الى البائسين في امريكا ادخل واقره والى اللذين يترددون في الذهاب

[RAWASAAD]

كثرت في الاونه الاخيره مشاركات مغتربين في امريكا اصابت الاحباط للاخوة اللذين يرومون الذهاب ومنتظرين الطيارة اقره المقال للاخير حتى لو بدون ردود المهم تقره وتفتهم . ولتكول هذا يتفلسف مع الاسف احنه العراقيين ماعدنه فقره بحياتنه اسمهه طموح اكثرنه نروح ناخذ خيرة ومن هاي السوالف مال العجايز والمشكلة انه محد يشجعك ياهو اللي تكلة مقد علة الهجرة راسا يصيح بيك يمعود شعندك مقدم والله اللي راحو متندمين بس النتيجة اللي راحو رجعو الجواب لالالا محد رجع وصدكني اللي رجع ماعنده طموح ويائس وهو بالعراق يتعاجز يدور شغل النوب يروح لامريكا اكثر الاغنياء او كلهم مااجوي للدنيا اغنياء اكثرهه جانو يشتغلون شغل مو افضل من اللي جنت تشتغلة وابديهه من بيل غيتس الى اصغر موظف بالدولة اليوم اخوان تره الثقة بالنفس وتحقيق الطموح هي مهمة لأنها بداية الطريق إلى النجاح
والخطوة الأولى لتحقيق ما تريد من أهداف في حياتك .
ومن يفتقدها سوف يبذل الجهد حتى يحصل عليها
وقد يتصف بها الإنسان منذ نعومة أظافره إنها " الثقة بالنفس "
ولا نعني هنا الغرور بل هي أن يثق الإنسان بما لديه من قدرات وإمكانيات التي وهبها الله له وتميز بها عن غيره .. .
وهي القدرة على السير نحو تحقيق الهدف ومواجهة العقبات التي تكون عائق كبير دون الهدف المراد تحقيقه .

ويكون هذا السير يصاحبه أمور هي الداعمة بعد توفيق الله سبحانه وتعالى .. وهذا من أهم ما يعزز ثقة الإنسان في نفسه وبعدها احترام الشخص لذاته وإحساسه بقيمته والنظر لنفسه نظره ايجابيه وهي أن تنظر إلى نفسك بأنك إنسان ناجح ، وانك قادر على تحقيق طموحك " ومن الأمور المهمة التي تساعد على الثقة بالنفس " العلم وهذا يعتبر شيئاً طبيعياً أن الإنسان إذا عمل أو تكلم في شيء يعلمه كانت ثقته في نفسه اقوي .. ومن هنا يجب
عليك تزويد نفسك في معرفة الهدف المراد تحقيقه ومن العوامل تقييم نفسك ، وحاول أن تنظر إلى ما حققت من خطوات ايجابيه سوف تشعر بالتقدير والاعتزاز بنفسك .. .

(الانتقاد) لا يكون هذا الانتقاد الذي قد تتعرض له يشعرك بالإحباط ، وحاول أن تستفيد من هذا النقد وليعرفك في الأخطاء التي وقعت بها وتتفاداها مستقبلاً .. لا تتوقع أن الفشل سوف يكون حليفك وليكن التفاؤل دائماً ملازماً لك ولا تكن أسيراً لتجارب فاشلة ..
حاول أن تستفيد من هذه التجارب " وراء كل نجاح فشل مكرر ، ولا يأس مع الحياة ، ولا حياة مع اليأس ، ولا حياة دون أمل وتجارب ، ولا تجارب دون نتائج ، وتكرار المحاولة هو بداية النجاح ومن هنا تحقيق طموحك وثقتك بنفسك ولا يسيطر عليك الخوف ويجب عليك التخلص منه إذا لم يكن لهذا الخوف مبرر .. فأنه لا يوجد إنسان ضعيف "
لكن يوجد إنسان يجهل موطن القوة في نفسه ..
ويقال الفاشلون قسمان ، قسم فكّر ولم فعل
وقسم فعل ولم يفكر ، ومن هنا يجب عليك أن تكتشف مواطن القوة لديك ..
وان تفكر ويصاحب هذا التفكير عمل ومن هنا تكسب ثقتك في نفسك .. وتحقق طموحك .. .

لتياس من حجي بعض الاعضاء صدكني اكثرهم شباب مو طموحين يريدون الاكل والشرب يوصل للحلك واحنه عايشين بالعراق كل اللي يجون زيارة لاهلهم يرجعون لاوربا ليش ليش مفكرت ليش لان العيشة هناك اسهل وافضل واكمل واروع اخطي ولتخاف
تحياتي ابو اوس

[أم إبراهيم]

عاشت الأيادي أبو أوس موضوعك رائع أخي... وصح لسانك... يا أخوان الطموح والأجتهاد هو اول خطوة بطريق النجاح... أمنياتي بالموفقية للجميع

[lazordy]

صح والله

[ĈAŃDŶ]

