دَشتـَه دْ نِنـْو ِه
دَشْتـَه دنِنوه بُرْكاثــــــــَــه مِن زونـَه دْ بَبواثـــــَـه
گزاري وْغـّاز ِدْ حَراثـــَـــه دَبرَه دْ شاتـَه ويُماثــَـه
××××××××××
بگو يَرخِه دْ قـَريروثــــــَـه مْكـُلْكـَلتيلـَه پْخيپوثـــَـه
كْسَپْرَه ليَرخِه دْ شِخنوثــَـه دْلوشَه لْوِشْتَه دْخَموثه
××××××××××
مْنـُقـَشْتيلـَه خْداماثــــــــَــه دِخَّضريلـَه أ ُرْخاثـــــَـه
مِلْلالِه وْطـَپَياثـــــــــــــَــــه وْرؤولِه وْرَؤُلياثــــــــَه
××××××××××
كـُد كْيثِه بي نيسانــــــِـــــه كْشَكْنـَه أرَه مْقـَرْمانــِـه
مِن بْيبونـِه وپَجّانـــِـــــــــه بْگـَوَي طِمي ورْيخانـِه
××××××××××
وپَلگح لـَندِه دْخـِلانـــــــِــه مْليثه مْطيري وحيوانِه
پْثلياثـَح ما مَزدانـــــــــِـــه وْلَكْسَپقي مَّشِلـْخانـــِــه
××××××××××
مَرگِدْ نِنوه تلكيپــــــــــــِــه أيالـَحْ قِرْيـِه وإليپــــــِـه
وپحَخِّمْثـَه ما خَريپِــــــِـــه ومِنـَّي ناشِه نـْخيپـــــِـه
××××××××××
كـَر ِمْلـَش خاصِد نِنـــــــوه بْعـَقارَحْ كْرائــي أرْو ِه
كـَرمانـَح مِليـِه مْأ ِنـْـــــوِه بَشْيلِه وخْيار ِه خْبـِرْوِه
××××××××××
بْدَشْتـَه دنِنوه تِسقوپـــَــــه بَهُرْتـَه وإتـَّه شوپــــــَـه
ونوهار ِد كُلْ يَلوپــــــــَــه ماثِد أوگِن بـِقوپـــــــــَـه
××××××××××
بَّغـْديدِه كيَرمي پْوخـِـــــــه خِطـّي كوذيلي قوخــِـــه
كْنـَچلِِ خُرْطمانِه وطلوخـِه وپسِتوَه كّالي مَنوخــِــه
××××××××××
وبَطنايـِه بْأي حِليوثـَـــــــه لـَكْمَطْيالـَه سْيبوثــَــــــه
پْچـِرَّح كْصَخْيه شِپروثــَــه پترزِه تْخِگي وپصخوثه
××××××××××
وألقـُشْ رِشْ دَشتحْ طورَه لِبّحْ خـَميمَه خنـــــــورَه
لِخْمَحْ يْپيَه پتـَنـــــــــــورَه وْمايَحْ صِپيـِه خْنِقــّـورَه
××××××××××
خَمثيلَه كأورَه وكْشــــورَه وخاثيلـَه دْرابـَه وزْورَه
تـَخورَه كْسَمْقـَه وخـّــورَه وتـَدِجْمِنْ كّيمَه خْقــْورَه
××××××××××
دَشْتـَه دنِنوه پْتشعيثـــَـــــه مْقـُدشتيلَه أثْ بْريثـَـــه
ناشَحْ وِلـّي تـْياووثـــَــــــه وصِملي صومَه دْبَئوثه
××××××××××
دَشْتـَه بحالِه دِمْياثــــــــَــه بـِسْپارَه ليومَه خاثـَـــه
تـَتـْقـَطي كُلْ شِشْلاثــــــَــه ديلـْي خْذيئِه لأقلاثــَــه
××××××××××
دَشْتـَه دنِنوه بـِنثـــــــــارَه ديلـَه شْوقتـَه دْلـَمـْـارَه
كْليثـَه لـْزونـَه دأمْـــــــارَه پخيلِدْ أثرَه گبـّــــــــارَه
××××××××××
دَشْتـَه دنِنوه بـِدْ پَصخــــَه أيمَنْ كْومَه بـِدْ شـَلـْخَه
دَشْتـَه دنِنوه بـِدْ پَصخــــَه أيمَنْ مْوَردِه بـِدْ پَقـْخـَه
××××××××××
دَشْتـَه دنِنوه بـِدْ پَصخــــَه أيمَنْ أ ُرخَح بـِدْ پَثخـَه
دَشْتـَه دنِنوه بـِدْ پَصخــــَه أيمَنْ زّرْقـَه مَدِنـْخـَـــه
[/b][/size][/font]
××××××××××
نبيل يونس دمان
7- 31- 1996
nabeeldamman@hotmail.com
ملاحظة: ألقيت القصيدة بمناسبة يوم الشهيد الآشوري بتاريخ 7- آب – 1996 ، وعلى قاعة نادي قصر الشرق في ولاية مشيگان الأميركية .