الذهاب الى المقابلة SIV

[echo 9]

السلام عليكم
اخوان سؤالي بخصوص الذهاب الى المقابلة SIV  ؟ بالاتاتش فايل الوصلني منهم بالبداية يقولون بيه اذا تحتاج سكورت للدخول لازم ترسل لنا رسالة قبل 48 ساعة  تبلغنا بيها بالحضور بموعد المقابلة وانك تحتاج سكورت !!!
بعد ذلك وصلتني منهم رسالة اخرى يقولون بيها مكان الحضور للمقابلة تغير وبعد ماكو داعي تروح للمكان القديم ( فندق الرشيد ) لان المكان تغير والجديد هو اللي بساحة النسور بس ما ذاكرين لي انه ارسل لهم رسالة اطلب بيها اسكورت ؟؟؟
يا ليت واحد من الاخوة او الاخوات القابلوا SIV   بالجديد يوضحون لي هل اقوم بارسال رسالة للسفارة اطلب سكورت لو اروح للموعد عادي من غير ما ادز لهم رسالة ؟؟؟؟
بارك الله بالجميع
Echo 9

[بغدادي76]

حبي آني ذاك اليوم قابلت , لا أسكور ولاقصة طويلة , من ساحة النسور, نفس البوابة الي يدخلون منهه لشركة الجي ال اس.
بالسبعة ونص انته واكف بالباب, يجيك السرة... حيجيكون اسمك موجود للمقابلة او لا ؟ إذا موجود يدخلوك ويفتشوك وتجتمعون كلكم المراجعين بغرفة , ويجون اثنين بنات من السفارة ياخذوكم بكوستر للسفارة , وأبوك الله يرحمه.
وأي سؤال آني حاضر

[اسالك ياعراق]

عمي ايكو اتكول على الله نفس حجي الاخ اني اقاربي قابل نفس الحجي ساحة النسور مقابلة برج المامون بس شوية من وكت علمود السرة والله يوفقك انشاء الله اني مقابلتي بعدك انشاء الله
الله يوفق الجميع

[Revolver]

اخوية العزيز ايكو,

اعتذر منك لأن تدري بية بعدني مواصل الهل المرحلة ولة اني اول الناس اجاوبك . بس اكلك اتروح وترجعلنة بلسلامة من المُقابلة وان شاء الله تستلم الفيزة بأسرع وقت اميين يارب .

تستاهل كل الخير انت ابو خالد . اتمنالك كل الموفقية وراحة البال يارب .

اخوك ريفولفر

[Fristo]

حبيبي الغالي
اشكرك على تطرقك لهذا الموضوع
طبعا كنت دايخ بيهه لكن بعد السؤال وضحت القصة انو ميحتاج
ارسال ايميل .اني مقابلتي بال ١٢ ممكن بالصدفة نلتقي وورة مانقابل غداك علية...!!!
اتمنالك الموفقية واليسر

[/b]

[echo 9]

السلام عليكم
- الف شكر للاخوان بغدادي 76 و اسالك ياعراق عالتوضيح ( بارك الله بجهودكم اخواني الاعزاء .
- حبيبي انته واخوية الغالي ريفولفر مجرد مشاركتك هي رد واحلى رد بحد ذاتها اسمك وحضورك ينورني يالطيب الغالي وان شاء الله توصل لتعدي كل المراحل ونساقر سوى لو انته قبلي يا رب .
- الف شكر للاخ Fristo اتشرف بيك يا طيب الغدا واصل بس بشرط اذا كنت من اهل بغداد على حسابك لان راح اكون خطار عندك بس اذا من غير محافظة الغدا على حسابي لان انا صاحب الموضوع والاسم مو غريب ابد Fristo بلكي وتطلع انته نفس الشخص اللي ببالي وانور عيوني بشوفتك مرة اخرى يا اصيل .

[Revolver]

أخوية ايكو اني من اهل بغداد تدري بية, اي شي يخطر ابالك تحتاجة بس كول وأني الممنون منك . والله يسهل امرك ان شاء الله .

اخوك ريفولفر

[ســـرى]

بالسلامة عمنا العزيز وان شاء الله تجيكم الفيزا من وكت.

[NOOR 2]

اخي الغالي

توكل على الله وان شاء الله تسهل لك الامور

للعلم مقابلة جماعة SIV

شبه روتينيه لاتتوتر

تحياتي

NOOR 2

[/size][/i]

[امين عبد الله]

ان شاء الله كل القبول بوجهك وكل الابواب تشوفها مفتوحة امامك و بلمح البصر تستلم الفيزا و توصل انت والعائلة بالسلامة

[echo 9]

السلام عليكم
- الف شكر للاخوان امين عبدالله والاخ نور بارك الله بيكم اخواني الاعزاء والله يسهلها ويفتحها بوجه الجميع يا رب .
- شكرا بيتي الغالية سرى ربي يحفظج ويخلليج يالغالية عمي والله الواحد يعجز عن شكركم وخاصة انتي بنيتي العزيزة على ما بذلتموه من جهود من اجلنا وسهلتوا لنا هواية امور كلمة شكرا والله قليلة بحقكم وما نملك لكطم غير الدعاء بالصحة والعافية وستر الحال والتوفيق من رب العالمين .
- دايم اخوي الغالي ريفولفر ربي يحفظك ويسهل امرك واريدك ذخر يا طيب

[عراقي هواي]

موفق عمي ابو خالد وانشالله بالتسهيل .
والله معاك وانشالله سهلة وتصير سوالف

اخوك ابو مصطفى

[lumberjack]

