غلق الملف الهجرة

[ام مهند]

عيني اولا اني مشتركة قديمة بس تاركة المنتدى صارلي سنة تقريبا

اتصلو بيه الاي او ام وكالو بانو مقابلتي يوم 29-11-2010 وكالو بانو راح يرسلون ايميل يوضحون مكان وساعة المقابله في بغداد وفعلا فتحت الايميل وبي خريطة وتعليمات وموعد للمقابلة بس منطوني مجال هواي للمقابلة يعني موعد المقابله وهي الاولى انطوني مجال 9 ايام فقط زوجي كان بعيد عني ومستمسكاتنه وجوازنه ما جاهزة بالاضافة الى انو عدنه ضروف خاصة ومنلحك خلال 9 ايام نجهز امورنه يعني تفاجئنه صارلنه سنتين ونص ننتظر ومن يراسلونه ينطونه هلموعد المفاجئ والضيق جدا فرسلت الهم ايميل حتى يأجلون المقابله حتى يصيرلنه مجال نتهيأ وكتبت الاسباب بالميل وكان ردهم الاتي علما اني طلبت تأجيل المقابله وليس اللغائها الرد كان الاتي :-

Cancellation of the Interview with IOM

 

Dear Sir, Ma’am

 

We are sorry to inform you that we have cancelled your interview on 29 November 2010, 7:30 am. With the IOM upon your request.

 

Please note that your case will be closed with IOM as you got the complete approval by the SIV,

 

 

Best Regards,

IOM Information Center

EFA

ممكن احد يفهمني ليش الغو المقابلة وغلقو الملف شنو همه ديعاقبوني لان ضروفي صعبة والله بس الله يدري دنداين وناكل ونصرف والله

تحيات ام مهند

[ــــ{{{ABADY}}}ـــــ]

اختى حسبي الله ونعم الوكيل.............لك الله

[(بغدادي)]

اختي العزيزة ..حسب ما مكتوب بالايميل فان المقابلة قد تم الغائها بناءا على طلبكم ..بس مكتوب انو ملفكم اللي وية الاي او ام سوف يتم غلقه طالما تمت المصادقة على ملفكم الخاص بال SIV فالظاهر انتوا مقدمين عال اس اي في ايضا..!!

[ام مهند]

والله راسلت الاس اي في  وكتلهم هيج وهيج صار تعرف شنو كان ردهم ؟؟؟

بانو ما عدهم اي ارشيف عن موضوعنه وتم تحويل كل الملفات الى الاي او ام في بغداد واعتذرو هواي مني واني طلبت منهم تأجيل (postpone) وليس الغاء ( cancel ) الله يشهد ورسولة

[النورس جوناثان]

والله اختي يعني حيل انقهرت عليج وياريت اتمنى لو بيدي فد شي اساعدج بي جان قدمتلج اياه
بس بصراحة اني لو ابمكانج اضل ادزلهم ايميلات وابقى اشرحلهم حتى يعرفون انه انتم فعلا على حق في ضروفكم الخاصة الى ان اشوف بلكت يغيرون رايهم
 اسال الله انه يسهل امركم

[willpower]

اختي العزيزة.
اولا ممكن اتسوي كوبي للرسالة الي انتي دزيته لل IOM انشوف انتي اشكايله بالرسالة وعلى اساسه جابوبج بالغاء الكيس مالتج. حته انكون دقيقين بردودنه و انساعدج.

ثانيا انتي اصلا مقدمه على ال SIV ؟ بحيث راسلتيهم و كتيلهم هيج و هيج كلولي ال IOM ؟ وانتي امبلغه لل IOM انو انتي مقدمه على برنامج ال SIV ؟

تحياتي

Willpower

[(بغدادي)]

الظاهر صاير خربطة بينهم وبين الاس اي في..زين معاملتكم وية الاس اي في وين وصلت يعني على اي اساس يتم اخبارهم بانوا انتوا تم الموافقة عليكم وعلى هالاساس راح يغلقون ملفكم وانتوا ما عدكم ارشيف وياهم..!!
يعني قصدي رقم ملفكم وية الاس اي في واي مراسلات ثانية شنو كان مصيرهة حتى اجاهم هيجي اشعار..حتى تعرفين بالضبط وين الخربطة صايرة..

[ام مهند]

اشكرك ابن الرافدين بس الشكوى للة وحدة احنه محتاجينه للجوؤ منكول اكثر من غيرنة لان اكيد اكو ناس ضروفهه اصعب بس تعرف اني كاعدة بالبيت وما اشتغل وزوجي يشتغل بغير محافظة لان يخاف يرجع البغداد وما عدنه حتى مصرف نصرف يعني ما اعرف شلون حظ علينه يعني الي يطلب التأجيل يلغون الملف كوله اذا هيج غير يكولونه هذا الحجي غير كول واحد وضروفة بس اني اكولك النار ما تحرك غير صاحبهه همه شعرفهم بضروف العراقيين كاعدين همه بمكاتبهم جوة التبريد وكولشي بكيفهم همه قابل شهامهم ... والله متندمين لان ابو مهند اشتغل وياهم خسر المشيتين لا تعين لا راتب ولا لجوء كولشي ماكو والله صرنه بداخل وطنّه غربة

