حايره كلش ممكن رايكم (كندا)

[عراقيه من بغداد]

مرحبا اصدقائي اني جديده بالمنتدى احب اكولكم اني بكندا تزوجت ممن عراقي عايش بالعراق وحاليا وكلت محامي لم الشمل لزوجي بس اني قلقه جدا بخصوص الموافقه لان مااعرف نسبة الموافقه على لم الشمل علما اني استوفيت شروط لم الشمل من عمل لي عملي الخاص ولم استلم ولفير ابدا وحاليا وكلت محامي بس ننتظر الفحص الطبي بس اني جدا قلقه على نسبة الموافقه ممكن اللي عنده تجربة لم الشمل بكندا يكتبلي عن نسبة الموافقه مع جزيل الشكر لكم يااخواتي واخواني الاعزاء

[علي النعيمي]

والله اختي اسئلي الاخ الفريدو هوة عايش بكندا وعندة علم بهيج امور

[ــــ{{{ABADY}}}ـــــ]

اختى انا زوجة اخى فى كندا وهو بعمان ومسوين لم شمل هو ما طلع لسة بس ماشى بالمعامله وان شاء الله يطلع والنسبة اذا الله راد مئة بالمئة لاتقلقى اختى,,,,,,,,,,,,,,,,,,,,,,,,,,,,,,,,,,,,,,,ادعى لاخى الله يسهل امرة وبسهل امرك يا رب

[عراقيه من بغداد]

شكرا جزيلا على ردودكم وانشالله رب العالمين يسهل امركم وامري...واشكر كل من يساهم بمساعدتي برأيه



وشكرا جزيلا مرة ثانية ..

[بسمة امل]

السلام عليكم

اختي انتي تكولين احنا ننتظر الفحص الطبي يعني انتي خلصتي كلشي اللي اعرفه انه المعاملة بيها نسبة القبول99 بالمية يعني اذا كان الزواج حقيقي يعني مو صوري يعني يشكون بهالشي هذا مكن يصير بيه رفض بس اذا المحامي كالج اكيد انه يطلبون صور الكم سوية وصور زفافكم وحفلة حتى لو صغيرة ويطلبون اثباتات اخرى مثل اتصالاتكم وايميلات ويكولون انه يريدون اوراق بهالشي ومدة تعارفكم وشلون صار الزواج وبعدها القبول اكيد لاتقلقين انشاء الله يسهل الامور ويلم شملكم قريب

اختك بسمة امل
تورونتو

[عراقيه من بغداد]

نعم يااختي العزيزه اكملت اجراءات الزفاف كامله في عمان مع صور الاهل لكن تبقه المشكله انه  نحن لانتكلم على الايميل الا القليل نعتمد على الموبايل بالاتصالات وصعب اثبات ذلك لانك تعرفين هنا نظام الكروت لكن استوفيت باقي الشروط من صور واوراق رسميه تخصه تبقه مسالة الموافقه ومسالة الوقت وانشاء الله رب العالمين يسهل امر الجميع .