طبعا هواية ناس يحددون مستقبلهم من فشل الاخرين  وميكولون لا نصير احسن منهم


اتوكلو على الله بلحركه بركة والله ميضيع جهد او تعب اي انسان طموح




تحياتي الك على الكلام الجميل

[امين عبد الله]

صح لسانك اخي ابو اوس وبارك الله بيك، هذا الحجي اللي يخلي امل عند الواحد، سوها ظلمة علينا، وبالتوفيق ان شاء الله اخي الكريم

[RAWASAAD]

صح لسانك اخي ابو اوس وبارك الله بيك، هذا الحجي اللي يخلي امل عند الواحد، سوها ظلمة علينا، وبالتوفيق ان شاء الله اخي الكريم

اشكركم على الردود والله بس الفاشلين يكتبون مواضيع يمعودين لحد يجي يااخي رجعو هذا العراق موجود قابل العراق شال بس شنسوي طنش والله مرتي كمت مااخليهه تدخل للمنتدى من الصدمات الكهربائية اللي يسببوهه بعض الاعضاء

[ARMY STRONG]

صح لسانك و الله

و هذوله انريد نرجع و يتباججون  

ماترجع منو لازمك

[ضاري]

عاشت أيدك على هذا الحجي .... والله موتونه من القهر يومية طالع واحد أمريكا دمار لحد يروح .... راح أرجع أني متندم أريد بس كروة الطيارة ..... أريد أبيع الكرين كارد ... هاي النماذج ألي وصلت أمريكا يريدون بس أفلوس تجيهم على الحاضر وناس تخدمهم
عاشت أيدك أخي army strong هذا الحجي الصحيح

[امين عبد الله]

وتره اكو ناس مايعجبها تطور نفسها لذلك يكزن من الصعب عليها التأقلم. والذي اقصده تعلم الانصياع للنظام، تطبيق القانون فيما يتعلق بالحقوق والواجبات، تعلم التفاؤل، الجدية و الاخلاص بالعمل، التبرع و المساهمات بالاعمال بدون مقابل، الشعور بانك انسان ولك كرامة، تعلم بان لك حق الرفض وقول كلمة لا انت كنت على حق ومسألة المسؤلين على اخطائهم هذا ما لم نلمسه في بلدنا لعقود مضت في عراقنا الحر الديمقراطي العظيم 

[ضـاع الوطن]

ان شاء الله التوفيق بكل مراحل الحياة للجميــــــــــــع
مشكور على الموضوع

[ابو زينب الشحماني]

ومن لم يحب صعودالجبال ***** يعش ابد الدهر بين الحفر

 تحياتي موضوع مفيد للي عنده استعداد على تحسين وضعه .

[لورنس السفاح]

كلام سليم
عاشت الايادي

[الدمير]

اشكرك كلام رائع وراقي عطاني دفعه للامام وانا كنت متملل ومكسور وهسي من كلام بعض الاصدقاء

بارك الله بيك

[مهاجرين بلا حدود]

ان شالله شعار الجميع هذه المقالة الرائعة

الله يبارك بيك اخي ابو اوس

[Dr.Ameen]

السلام عليكم
كلام صاحب المقال عين العقل والصواب
ولكن
دعونا نسمع قصص الاخرين التي تحمل معها النقد وقصص الفشل ولنستعد للاسوء ولا نفرط بالتفاؤل فقد نكون في يوم من الايام من انصار شجابني لامريكا  وشورطني
واني شخصيا في كل خطوة وعمل احسب اسوء احتمال ليس تشاؤم بل بالعكس انا على طول متفائل ولكن كي لا ننصدم بالواقع
العلماء الذين استنسخوا النعجة دولي قبل نجاحهم فشلوا تقريبا 250 مرة  وعندما نجحوا فتحوا ابواب عالم جديد امام البشرية
الاصرار والطموح  مطلوب ولكن خلينة لا نزعل من اللي يلعنون يوم السفر
خلي نجرب حظنة ونشوف امريكا

[um reem]

كلام صحيح ومنطقي وريك يكلك اسعى ياعبدي وانا اسعى معاك ,, بس هذا ميمنع من ان نسمع تجارب واراء الغير لان اكيد نكدر نستفاد من تجاريهم ونحاول نتلافاها ماالمفروض نخليها تأثر علينا وبعدين اكيد البدايه دائما تكون صعبه بعيد عن اي ماديات  المهم الانسان يحاول ويصر واكيد بالاحر لايصح الا الصحيح وبالتوفيق للكل

[Ali Al-Gafajie]

كلام سليم و دقيق,عاشت الايادي

تحياتي علي الخفاجي

[حمدمد]

صاحب الموضوع كلام جدا لوجك

الله يخليك ماكو واحد تعرفه مضبوط  ياخذ خيره كون خيرته ماتخيب
لان اريد اسافر ....................
ههههههههههههه

[ameer 55]

السلام عليكم

والله اخوية كلامك عل راسي وعاشت ايدك الي كتبت هذا الموضوع الجميل

تحياتي للجميع اخوكم امير الطائي

تكساس دالاس

للتواصلameer_t2007@yahoo.com

[زيونة]

و الله عمي حجي ذهب و على الراس ........ بس منين تجيب اليفتهمة , عاشت أيدك .

