سؤال مهم ملكيت جوابه هنا لتبخلون علينة بأرأكم

[DoDo2010]

السلام عليكم

اول شي شكرا على المنتدى الرائع صدك بي هواية معلومات مفيدة

اخواتي اخواني

اني مثل حالة اغلبكم هنا مقدمة عل اي او ام  من بغداد....وقابلت بشهر السابع وحصلت تاجيل من المحلفين وراها كلشي ماكو

اسمحولي اشاركم

اني زوجي هناك بامريكا وصراحة مليت من الانتظار وتعبنة كلش فكرت اقدم على احدى الجامعات بامريكا

وفعلا زوجي راح سأل وكلوله عادي طبعا بس تعرفون لازم يكون عندي مبلغ الدراسة كامل

اني جنت ناوية اكمل الماجستر بس جنت اريد من اوصل لهناك حتى اكدر ادفع بالاقساط وماحتاج اطلب من احد هيج مبلغ

بس الصراحة اضطريت افكر هيج لان وضعي صعب كلش هنا واحنة بعدنة ماعدنة اطفال ف هيج فكرة تخدمني كلش

اعزائي سؤالي هو

اولا اي احد بيكم عندة معلومة شكد تطول الفيزا الدراسية؟؟؟ يعني هم شغلة طويلة وانتظار  ....حسب كلام الموظفة بالجامعة ميطول بس اني اريد احد مجرب او سامع

ثانيا هل من الممكن ابقى على اتصال وية المنظمة هناك يعني من تكمل معاملتي عادي يكون حالي حال الالجئ الي جاي من العراق لو تسقط حقوقي؟

وبحقوقي مداقصد المساعدات لان اكيد رح يكولون هية كدرت تدفع اقساط دراسة( يتخيلون كاعدة عل بنك) بس اقصد ورة سنة هم رح احصل كرين كارت لو شلون


رجاءا اي شي يخطر ببالكم اي رأيي او شغلة اني ممنتبهة عليهة رجاءا نبهوني

اسفة طولت عليكم

بس حبيت تكون الصورة واضحة كدامكم

وشكرا مقدما

[امين عبد الله]

اختي الكريمة

1- لا ادري ماهو وضع زوجك القانوني في الولايات المتحدة ؟
2- يستطيع زوجك ان يرسل لك قبول من احد المعاهد الامريكي ( I-20 ) فمن الطبيعي ستكون السنه الاولى لتعلم اللغة اي ان ال ( I-20 ) لتعلم اللغة من احد المعاهد على امل اكمال الماجستير في نفس المعهد. حيث ان اجور تعليم اللغة ارخص من الماجستير. ولكن سيسألك موظف السفارة عن زوجك وطبيعة عمله فان ذكرت بانه موجود في الولايات المتحدة ( و هذا ما لاتستطيعين انكاره ) عندها سيستنتج الموظف بان موضوع الدراسة ماهي الا حجة تتخذينها للهجرة الى الولايات المتحدة و سيرفض طلبك ويختم على جوازك في اخر صفحة و سيكون من الصعوبة عليك الدخول الى الولايات المتحدة مستقبلا. عليه اقترح عليك مخلصا ان لاتفكري بموضوع الدراسة في الوقت الحاضر الى ان تدخلى الولايات المتحدة.

اني اسف بس هذه الصراحة لازم تعرفيها قبل لا تقدمين على خطوة الدراسة. طبعا لازم اكو طرق اخرى بس لازم نعرف وضع زوجك في الولايات المتحدة وباي طريقة دخل اليها كي نستطيع ابداء المشورة الصحيحة.

[ARMY STRONG]

اختي انتي بلك سهةله تكدرين تحصلين قبول من اي جامعه هناك
بس الفلم ما يخلص لهنا وبس

الشغله يم السفاره يعني مو شرط انه جبتي قبول راح بنطوك فيزا كبل

تبقه القنصل و قناعته و اذا انتي مستوفيه الشروط و خلي نكول رايحه بزودك

و الله يسهلك انشاء الله

[mys]

الاخت الفاضلة
حاولي ان تستمري باللجوء الي اتني مقدمه عليه وان تاخر بعض الشيء لان التقديم على الدراسة وعند  املاء استمارة الفيزه هناك فقرة تشير هل ان مقدم الفيزة لديه تقديم على اللجوء فاذا كان النفي وهي مؤشرة ليهم طبعا او عندما تظهر لاحقا فان مقدم الطلب سيرفض طلبه   ويعتبر متحايلا على القانون ويتم تاشير منع دخوله الى امريكا مدى الحياة تقبلي تقديرنا وعليكي الصبر وجعل زوجك يتابع معاملة لم الشمل من هناك والله الموفق

[ــــ{{{ABADY}}}ـــــ]

اختى العزيزه اليوم وبالصدفه انا و زميله لي فى الشغل طبعا هى اردنيه كنا نتكلم في نفس موضوع مشابه لموضوعك وقالت لى الفيزه تطول من 8 اشهر لسنه هذا كلام القنصل طبعا هى نفس حكايتك واليوم شفت سؤالك وهذا ردى والله اعلم.ادعو لاخى الله يسهل امره ااااااااااااااامين.

[DoDo2010]

اول شي احب اشكركم جدا على اجوبتك الصريحة والسريعة

اخي امين زوجي طلع اس اي في قبل اكثر من سنة....اني بوكتها من طلعلة سفر جنة بس مسوين عقد سيد وجنت ادرس اضافة الى ضروف اخرى منعتني انه اقدم وياه


شكرا نبهتوني على امور مجنت مفكرة بيها اني عرفت الموضوع مو بالسهولة الي صورت الموظفة بالجامعة

جان العالم كلها سوته

بس مجنت اعرف سلبيات الموضوع ونورتوني مشكورين

يارب تفرج عليكم كلكلم والله يساعدكم مثل ما ساعدتوني