[kunda]

أختنا العزيزة ام مهند :
الاي او ام تجيهم هواية ايميلات مال تأجيل او الغاء المقابلة واغلب هالايميلات يكون من جماعة الاس اي في يعني لمن تمشي معاملة الاس اي في بعد الواحد مايفكر بالاي او ام لذلك يلغيها فأنتو اذا عدكم ملف وديمشي على برنامج SIV فخير على خير بس اذا ماعدكم  فهاي مشكلة وأكيد الجماعة افتهموا غلط فلازم تعجلون وعالسريع بارسال ايميلات اخرى وتكون باللغة الانكليزية الواضحة والمفهومة وتشرحيلهم موقفك ولاتتأخرين وأني أفضل لو انتو ما مأجلين المقابلة لان هي بالموت يالله تنلزم بالايد

[ام مهند]

والله يا اخي اصلا ما مقدمين على الاس اي في ومراسلتنه كولهه على الاي او ام

ام مهند

[(بغدادي)]

عيني ام مهند تسويلهم ايميل مستعجل وتكتبين بيه بموضوع الرسالة URGENT وتكوليلهم اني استلمن منكم ايميل بغلق ملفي كون تم قبولي على برنامج الاس اي في واحب اوضح انو اني ما مقدمة سابقا على هذا البرنامج وتقديمي الوحيد هو مع الاي او ام وعلى هالاساس اطلب ارسال ايميل يصادق على هذا الكلام وتحديد موعد مقابلة ثاني وبانتظار ردكم لان احنه مهيئين نفسنا حاليا لاي موعد يتم تحديده..واذا تريدين مساعدة بالترجمة فاني حاضر..

[ام مهند]

هذي كانت رسالتي الهم والي بعدهه الغو المقابله وغلقة الملف وانّا لله وانّا اليه راجعون

Dear Sir
            
               ....I'm very happy and excited to hear from you , your e-mail has given me new directions in my life and certainly new plans but as you know Ive been waiting for more then 2 years for this reply and suddenly the reply comes giving me only 10 days for the interview .
I'm very sorry to say that i cant make it on the 29th of November 2010 because of the reasons below hoping that you will postponed the interview for a couple of months so I can have my preparations ready
my reasons for not attending the interview at the 29th of November 2010 are :-

1- My father inlaw just recovered from a heavy brain stroke and my wife is currently taking care of him and checking on his needs its only been days since he checked out of the hospital in Baghdad.
2- I currently Don't have a passport and I'm working on my new (A) series passport plus I have to get other necessary personal and family documents that you may need for the interview.
3- I am working far away from my city in Baghdad almost 400 miles away thats because of security reasons and my wife is with her family in baghdad and we have many private reasons that I cant mention here on the e-mail
I will be more then happy if you postpone the interview for about two months and that will be  perfect for me hopefully I will be 100% percent free in that time , I will be looking forward for your reply hoping you will give me a new interview date .

Warm regards

وشكرا والي يحب يشارك اكون ممنونه

[ام مهند]

طبعا هاي رسالة زوجي مو رسالتي

ام مهند

[willpower]

اختي ام مهند.

طبعا تحياتي الى ابو مهند و رسالته جدا واضحه ومرتبه... بس اكو شغله جان لازم ياخذه بنظر الاعتبار...ال IOM دينفذون برنامج اللجوء و اللدجي مو من المنطقي يطلب شهرين مجال حته يتحظر و يرتب اوراقه بعد ما ينطوه موعد. هم يهرفون 10 ايام كلش كافيه. هي هاي الي خلتهم يعضون النظر بالاسباب الذاكره زوجج ...المهم راسلوهم و اشرحولهم الوضع انو انتو ما طلبتو غلق الكيس.

كتبتلج فد رسالة قصيره و معبره بشكل سريع اذا حبيتو تقرو او اتحدثون عليه و دزوه قبل لا يتم البيت باغلاق الملف.

Dear Sir,

Please be advised that in my previous message I kindly asked IOM to postpone the date of our interview and not canceling my case, and the request of postponement was because of personal issues and tough circumstances we are passing through which didn’t help us to attend the interview at the scheduled date.

Also please note that you mentioned in your last message that (my case will be closed with IOM as i got the complete approval by the SIV), I didn’t understand this part as its kind of unclear to me since I even haven’t applied for SIV program, so wondering which approval you meant and you pointed it out?

I would like to reconfirm that I don’t want to cancel my case with IOM.

