سؤال الى كل الاعضاء وخاصة انجى الوردة ريحونى اللة يريحكم

[عمورى 1]

مساء الخير اسعد اللة ايامكم وكل عام وانتو بالف خير عندى سؤال ريحونى اللة يريحكم اكدر اغير الولاية مالتى من بعد ما اوصل الى المطار يعنى انى ولايتى بنسلفانيا وانى ما اريد اكللهم المنظمة اريد اغير الولاية مالتى همة اصلا يريدوها حجة حتى ياخرونى يعنى من اوصل الى المطار اغير الولاية اريد اروح الى سياتل واشنطن ستيت يصير لو ما يصير بدون ما تتاثر المساعدات مو ايكطعوها علية اللة يخليكم اريد جواب مضبوط من كل الاعضاء وخاصة الى همة هسة بامريكا مع تحياتى واشواقى وطيبة التمنيات
                                   اخوكم عمورى من عمان

[كافي ظلم]

السلام عليكم
اخوية العزيز
اني مو بامريكا بس حسب الاعرفة انو ميجوزلك تغير الولاية لان لمن حددولك الولاية ترتبت عليهة هواي امور ومتطلبات ..وانشالله نشوف ردود الاخوة الباقين اصحاب الخبرة مايقصرون وياك .ونتمنالك الموفقية



كافي ظلم-بغداد

[احمد عباس]

مو سهله تغير من المطار لان اول شي

عندك خط رحله متجه لبنسلفانيا فه من تريد تحول حتى لو وافقو فه تضل تنتضر الى ان يحجزولك للولايه الثانيه
بس بالنسبه اذا رحت لولايه بنسلفانيا وطلبت نقل ممكن تروح على المنضمه وتطلب نقل وتروح لولايه ثانيه بس تخسر بعض المساعدات


وسؤال ليش متريد ولايه بنسلفانيا شبيها ؟ فضول بس

[kfc_w2002]

السلام عليكم ,اخويه العزيز ,
 احد اقاربي طلعتله ولايه وراد يغيرهه لان كلوله مابيه شغل وهو عنده كفيل والي تكفله اتفق ويا المنظمه بان يستضيفه ابيته المهم سافر لامريكا ابيت الكفيل وبقه يمه يومين وبعدهه سافر للولايه الي هوه رادهه يعني اذا انت عندك كفيل ممكن يستضيفك يومين مثلا وراها تكدر تغير بس اذا الكفيل اجرلك او المنظمه هيه الي تاجرلك متكدر تغير لحين ميخلص عقد الايجار وبالنسبه للمساعدات جاريه ولا تاثير عليها بس تختلف من مكان لاخر حسب المخصصات لكل ولايه .
تحياتي للجميع...

[علي النعيمي]

اخوية اظن يصير لمن توصل ورفة فترة

[عمورى 1]

اشكر كل الاخوة على اجاباتكم وفقكم اللة وبارك اللة بيكم اما بالنسبة لسؤال الاخ احمد عباس لا ما بيها شى بنسلفانيا بس ياعزيزى اهلى كلهم انقلوا الى سياتل مدينة كنت ونقلوا وياهم المساعدات تعرف اقاربنا هناك بسياتل وجيرانة هم هناك فكلهم اجتمعوا سوية فانى شعندى بعد بنسلفانيا وانى بوحدى واتمنى يجاوبونى بعض الاخوة الاعضاء الى هسة عايشين بامريكا مع تحياتى واشواقى
اخوكم عمورى من عمان

[angie-dawood]

مساء الخير اسعد اللة ايامكم وكل عام وانتو بالف خير عندى سؤال ريحونى اللة يريحكم اكدر اغير الولاية مالتى من بعد ما اوصل الى المطار يعنى انى ولايتى بنسلفانيا وانى ما اريد اكللهم المنظمة اريد اغير الولاية مالتى همة اصلا يريدوها حجة حتى ياخرونى يعنى من اوصل الى المطار اغير الولاية اريد اروح الى سياتل واشنطن ستيت يصير لو ما يصير بدون ما تتاثر المساعدات مو ايكطعوها علية اللة يخليكم اريد جواب مضبوط من كل الاعضاء وخاصة الى همة هسة بامريكا مع تحياتى واشواقى وطيبة التمنيات
                                   اخوكم عمورى من عمان

اخي العزيز عموري
كل عام انت واهل بيتك بالف خير ربي يعيده عليكم كل عام بالخير والبركه
اخي عموري  هو ما يصير تنقل اوتلغي ذهابك الى الولاية الي رشحوها الك وانت بالمطار لانه راح تخسر حقوقك الافضل اما تغير الولاية قبل السفر حتى لو تاخرت كم شهر لترتيب اوراقك واتفاق مع منظمة اخرى للولاية الي تريد تروح  الها او تنتظر بعد انتهاء فترة المساعدات للولاية الي مرشحة لكم الان او تكدر تدبر سبب مقنع يقنعهم لرغبتك بتغير الولاية وانت بالمطار الاول تاكد من المنظمة قبل ما تخطوة اي خطوة وتخسر حقوقك مثل انا بنت عمتي بالمطار كالت الهم ما اريد مشكن لانه ابني مريض ما يتحمل جو مشكن وهما بالمطار عافوها ثلاث ايام على ما رتبوا الوضع مع منظمة الي بككلفونيا وتحولت هنا بدون ان تخسر حقوقها هما يتعاطفون مع حالات خاصة حتى لو كان التغير بالمطار وانت اذا عندك سبب مقنع تكدر تقدمه الهم وشوف شنو راح يكولون بس تتاكد انه ما تخسر حقوقك وانشاءلله ربي يوفقكم باي ولاية كانت