السلام عليكم اخواني حبي ايكو ريلاكس المقابله عباره عن سفره انشاء الله
صديقي لازم ادز ايميل كأجراء لازم تكللهم ما عندي اسكورت وهمه راح يكلولك تعال من البوابه الفلانيه حبي لا تخليها سكته وتروح هيجي زين حبي مراح تخسر شي دز ايميل وحدد موعد ومكان البوابه اخويه لا تستهون بالموضوع واعتقد اكو ناس ديسهلوها ويلغون خطوات الدخول الى السفاره الدخول للسفاره لازم يكون وفق اليه وانت لازم ادز ايميل صح غيرو المكان وصار بوابه ساحه النسور (بوابه GLS)نفسهه بس انت دز ايميل ومراح تخسر شي
وبالموفقيه واتمنى تكتب تفاصيل السفره (المقابله ) وانت مسيطر
 

[silver_d]

ايباااه شكد  قديم  اني  صرت  لعد  لان  بوكتي  جانت  سهله الدخول والمقابله على البوابه بفندق الرشيد بساحة الانتضار

وهم جنه  شايلين هم عمي ايكوا اتصير سوالف لتدير  بال  وداعتك
هسه  راح  يسئلوك  ليش  اتريد اترووح امريكا  بس كله اريد  اكمل  دراسه واريد مستقبل  لاولادي  هسه  كبل  ميطول  وياك  بعد
المهم الموفقيه وانشالله اتكون سهله عليكم
تحياتي
سلفر  كالفورينيا
اورنج كاونتي

[ريم عبد]

عمي ايكووووووووووووووووووووو
واخيراااااااااااااااااااااا وصلنااااا لمقابلة السفاااااااااااااره
الف مبرووك عمي الغالي وياربي ان شاء الله يوم الي اتبشرنا باستلام الفيزا
والله ايام مرت .. ذاك اليوم جنت دتبدي اتقدم واعصابك طالعه من الثلاجه  خخخخخ
هسه وصلت للسفاره واني بعدني كما كنت
يله ان شاء الله جماعة الي اي او ام هم يلحكوكم باقرب وقت
واتاجر طياره على حساااابك
عمي من جهة ساحة النسور بقصر الازدهار متحتاج اس كورت لان هيه كلها قريبه يم الباب ومناك همه ياخذوكم كرف

ندعيلك بالتوفيق عمي وان شاء الله مقابله سهله

[kunda]

يعني قصدكم نفس مكان الاي او ام ؟؟؟؟؟؟؟؟؟؟بساحة النسور

[Knight 6]

لا اسكورت ولا يحزنون اتروح للباب من جهة النسور وتلكي اسمك وتتوكل

[googoo]

   أخويه العزيز أيكو 9:

أتمنى لك وللعائلة الموفقية والنجاح، وان تكون المقابله سهلة وما أتحس بيهه.
وأن شاء الله أتبشرنه بحصولك على الفيزا....

 أخوك...................كوكو

[Gilgamish 78]

بالتوفيق حبيبي الغالي
ماكو هالايام والله اسال عليك دائما
صفي النيه ونام بالثنيه انت روح والله كريم
اخوك كلكامش

[echo 9]

السلام عليكم
الف شكر للاخوان جلجامش 78 - كوكو - الفارس 6 - كوندا - سلفر - ابو تبارك - lumberjack الخشاب مو لو انا غلطان - وحبيب قلبي واخوي الغالي ابو مصطفى .
شكر خاص كلش هواية جدا لبنيتي الغالية داينامو المنتدى وحبيبة عمها ريم عبد ما انسى وقفاتج وياي يالغالية ربي يحفظج وان شاء الله تلحكين وتروحين قبلنا كلنا يا رب .
اخواني بالنسبة لي ما خليت شي للصدفة زركتهم برسالة وقلت لهم ايكو ناين راح يجيكم بيوم المقابلة تهيؤوا له والفاركون مغبط جاوبوني وقالوا ونحن بانتظارك واسمك صار بالقائمة هاليومين .
ومن الله التساهيل
ابو مصطفى خللي التلفون مفتوح هاليومين اخابرك يا اصيل
حبي واحترامي لكم يا طيبين
Echo 9

[مالايكي]

ان شاء الله  موفق

وان شاء الله 3 ايام وربع وره المقابله    والفيزا بيدك


ياالله بارب

[مظلومه سوادي]

الله كريم

[ريم عبد]

عمي ايكوووووووووووو
بشرنااااااااااااااااااااااا شصار بالمقاااااااابله
بالناااااااااا يمك
وان شاء الله عن قريب اتبشرنااااااااا بالفيزاااا من تجي اتهلهل

[Revolver]

أن شاء الله خير, بأذن الله خير ..

ريفولفر

[general_medo]

عمي ايكو ناين ان شاء الله بالتوفيق وان شاء الله المقابلة سهلة وبسيطة واني متاكد من هذا الشي ربي يوفقك ويسهل من امرك

اخوك
GENERAL_MEDO

[اسالك ياعراق]

السلام عليكم اخوان   من رخصت العم ابو خالد   
هسة اشلون اني اتصل بالسفار اكللهم علمود السكورت لو اغلس
للعلم اني مقابلتي بعد ايام انشاء الله وجماعة السفار دزولي ايميل ثاني كالولي اتغير مكان المقابلة بساحة النسور وشارحيلي شلون الذهاب اتصل بيهم لو اطلع كبل  تحياتي للجميع وانشاء الله تسهيل الامر للجميع
سلامي للجميع