ارجو النصيحة

[freedom4ever]

السلام عليكم اخواني واخواتي الافاضل

قدمت على SIV وجاوبوني بعد تاخير طال 9 شهور انوا الشروط للدخول للبرنامج متنطبق على قضيتي واني اكدر اقدم على IOM
وفعلا راسلت IOM ودزيت كل المتعلقات وجابوني بعد اسبوعين برسالة تتلخص بالتالي ( اذا كنت مقيم في مصر او العراق او الاردن تكدر اتقدم واذا لا قدم عن طريق الـ UN)
اني فعلا قدمت على UN بس المشكلة انوا الاجراءات بطيئة جدااا بالامارات مقارنة بالدول المذكورة واني اكافح من اجل ان احافظ على اقامتي في الامارات منذ 2006 ولا يمكنني الرجوع الى العراق لكن الى متى؟

ارجوا نصيحتكم

ولكم مني كل الاحترام والتقدير

اخوكم الحــــــــــر للابـــــــــد

[ســـرى]

اخي الكريم الاي او ام وتقديمه ماله جارة يعني لازم تكون بالدول المذكورة بس كوللي شغلة الاس اي في شنو اللي ما متوفر عندك من شروطها؟وهل ممكن توفرها؟

[ĈAŃDŶ]

والله ياخوية مو بس بالامارات بطيئة


تقريبا بكل الدول



لان المهاجرين ديزيدون



الله يوفقك



تحياتي

[freedom4ever]

شكرا اخت سرى للرد السريع
المشكلة بالرفض همة مكاتبين سبب الرفض بس كاتبين اني لا امتلك المتطلبات للدخول لبرنامج الهجرة الخاصة مع اني امتلك كل المتطلبات وحتى في حينها مقدمت على اي برنامج للجوء لان كنت متوقع انوا الشروط تنطبق على قضيتي 100% والشروط معروفة باستناء شي واحد ممكن رئيس البعثة يكدر يتحرك بيه ويرفض الطلب وهو شرط (ان يكون قدم خدمات جليلة للحكومة الامريكية)
 اني اتصور انوا سبب الرفض هوا اعتبار انني لم اقدم خدمات جليلة ومباشرة للقوات الامريكية كما هو الحال بالنسبة للمترجمين يعني القرار كان تخميني وليس استنادا على حقائق موضوعية والمشكلة اني ما اعرف محامي وما اعرف اذا كان من الممكن ان اوكل محامي لهذا النوع من القضايا

[ســـرى]

لا ما اتصور ممكن لانه حسب قضايا الرفض اللي بالاس اي في مابيها استئناف.

نجي عالاي او ام مثل ما كتلك لازم تكون باحدة الدول اللي مذكورة يالله تقدم.

[freedom4ever]

فعلا قرارات SIV نهائية وكان متخذ القرار معصوم من الخطأ
اذن ما باليد حيلة الا الصبر والاستمرار بالمعاناة والشكوى لله
اشكرك مرة ثانية اختي الفاضلة

[ســـرى]

اهلا بيك اخي الكريم وربي يسهل امرك.