شباب شنو السالفة موعد سفري بعد 11 يوم ركض ركض

[sultanyan]

شباب انطوني موعد سفر يوم 9\12 دايخ وماعرف شسوي لا محظر شي ولا استقلت من شغلي اكو حل اكدر ااجل الموعد ياريت تساعدوني باي شي سواء اضطريت ااجل شنو الحل يارب يفرجها عالجميع ويسافرون بس مو مثلي بموعد ركاااااااااض

[^Miss Violet ^]

هلوووووو sultanyan هاي وين يابة

الف الف مبرووووك.. يابة شنو تاجل ما تاجل.. ديلله هسة هي الاستقالة يرادلهة ايراد و مصرف قابل ههههههههه لا نصيحتي لا تاجل هاية نصيحة لله

بس ماكو ولاية اسمها بالتيمور.. هاي المدينة و موجودة باكثر من مكان.. انت تاكد من الولاية حتى نساعدك بالمعلومات عنها

اكلك شوكت كالولك الولاية؟

[^Miss Violet ^]

انت استلمت الظرف ويانة اتذكر.. زين خابروك كالولك الامنية جاية لو بس هيجي انطوك موعد.. وشوزكت سويت التثقيفية؟؟

ميخالف تحملنا احنا ما نصدك واحد عنده موعد سفر حتى نوكعله دك ههههههههههه

[sultanyan]

عزيزيتي اني الامنية طالعتلي من 4\9 بنفس يوم استلام الظرف بالتيمور اتصير بنفس ولاية ماريلاند وباجر انشالله اعرف المعلومات اكثر من اروح استلم خط الرحلة  وبالنسبة للدورة التثقيفية اخذتها بنفس شهر التاسع

[um reem]

الف مبروك السفر وان شاء الله توصلون بالسلامه,, رأي والله تتوكل على رب العالمين وماكو داعي للتأجيل لان الواحد ميعرف شيصير وقبل يومين قريت واحد اجل موعد السفر مرتين وبساعة السفر لغوا السفر وكالوله تجييك امني   القصد اخي اتوكل على الله وسافر وبالتوفيق دائما

[dovedove]

مبروك اخي ان شاء الله توصل بالسلامه
 اخي ياتاجيل هو الواحد ميصدك لمن ينطوه موعد توكل على الله

[ــــ{{{ABADY}}}ـــــ]

اخى يا تأجيل والله يقولولي اتروح على الصومال كان رحت هذه امريكا,,,,توكل على الله

[^Miss Violet ^]

اخي معناها انت من البداية لازم كان رتبتها لان امنية موجودة و تثقيفية ماخذ.. كان لازم تتوقع موعد غفلاوي

يوم الالنا و يجينا موعد غفلاوي هههههههههههه

[sultanyan]

والله انشالله خير باجر اروح واشوف شنو السالفة وعلى فكرة همه اصلا ماجانو ناويين يكولولي على الولاية لوما اني اسأل بس باجر حعرف كلشي وابلغكم وانشالله التيسير للجميع

[ريم عبد]

اخي الف مبروك الي حددولك موعد سفر
ولتحاول اتاجل وخلص شغلك باسرع وقت واتوكل على الله
وان شاء الله بالتوفيق

[علي النعيمي]

الف مبروككككككككككككك

[ايمن الريس]

يا معود الف الف الف مبروووووووووووووووووووووووووووووووووووك
الله يوفقك وييسر امرك وامر الجميع ويا رب الكل يسافرون ركض ركض
شنو تأجل الخير فيما اختاره الله
توكل على رب العالمين
ايمن

[امين عبد الله]

الف الف مليون مبروك وابد لا تحاول تأجل لان ما تدري شوكت يحددوا لك موعد جديد واخاف بعدين الامنية تسقط وتصير بدوامة.
توكل على الله وتوصل بالسلامة ان شاء الله

[sultanyan]

شباب تسلمون عالرد طبعا اني سألتها وكالتلي عندي فرصة وحده اكدر ااجل لمدة شهر ولازم ارد عليهم بصراحة اني فلوسي كلها بالضمان ولازم اسحبها يله والمعاملة اطوللها اسبوعين يعني مستحيل اكدر اخلص فوالله دايخ وماعرف شسوي

[مشلوع كلبي]

الف الف مبروك اخويه بالموفقيه انشالله

[Good-hearted]

الف الف مبروووووووووووك
اخي العزيز حاول اتسافر و لاتاجل لانه اذا تاجل احتمال يخلوك بالتجييك الامني وهالمرة راح تندم وتكول ياريت ما اجلت بالنسبة لحسابك البنكي حاول تخلي وكيل الك يمشي بمعاملة سحب الفلوس وبعدين يحولك اياها ( طبعا اذا كان المبلغ اقل من عشرة الاف دولار ) اذا اكثر فيمكن لايسمح بالتحويل الى امريكا.
بالتوفيق

[emigrant2]

1000  1000  مبروك

درب السلامة ان شاء الله يارب

[لورنس السفاح]

من رايي تسافروانت اصلا راح تستقيل
يعني تكدر تعوف الشغل حتى بدون متكللهم

[sultanyan]

لورنس العرب2
emigrant2
Good-hearted
مشلوع كلبي
Miss Violet ^
عبادى75
امين عبد الله
ايمن الريس
aa12_zz5
um reem
ريم عبد

تسسسسسسسسسسسسسسسسلمون عالردود والله يبارك بيكم اني خلاص نويت اترك كلشي وسويت وكالة لاهلي همه راح يطاردولي احسن شي وباجر انشالله مودي الجواز لليو ان وانشالله ماتندم علسفري لان حترك اهلي وناسي اهنا بس انشالله بس اوصل ابقى وياكم على اتصال وافيدكم باي شي تحتاجونه واني تحت الخدمة وانشالله كلكم يطلعلكم سفر قريب
تحياتي

[ابو بنين]

يمعوددسافر وسوي وكاله لاحد من اهلك واترك الجنسيه والشهاده لانهم يحتاجوهه ويه الوكاله بس كلي انته سويت استقاله وشلون فهمني بهذه النقطه والله ييسر امورك بحق محمد وال محمد

[sultanyan]

ابو بنين عزيزي اني ماسويت بعدني استقالة لان راتبي حينزل 6 الشهر راح اسوي بنفس اليوم بس استلم الراتب مشكلتي انه اقامتي وتصريح العمل على الشركة واني مالغيتهم ماعرف من اسافر اهلي همه الي حيكملون المعاملة بس خايف يطلبون جواز السفروالله داييييييييييييييييييييييييخ

[angie-dawood]

الف مبروك اخي انشاءلله توصل بالسلامة وتشوف كل الخير ربي يوفقك ويرزقك بالولاية الي تروح الها بالتوفيق