هلاهل لك يارحاب كل هذه العطور


المحرر موضوع: هلاهل لك يارحاب كل هذه العطور  (زيارة 2586 مرات)

0 الأعضاء و 1 ضيف يشاهدون هذا الموضوع.

غير متصل حامد الجبوري

  • عضو فعال جدا
  • ***
  • مشاركة: 346
    • مشاهدة الملف الشخصي
    • البريد الالكتروني
                                     هلاهل

                                         لك يارحاب كل هذه العطور

                                                    حامد كعيد الجبوري
                                                           26 ت2 / 2010
                 
من شفت طولك حبيبي ...
جلَب القداح بيه
وصبَّحت مملي نده
ومن تبسملي حبيبي ...
الشمس بيديه ألزمتها ...
وفاض نوره ...
وسيّر البيتي النجم
طارن أطيور المساجي
زركه تتكالب ترافه
وأنملت كل السمه
والسمه ...
السمه ، مطرت بلابل
ترست الدنيه غنه
ومن زمان ....
الصيف ما نعرف أبسره
نصعد أبوكت العصاري
إنرش سطحنه
أترابه ذراته الذهب
فراش أمي ...
الليل كله
يحجي ويانه همس
              وبسطوح الفقره محلاهه السوالف
              سطح يتناغه أبسطح
             أمي كالتلي النبوءه ...
                وطوكتني ...
                          يشيب راسك ...
                             والكلب يبقه شباب
            إيغني لطيور المحبه
            أيهيم بدروب  الجمال
           وأمي تعرف ...
                        تقره خرزات  السحر
            وتعرف إبسر الكلوب
           ومن هذاك اليوم أنطر
           وأمشي درويش أبدرب مليان طيبه
           ووصلت لآخر محطه ....
           وضحكت الدنيه ترافه ....           
          وبيك يحبيب فزت ...
                       بيك يالغالي فزت



           












غير متصل nasir yako

  • أداري دردشة
  • عضو مميز متقدم
  • *
  • مشاركة: 15896
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
عشت عالكلمات الحلوه المعسوله اللي كتبتها  النا .....


غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني


دام قلمك الذهبي يرسم اروع المعاني

عاشت الايادي وردة

ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني
       
       

                  عاشت الأيادي على هذا الكــلام  الحلـــــــــــو !

                        خالص تقديرنــــــا ...



غير متصل الامانـــــي

  • مبدع قسم الهجرة
  • عضو مميز متقدم
  • *
  • مشاركة: 8853
  • الجنس: أنثى
    • مشاهدة الملف الشخصي
من شفت طولك حبيبي ...
جلَب القداح بيه
وصبَّحت مملي نده
ومن تبسملي حبيبي ...
الشمس بيديه ألزمتها ...
وفاض نوره ...


كلمات جميلة واردت  عمل اقتباس لكل الخاطرة لجمالها لكني  اكتفيت بهذا الضياء من هذه الكلمات اسعدني المرور هنا