى حين يتعلم اللغة ويندمج في المجنمع وعندها يستطيع الاعتماد على نفسة . وطبعا الازمة الاقتصادية هي ازمة عالمية مو بس على امريكا .
اجع الى موضوع الاخت واكلها انه تحاول ان تلح على المنظمة الي تابعين لها اما يمددوا المساعدة او يلكولها عمل وبهذه الفترة خلي تراجع طبيب نفسي اذا ماعدها اي حالة مرضية اخرى لان اغلب العراقيين لديهم امراض نفسية لهول ما مروا به من معاناة ممكن  عسى ولعل تحصل تقرير يفيدها ممكن حتى يطلعها تقاعد مثل ما صار مع قريبة لي
ادعو الله ان يسهل الامر عليكم ولا حول ولا قوة الا بالله

[زورية]

اشكرج نور على كلامج الروعة

والله اني الى حد الان لغتي مو هلكد زينة

هسة بس اريد منظمة اساعدني حتى لو يلكولي شغل
اشتغل هي هاي جنت احلام بس اريد اروح على امريكا

الحمد الله على كل شئ

[حمودي ابن زيونه]

مفكرتي بشغله رعاية الاطفال لان موجودة بكل مكان وتكون بارت تايم

[silver_d]

ورده انتي وين ابكالفورينيا
لان مذكرتي هذا الشي حته نكدر انساعدج
تحياتي
سلفر كالفورينيا

[بغداد حياتي]

مرحبة اخوان
حبيت اسئل اذا شخص كدر ايحصل على تقرير طبي بان هو غير قادر على العمل وهو عمرة ما مجاوز الاربعين يقدر ايحصل على تقاعد وشكد ينطو بالشهر تقاعد

[** يدكو **]

مرحبة اخوان
حبيت اسئل اذا شخص كدر ايحصل على تقرير طبي بان هو غير قادر على العمل وهو عمرة ما مجاوز الاربعين يقدر ايحصل على تقاعد وشكد ينطو بالشهر تقاعد

احتمال كبير يحولو على التقاعد ويستلم 675$

[اسعد العراقي]

الاخت زورية يعني مرت ثمانية اشهر ولم تجدي اي عمل ولا المنظمة قدمتلج اي عمل والله لومدورة عمل خلال هاي الثمانية اشهر صدكيني جان لكيتي بس المشكلة احنة من انحصل المساعدات راسا اتمددنة ونسينة ان الايام اتمر ابسرعة ومع ذالك تكدرين اتقدمين على المنظمات الموجودة هناك وحتى الجوامع والكنائس وانشاء الله ينطوج مساعدات ويلكولج شغل وتصيرين (بنية)موزورية
                    تحياتي

[مريامي]

والله حبيبتي زورية الله يكون بعونج

لانة امريكا صدك موسهلة

وبلكت الله تلكين شغل وترتاحين انتي وامج

ماضيق الة تفرج

[ابومريومة]

اختي زورية
انتي عندج كيس ووركر تكون هي مسؤولة عنج وعن الوالدة الله يحفضها واكيد هي راح يساعدج اذا كان ماديا او يدليج على الطريق الصحيح واكيد هو يعرف حالتج بس لازم دائما تبقين متواصلة وياه حتى يكون على علم بحالتج

هي راح تصر اجتماعات وياه جائز اجتماع او اجتماعين وياه وتنحل المشكلة ان شاء الله

اخوك
ابومريومة البغدادي