ارجو المساعدة من اهل الخبرة عن الفحص الطبي ؟

[twilight]

السلام عليكم

عندي سوال حول الفحص الطبي وسوالي هو عن شنو يدورون بالفحص الطبي
يعني اكو امراض معينة عليها خط احمر ويعتبرون مثل امراض السكر والضغط وزيادة الهرمونات هل هذه عليها خطوط حمراء او فقط الامراض المتناقلة اقصد ؟؟؟؟؟

والسوال الثاني هوة عن الفحص هوة فحص دم فقط ولا فحص سريري ايضا ؟؟؟؟
وشكرا

[noor b]

خوش سؤال ياريت الاخوه يجاوبونه

[ــــ{{{ABADY}}}ـــــ]

انت باى دوله علشان نقدر نرد.....اذا بالاردن فاخوك صار خبير

[twilight]

اخي العزيز

اني IOM بغداد - العراق

تحياتي

[زهرة الصبار]

اولا الفحص صار كله بيوم واحد التحليل والسريري
والامراض اللي يدورون عليها هيه المعديه فقط لاغير واللي هيه السفلس حسب ميكلون

[ددوفي]

عيني الفحص الطبي يتكون من:
اشعة للصدر
ومن ثم سحب عينة للدم
اجراء فحص بصر وسمع وباطنية واهم شي قياس الضغط اذا كان مرتفع راح يدزون عليكم قبل السفر بيومين يقيسون الضغط اذا طلع كلش عالي الضغط يتاجل السفر لذلك انصح بضبط الضغط قبل الذهاب للفحص حتى لا تطبون بهالمتاهات
فعليه اللي يلبس مناظر خلي ياخذهة وياه واللي عندة تقارير طبية لاي شي خلي ياخذهة وياه والادوية اللي تاخذوهة لازم تكونون تعرفون اسماءهة واذا ادوية جديدة انصح باخذ العلبة

وبالمناسبة يعني لحد يخاف ترة هو شي روتيني وان شاء الله ماكو احد عندة مرض معدي ويا ستار في حالة وجود مرض معدي هذا لا يعني منع السفر بل يعني العلاج ثم السفر

اما عن امراض الضغط والسكر وما شابه من الامراض المزمنة فهو شي عادي نص العراقيين بيهم امراض مزمنة

هذا الكلام عن مصر ولكن اعتقد الجميع يمشي بنفس المعايير وبالتوفيق

[blood_brothers8]

iom العراق الفحص مالتها يوكن ع يومين الايوم الاول تروح مستشفى ابن السينا وكلشي مالكو جذب ابجذب يكعد الطبيب يسالك اذا بيك اي مرض واذا دخن لو لا طبعا ياخذون طولك ووزن وعمرك....بعدين يسحبون منك الدم حتى يسون الفحص مالت الدم ويخيروك اذا تريد تسوي فحص مالت الايدز لو لا يعني ابكيفك....يكلك روح ع بعدين يومين واخذ اشعة من مستوصف....والله مااذكر شجان اسمه ع العموم تروح لهناك تشوف هواية ناس كلها حالها من حالك جماعة الاي او ام وتسوي الاشعة...تكمل ويكلك روح كملت والله وياك...اما بالنسبة لخططو حمراءفامااتوقع اكو هيج شي ......

[أحلى دنيا]

ددوفي
blood_brothers8

جواب بليغ  شكرا لجهودكم

[angie-dawood]

السلام عليكم

عندي سوال حول الفحص الطبي وسوالي هو عن شنو يدورون بالفحص الطبي
يعني اكو امراض معينة عليها خط احمر ويعتبرون مثل امراض السكر والضغط وزيادة الهرمونات هل هذه عليها خطوط حمراء او فقط الامراض المتناقلة اقصد ؟؟؟؟؟

والسوال الثاني هوة عن الفحص هوة فحص دم فقط ولا فحص سريري ايضا ؟؟؟؟
وشكرا

فقط مرض ( الايدز ) غير امراض عادي مثل السكر الضغط عادي ثلاث ارباع الشعب الامريكي يعاني منها حتى الرئيس اوباما

[twilight]

اشكركم اخواني وخواتي على احجوبتكم ومممممممنننننوووووووننننننننن

[ددوفي]

اختي انجي للعلم تحليل الايدز توقف في مصر للعراقيين لانه مكلف اولا وثانيا لم يجدوا اي عراقي يعاني من المرض هذا حسب علمي

[blood_brothers8]

اختي انجي للعلم تحليل الايدز توقف في مصر للعراقيين لانه مكلف اولا وثانيا لم يجدوا اي عراقي يعاني من المرض هذا حسب علمي

نفس الشي في العراق صار اختياري اذا تريد اتسويها او لا..................

[زهرة الصبار]

بالاردن ايضا بطلو فحص ايدز لانه ابد مالكو احد بي ايدز والحمدلله
الله يستر عالعراقيين ويعافيهم ويخليهم  احسن شعب ويبعد عنهم الامراض والمشاكل

[ــــ{{{ABADY}}}ـــــ]

خير الناس من نفع الناس,,,,مو قلتلك الاخوان مارح يقصروا,,,,,يالله ادعيلهم اخي الله يسهل امورهم ,,,وانا اقولك لا تخاف اخى انت شكلك خايف من السكرى والضغط اطمئن اخى هم يفحصوا بس على الامراض المعديه لان يخافوا من هذه الامراض,,ادعو لاخى الله يفرج همه محتاج دعائكم اخوان,,,,,وكل ربك اخى.

[ريم عبد]

اخي twilight
مثل موضحلك اخي دودوفي عن مصر والاخ بلود برذر عن العراق والاخت زهرة الصبار عن الاردن
اما عن الخطوط الحمراء فلا يوجد خط احمر
وحتى الايدز انشال من الفحص الطبي حتى بالعراق مو لان مكلف ولكن لان اعتبر من الامراض القابله للعلاج
والان المرض الذي يعتبر اكثر خطوره هوه السفلس(الزهري) لصعوبة علاجه
وهذا ايضا ميلغي طلب اللجوء وانما يجب ان يخضع المصاب للعلاج