ساعدوني والله دخت وماعرف شنو اسوي

[فراس خزمي]

 السلام عليكم اعضاء المنتدى الكرام اتمنى تكونون بخير وصحه وعافيه

اني مكمل مقابلات ومسوي فحوصات وزوجتي كانت حامل ولدت بنوته والحمد الله والوفد شاف البنوته وكملت اجرائات ودنتضر الموافقه الامنيه حسب مايقال بال iom طبعا هذا الحجي صارلي من شهر 8 مكمل كل شي يعني اخر مقابله وفد من شاف الطفله وكملت اجرائات . وهسه مشكله الجوازات جوازاتي حرف H وطبعا الجواز منتهى الصلاحيه واني ضايف الطفله بالجواز .والمفاجئة اليوم اتصلو من السفاره العراقيه والموضف يكلي تعال باجر كمل اجرائات الجواز حرف A لان اني جنت مقدم على الجوازات من الشهر 3 /2010 .. وهسه والله ماعرف شنو اسوي اذا اروح اغير ابدل الجوازات الفيزا راح تااخر  .والله ماعرف شنو اسوي دخخخخخخخخخخت والله والطفله الجديده لازم اسويله هويه احوال مدنيه من العراق حتى يطلعله جواز .  زين ال IOM يسفرونا بدون جوازات لو شنو اريد اعرف رحمه الوالديكم

[الوتار]

up

[ألن في بلاد العجائب]

  اخي العزيز ما اعتقد الاي او ام الها علاقه بالجواز ميعتمدون ع الجواز و ان شاء الله الاخوه الي عدهم فكره مضبوطه رح يجاوبوك
الن

[ريم عبد]

اخي فراس
اولا الف مبروك على الطفله ويجعلها من بنات السلامه
ثانياالامنيه بعدها مجتي وعندك فرصه اتكمل معاملاتك بهاي الفتره
ولازم اتطلع هوية احوال مدنيه للطفله من بغداد
فاذا كنت فاتح صفحه انت وزوجتك يعني هاي مو طفلتكم الاولى
يكدر والدك ايطلعلها الهويه بيومها ويدزلكياها
واتطلعلها جواز S مستعجل من السفاره العراقيه
لان ال اي او ام ميسفروكم بدون جواز الا بالحالات الاضطراريه

[ابو سالين]

اخي العزيز ..انته الفيزه مالتك راح تطلع حسب معلومات الجواز لقديم..واذا تريد تتاكد روح للiomاو خابرهم وكلهم عادي ابدل الجوازات لو لا والله يسهل

[فراس خزمي]

اخوان اني بسوريا والسفاره العراقيه ماعدهم جوازات S

[فراس خزمي]

وبصراحه ماعرف الامنيه خلصت لو بعد بس قبل كم يوم اتصلو بالكفيل مالتي وهو اخويه بولايت ديترويت متشغن 

[ريم عبد]

اخي هي السفارات العراقيه بكل مكان نفس تعليماتها
اني الي اعرفه انه ينطون جواز اس للحالات المستعجله لسهولة اصداره من نفس السفاره وينطوا بنفس اليوم وهذا الي صار ويانه
اما اذا مكدرت اتحصله
فانت اشتغل على اصدار جواز جديد للطفله
واذا ملحك يخلص الجواز قبل موعد سفرك فالمنظمه تنطيك جواز الصليب الاحمر او وثيقه
بس الافضل انت متعتمد عليهم واتحاول تتستغل هذا الوقت وتصدرلها جواز

[ألن في بلاد العجائب]

 جوبتك اختي المخضرمه بعد شتريد اخويه 
الن

[علي النعيمي]

الاخت ريم جاوبتك مظبوط

[نورالمصطفى]

اخي العزيز
اولا مبروك على البنوتة انشاءالله تتربى بعزكم والله يخليها الكم
ثانيا بخصوص الجوازات اني اكول انت ما راح تخسر شي اذا باشرت بمعاملة الجنسية واخراج الجوازات فاذا خلصت وصدرت الجوازات الجديدة قبل ما تسافر فهذي كلش اوكي ماكو اي مشكلة  اما اذا سافرت وبعدها الجوازات ماخلصانة فتكدر تسوي وكالة لاي شخص يستلم الجوازات مالتك ويبعثها لك . وبالنسبة للجواز فئة اس فموجود بالسفارة بسورية وممكن تسوي
واضعف الاحتمالات ومكدرت تسويلها الى بنتك جواز فممكن تسافر بوثيقة عن طريق اليو ان هم يعملوها لك
تحياتي