[angie-dawood]

سلمت الايادي اخي العزيز كلام رائع انشاءلله ربي يفرجها  عليكم وما تشوفون الا الخير والرزق والاستقرار

[ملت روحي]

السلام عليكم
كلام صاحب المقال عين العقل والصواب
ولكن
دعونا نسمع قصص الاخرين التي تحمل معها النقد وقصص الفشل ولنستعد للاسوء ولا نفرط بالتفاؤل فقد نكون في يوم من الايام من انصار شجابني لامريكا  وشورطني
واني شخصيا في كل خطوة وعمل احسب اسوء احتمال ليس تشاؤم بل بالعكس انا على طول متفائل ولكن كي لا ننصدم بالواقع
العلماء الذين استنسخوا النعجة دولي قبل نجاحهم فشلوا تقريبا 250 مرة  وعندما نجحوا فتحوا ابواب عالم جديد امام البشرية
الاصرار والطموح  مطلوب ولكن خلينة لا نزعل من اللي يلعنون يوم السفر
خلي نجرب حظنة ونشوف امريكا

كلام حلو وجميل من صاحب الموضوع وهو هذا عين العقل والصواب اني اريد اكلكم حالة صارت كدامي اني اقاربي طلعوا بكاليفورنيا وهمة اخوة 2 واحد منهم مزوج وعندة طفل والثاني لا ممتزوج وموجود بأميركا نسيبهم رجل اختهم طبعا هو حاصل على الجواز لان مولود هناك على العموم ماريد اطيل عليكم الولد المتزوج اني اعرفة من جان بغداد هو اتكالي ومصبر بشغلة اكثر من شهرين ومتكل على والده حتة بعد متزوج بس الاخ الثاني الاعزب لا سبع وجان يشتغل هنا وهنا  ميكعد طبعا همة بولاية نيويورك الاخ المتزوج من سولف ويا كام يبجي العيشة صعبة وماكو شغل وتعبانين بس الاخ الاعزب من حجيت ويا اشو غير حجي كلي موجود شغل بس مو هو يجيك انتة تروح دور عليه ولازم تقبل باي شغل ومتستنكف منة وتنسة المكتب الي جنت كاعد بي بالعراق حتة لو تشتغل بغسل المواعين بس اريد اكلك شي من تغسل مواعين باوع على جنبك راح تشوف واحد امريكي هم ديغسل مثلك مع العلم هو امريكي وعندة جواز وانتة رايح علمود الجواز وبعدك ممحصلة فاكيد هو احسن منك بالامتيازات مال جواز فقط طبعاً زين كلتلة اشو حجيك مو مثل حجي اخوك كلي اني اشتغل اخوية بعد مرور سنة بعدة كاعد ويدور مساعدات وبس اني شفت كاليفورنيا غالية ومتفيد فسعيت ورة الشغل وطلعت الى ولاية قريبة لكندا بالشمال وباردة كلش بس نصحوني بيهة وكلولي بيهة شغل فعفت اخوية بكاليفورنيا ورحت للولاية اشتغلت وتعبت هاي السنة يعني بين قوسين سعيت وربك كال اسعى ياعبدي واني اسعى وياك وبالفعل بعد تعب سنة ونص من الشغل بالمطاعم والبانزين خانت والفيترية الله سبحانة خلة كدامي صاحب مكتب وشركة صغيرة مال هندسة بيوت خارجي وداخلي وانت تعرف اني خريج هندسة ديكور فكلي تعال اشتغل يمي ورحت واشتغلت ويا وعجبة شغلي واني حاليا مرتاح جداً وملزمني المكتب وسيارتي اخر موديل وكلش مرتاح كلتلة والله عفية عليك فكلي حبيبي اميركا للي يحب يتعب ويشتغل والي يكلك ماكو شغل يكذب عليك اما اخوية فبعدة هسة يلة لكالة شغل حارس بمول ويدوب الراتب يكفي .....


فاخواني نصيحة لتسمعون كل حجاية تنكال اني الي يحبني يكلي تعال دائما تصير وياية وسمعت من اكثر من واحد من معارفي انه شغل موجود بس متبدي مدير تبدي باصعب الشغل وشوية شوية ربك ميعوفك مدام انتة طموح وتحب تسعى

اشكر صاحب الموضوع واشكشكم كلكم واسف على الاطالة



اخوكم ملت روحي

[redmax18]

well done I agree with you 100%
regards
redmax18

[abo simsim]

الف  رحمة على والديك اخوية ملت روحي...لازم نخلي مثل تجاربك  قدوة النا ونصبر..والله ماينسى عبده

[** يدكو **]

كلام منطقي اخي العزيز ...

الحياه في امريكا هي كالاتي ...تعطي لمن يعطيها ...

عاشت ايدك ...