Thanks for your understanding

تحياتي

Willpower

[ام مهند]

فدوة العينك يا عراقي يا شريف يا ابن الاشراف

اجازيك بافراحك يا ربي بالي اكدر عليه

يعني هو ابو مهند كتب الرساله بصدق وما كذب ابدا بس همه الظاهر يريدون الي يكذب عليهم والي كلهم احنه مهددين والارهابيين واكفين بالباب يا اخي والله ما اعرف شكول والله عدنه ضروف صعبة وهمه بالمقابلة طالبين هواي مستمسكات ووالدي مريض بي جلطة دماغية وجواز ما عدنه حاليا عقد الزواج طالبينه ومهو تالف حاليا ولازم نطلع واحد جديد ويا اخي عدنة ضروف صعبة ومعقدة صعبة اذكرهه كدام الناس بس همه غير يقدرون

ممنونه جدا جدا جدا وهسه حرسل رسالتك

[ايمن الريس]

اختي العزيزة..
حسب ما افتهمت من نهاية الرسالة كان سبب الغاء المقابلة انه تم قبولكم على برنامج ال SIV  وبالعكس احسن ان شاء الله وانت اكيد تعرفين الفرق والميزات فلا تقلقين ان شاء الله يدزولكم ايميل ثاني ويحددون مقابلة على برنامج الاس اي في
والله الموفق

[ام مهند]

الله يوفقك يا ايمن ويخليك الشبابك هو هذا منتدى عنكاوة الي نعرفة.... كوله وفة وكلمات حلوة وتفائل وخير من كول الي مشتركين بي تحياتي للجميع والله يوفق الجميع يا رب ويحميهم من شر الاشرار

مع تحيات اختكم ام مهند

[willpower]

تتدللين. عود بشرينه بالاخبار الحلوه... واحنه حاضرين واني خادم اصغير لكل العراقيين والله يوفقج و يوفق الجميع.

ـحياتي

Willpower

[ايمن الريس]

اختي العزيزة..
الله يوفقكم وان شاء الله نسمع اخباركم الطيبة بأقرب وقت
اخوج ايمن

[عراقي هواي]

والله اختنه حيل اتألمت واني اقره موضوعج راح ابعثلج رساله على الخاص وانشالله تلكين الجواب بس اني متأكد اكو خطأ بالموضوع

[ام مهند]

يا اخواني الاعزاء
اشكر تعاطفكم معاي واني جدا ممنونه من الي شارك وممن عرض خدماته لان هي مجرد الكلمة الطيبه تسوه عندي الدنيا
بس والله الموضوع مو شغلة تأجيل شهر او شهرين همه الي مديفهمو هو ضروفنه التعسه الي دنمر بيهه والروتين العراقي الممل وضرف العوائل العراقية بصورة عامة يعني شنسوي هي هيج صارت الدنيا اول شي جواز ما عدنه بالوقت الحاضر اكو واحد تالف ومقدمين على جواز اي هسه وانشاء الله بضرف اسبوع الى اسبوعين يطلع بس هم مو اكيد لان تعرفون احنه وين عايشين ( في بلد الوعود الكاذبة والروتين القاتل وما يسمى الاكراميات بين قوسين الرشوة ) ثانيا اكو ضروف خاصة بالاضافة الى مرضة الوالد الشخص المشلول بالبيت الله يبعدكم عن هلمصايب بس مو سهله رجل يمشي كولشي ما بي وراسا يوكع وميكدر يحجي ولا يمشي وبالكوة ياكل يعني حالتنه مزرية بس الله موجود بالاضافة ابو مهند ديشتغل شغلة بمكتب مال حاسبات بالبصرة يطلع بال7 الصبح ويرجع بال8 بالليل وانتو تعرفون الدفع جدا بسيط يعني اني امرأة وهسه دا اراجع على اصدار عقد زواج لان القديم تلفان وجوازات والله بنفسي دا اروح بالاضافة الى تغير اشياء بالجناسي مال الجهال الى اخرة بس همه يتصورون هلسوالف بسيطة مثل امريكا بساعة تنحل ما يعرفون احنه ببلد الخداع والروتين والرشوة والوعود الكاذبة حموت والله حموت وبالمناسبه عراقي هواي احنه ما مقدمين على الاس اي في يعني ما اعرف شلون صارت انت شتحتاج مني حتى تتابع ويه الاي او ام اذا رحتلهم شنو المطلوب مني تعرفة واني الممنونه

اسفة لان طولت عليكم

ام مهند

[ام تسنيم1]

اختى العزيزه  انتى حاولى مثل ماديساعدوج الاخوان  دزيلهم الايميلات  وخلى املج واتكالج علا رب العزه   تره الله ماينسا عبده  خصوصا وانتو دتمرون بهالضروف الصعبه  بس ابقى اندعى     كولى  امن يجيب المضطر اذا دعاه ويكشف السؤ    اسال الله العضيم رب العرش العضيم يسهل امركم  ويمشى معاملتكم    امين يارب العالمين

[ام مهند]

اشكرج حبيبتي الله يخليج ويسلمج يا رب ويحقق امنياتج واشكر اهتمامج وكلماتج الحلوة هاي ايمانه بالله لان هو الوحيد الي يخلصنه من هلدوامه هاي

[emigrant2]

ان شالله بالتوفقيق اختنا ام مهند

والف الف تحية حب وتقدير للاخ willpower على ابداء المساعدة

تحياتي للجميع

[ام مهند]

ما تقصرون انشاء الله واني اشكرك اخي