[ام تسنيم1]

اولا تهانينا علا البنوته الحاوه  ثانيا  انت ليش مدوخ نفسك  سافر البغداد   هويه الاحوال المدنيه للطفله تطلع بيوم وكلش سهله يعنى مو مثل الاول زوجى وفردى ويشتلوك فد 6ساعات لا  شغله ساعه ونص انى قبل اسبوع سويت هويه لاابنىاى ازدحام  ماكو   ثانى يوم  تروح تسوى جواز  وهم مو مثل الاول  الجوازات فارغه  لئن العراقيين كلهم هجو    المهم  الجواز هم كلش سهل يوم واحد تسوي المعامله  بعد 10 ايام تستلمه كامل من الجوازات العامه    يعنى يوم سفر ويوم  للهويه  و10 ايام  للجواز  هاى 12 يوم  ولتضل حاير   استغل الوقت  ولو تتعب  بس اضمن  الك    وبالمناسبه  جواز الطفله من بغداد محد ميكدر يسوي الا  الاب  لو مدرى شجيب واسطه  ممنوع منعا باتا  الا  الاب يسوى     وماكو بعد كل محله يوم  لو ازدحام        انت امشى بالمضمون  احسن الك   لا تتعرقل لاسامح الله تره ذوله يتحججون علا كل شى  بس انت لازم تبلغهم  لل  يو ان  انت رح تسافر لغرض اصدار الهويه والجواز  لئن اذا مبلغتهم  يسوولك رفض  مثل ماصار بابن اختى  مبلغهم وسافر  رفضو علا اخر يوم  والقرار يعود الك   

[رافدعزو]

اخي العزيز حاول الاستحصال على جواز جديد من السفارة العراقية  وسوف يقوم اليو ان بتفعيل الجواز حين السفر لان الفيزة الامريكية بورقة خارجية عن الجواز من واشنطن تحياتي ومن الله التوفيق

[fddd]

السلام عليكم اخى اذا انت لاجى فمتحتاج جواز عراقى يطوك جواز الصليب الاحمر وتسافربي مثل ماحصل ويانا ضمينا الجوازات ومحتاجيناهاوسافرنا بجواز من الصليب الاحمر واسئل مجرب لا تسال حكيم

[دحدوحة]

اخي مبروك المولودة الجديدة الله يحفضلكياهة كلام الاخfdddصح  لان اني مريت بشي مقارب اخي الدولة الي تستقبلك هية الي تحير بمسالة الجواز لدوخ روحك لان همة يعرفون صعوبة الحصول علة جواز اني طلعولي وثبقة سفر زوجي جوازة اس ومنتهي وحطولة عليه الفيزة وسافرنة وكلشي ماكو المهم انت ضفت البنية علة جوازك

[أكاكي]

حبيبي انت امكمل كلشي تقريبا حتى لو رادو منك جوازات امشي بالمعاملات مالتهة والله بيوم من الايام تفيدك بزمن النطام السابق كنة منعير اهمية لكثير من الامور بسبب اليأس لاكن فادتنة ولو بقليل بعد اختلاف الامور الله يسهل لك ولكل الطيبين

[sadiq.h]

أخي ,,, لا تدوخ انت امورك تسهلت ,, وبجوازك الجديد تنقل جميع التأشيرات من الدخول والخروج ,,وبهذا تكون جوازاتكم جديدة ومقبولة لكل البلدان ,,

[I wish]

Dear Sir

 

Thank you for your e-mail, kindly note that all applicants MUST have a G or an A passport type because applicants can't depart from Baghdad to the United States without having passports.


 

Kind Regards

Baghdad Info center

اخي العزيز
هذا ايميل صريح اني مستلمة من المنظمة يذكر بي انه كل مقدم طلب لازم يكون عندة جواز وحسب الانواع المذكورة اعلاه
مع العم انه اني هم قضيتي جانت اضاقة طفل

مع الشكر الجزيل

[emigrant2]

اخي صاحب الموضوع

كلام الاخ اي وش منطقي وصحيح لأن في اول مقابلة لنا والتي مرَ عليها تقريباً 10 اشهر اكدوا لنا موظفي المنظمة على ضرورة حيازة جواز G or A .

وتنمياتي لك بالموفقية

[عماد العراقي]

اتمنى تكونون بخير وصحه وعافيه