Traveling Loan قرض السفر

[Haidouri]

اخواني اخواتي ممكن احد عنده معلومات عن قرض السفر شوكت نبدأ بالتسديد وماهو عدد السنوات التي يتقسم عليها القرض
يعني شكم قصد لازم ندفع

شكرا مقدما واذا اكو احد صاحب تجربة يجاوبني رجاءا

تحياتي

[fddd]

السلام عليكم اخى رح احجيلك عن تجربتنا وصلنا امريكا بداية شهر السادس بداية شهر الحادى عشر اجتنا رسالة بالبريد لازم ندفع ١٣٠ دولار بالشهر ومن بداية شهر الحادى عشر طبعا احنا عائلة متكونة ن خمس اشخاص كان المبلغ ٤٨٠٠ دولار طبعا رحنا للمنظمة وكالهم زوجى انه مصار اسبوعين من لكا شغل طبعا المنظمة خابرو على واشنطن وفهموهم ونصا جاوبو جماعة واشنطن كالو بس بلغونا بظروفكم وماكو مشكلة واجل الدفع الى شهر الثانى وملينا استمارة اشكد يدخل وارد واشكد ندفع قوائم وشكد نصرف اسئلة عن كل تفاصيل حياتنا ومصروفاتنا وحسب مفتهنا انه يقللون المبلغ ارجو ان اكون فدتك باامعلومات

[angie-dawood]

واني احجيلك تجربة اخويه وصل لامريكا بتاريخ شهر السادس من هاي السنة يوم 16  اول دفع اجه لدفع القسط مال طيارة بشهر العاشر من هاي السنة طبعا رحنا للبنك لانه عنده اكاوند بالبنك دفعنا 100 دولار هما جانوا كايلين تدفع كل شهر 86 دولار بس هو كال ادفع 100 كل شهر واخلص منها وطبعا هما عائلة 3 نفرات 

[طوطي]

احنا وصلنا نهاية شهر 6 من هاي السنة وقبل اسبوعين دزلنة المنضمة رسالة اتذكرنة بالمبلغ الي لازم ندفعه فقط للتذكير والاطلاع بس لحد الان وصل للدفع او بيل مجانة لحد الان بس احنة خمس اشخاص نكدر ندفع كل شهر مية دولار حسب تجربة اختي الي جتي قبلي بسنة

[حمودي ابن زيونه]

اني ادفع 25 بالشهر لان بعدني ممشتغل

[Haidouri]

اخت fddd

شكرا على الرد
يعني بعد خمسة اشهر طالبوكم بالدفع وبمعادلة صغيرة معناها ان القرض يتقسم على تقريبا 36 شهر صحيح؟

ممكن اعرف في اي ولاية حضرتك لأن احنا عائلة 4 افراد وطالبونا ب 5,600$ ( لفرجينيا) بينما حضراتكم ما شاء الله 5 افراد وطالبوكم ب 4800$


انجي

شكرا على الرد السريع

[fddd]

السلام عليكم احنا كانت رحلتنا مباشرة من مصر الى نيويورك ومن نيويورك الى دلاس وبعدين الباسو يعنى وجهتنا كانت تكساس وجان موعد رحلتنا بداية شهر السادس واحنا خمس نفرات ايجوز لان مباشر ممرينة بالمانيا فاقل السعر   تقبل مرورى

[baghadas us]

اخي ان قسط تسديد طيارة يبدا بعد مرور 6 اشهر يتم ارسال اشعار لك بقيمة الاجمالية وهناك نسبة محددة يتم دفعها كل شهر  ويتم اعلامك بها بارسال اشعار يشمل كل تفاصيل واذا حالتك مادية زينة بامكانك تسديد كامل واذا حالتك مادية عاوية سدد الي تكدر علي ولكن الاالتزام بدفع كل شهر الفترة تتراوح من 2 سنة الى 3او 3نص سنة شغلة تسديد ظرورية شكد متتوقع فنصيحة الك الالتزام وراح الايام ذكرك بمدى فائدة التسديد

[ابو عبد الله التكساسي]

اخي كلام بغداد يو اس صحيح
6 اشهر من تاريخ دخولك لامريكا وبعدها تستمر الى حين سداد الدين
الي اريد اوضحه وهيه نقطه مهمه جدا
هذا قرض حكومي عن طريق كنائس اهليه (( المساله شرحهه يطول فاخذه مثل ما هيه ))
قرض حكومي
تسديد القرض راح يكون اقساط
التسديد راح يكون بدايه بناء الكردت الخاص للفرد
التاخير بالسداد راح يأثر سلبا بالكردت
اهم شي يكون الدفع بالقيمه المطلوبه او اكثر بقليل ((يعني  اذا رادو 20 لا تنطي 15 انطي 25 ))
اذا تنطي اقل راح يكون الكردت ضعيف واذا زياده راح تبني نقاط اسرع واقوى

عموما للموضوع تفاصيل اخرى