سؤال للي عنده خبرة بال IOM

[BlancoCool]

بالبداية باركولي كملنه المقابله الاولى ببغداد
طبعا عندا سؤالين الاول ورة شكد من موعد المقابله الاول يتحدد موعد المقابلة الثانيه تقريبا
والسؤال الثاني للي عنده مريض ويحتاج علاج فترة طويله وعمره اكثر من 50 سنه شلون راح يكون موقفه بعد السفر يعني همه يوفروله العلاج وتكاليفه لو علينه راح تكون مصاريف العلاج
اشكركم مقدما

[ĈAŃDŶ]

الف مبروك لاجتياز المقابلة الاولى


اتمنالك التوفيق في كل مقابلات الجايه


اسفه ما اعرف بمعاملات بغداد


تحياتي

[لورنس السفاح]

اخوية بلانكو كول
بالنسبة للسؤال الاول ماكو مدة ثابتة بين المقابلتين
ممكن اسبوع وممكن اشهر ممكن حتى توصل لل4 اشهر
يعني ماكو شيء ثابت
دزلهم ايميلات والله كريم

بالنسبة للسؤال الثاني
للاسف ماعندي معلومات كافية لان اني مو بامريكا
ان شاءالله يساعدوك الاخوان اللي بامريكا

تحياتي

[★AbN✰BaGhDaD★]

اخي  العزيز مدة المقابلة بين الاولى والثانية تقريبا من 2-3 ...

وبالنسبة للمريض اخذ جميع المستمسكات والفحوصات والتقارير التي تثبت مرضة وحال الوصول الى امريكا تقديمها هناك حتى يحسوبلة تقاعد وحسب نوع كل حالة وحسب تقديرهم همة

تحياتي الك 

[eng.mathio]

السلام عليكم

بس اذا ممكن تذكرلنا تفاصيل المقابلة شصار ما صار وشكد طولتوا وشحسيتوا بيها زينة ان شاء االله

[Dollar]

اي والله اخويه بلكي تفاصيل المقابلة و رقم الكيس اشكد وقبل اشكد مقدم؟؟؟ بليه زحمه عليك

[وردة بغـداد]

السلام عليكم
بالبدايه احب اباركلك لاجتيازك المقابله الاولى وانشاء الله موفق بالمقابله الثانيه

ورة شكد من موعد المقابله الاول يتحدد موعد المقابلة الثانيه تقريبا
اخويه بالنسبه للمقابلات ماكو نظام معين يمشون عليه
بالنسبه الي بعد 3اشهر وقابلت مقابله ثانيه واعرف اصدقاء بعد شهر ويومين
من المقابله الاولى قابلو المقابله الثانيه واكو ناس بنفس اليوم قابلو اولى وثانيه
يعني ماكو سستم معين للمقابلات بس الي يبشر بأن اكو تسريع بالمعاملات
والمقابلات وخصوصا بالفتره الاخيره

للي عنده مريض ويحتاج علاج فترة طويله وعمره اكثر من 50 سنه شلون راح يكون موقفه بعد السفر يعني همه يوفروله العلاج وتكاليفه لو علينه راح تكون مصاريف العلاج
اخي بالنسبه للعمر اعتقد لو فوك ال60سنه او 65سنه يله يحسبوله تقاعد ممتأكده من العمر بالتحديد
بس اكو يمنا عائله عراقيه الرجل عمره 66سنه حسبوله تقاعد
وبالنسبه للامراض اهم شي تنطيهم نسخ من التقارير الطبيه ووصفات العلاج الي ياخذها الحجي
لان من يطلع لامريكا بخير وسلامه راح يعالجو ينشمل بالمدكيت وع اساس المدكيت الي عنده يتعالج بيه
بالنسبه لولايه تكساس المدكيت يكون فقط ل8اشهر بس ميشمل لا الاسنان ولا العيون
يعني لازم تنتهز الفرصه بهذه ال8اشهر بغير ولايات ما اعرف وبالنسبه للعمر هم ما اعرف ليش اكذب عليك
هذا الي اعرفه وبالنسبه للاطفال المدكيت يشمل كلشي من ضمنها الاسنان والعيون لل18سنه

تحياااتي الك اخي العزيز واسفه ع الاطاله
اختك وردة بغداد

[ملك الحيرة]

نعم هنا باوهايو نفس ما تفضلت وردة بغداد

السلام عليكم
بالبدايه احب اباركلك لاجتيازك المقابله الاولى وانشاء الله موفق بالمقابله الثانيه

ورة شكد من موعد المقابله الاول يتحدد موعد المقابلة الثانيه تقريبا
اخويه بالنسبه للمقابلات ماكو نظام معين يمشون عليه
بالنسبه الي بعد 3اشهر وقابلت مقابله ثانيه واعرف اصدقاء بعد شهر ويومين
من المقابله الاولى قابلو المقابله الثانيه واكو ناس بنفس اليوم قابلو اولى وثانيه
يعني ماكو سستم معين للمقابلات بس الي يبشر بأن اكو تسريع بالمعاملات
والمقابلات وخصوصا بالفتره الاخيره

للي عنده مريض ويحتاج علاج فترة طويله وعمره اكثر من 50 سنه شلون راح يكون موقفه بعد السفر يعني همه يوفروله العلاج وتكاليفه لو علينه راح تكون مصاريف العلاج
اخي بالنسبه للعمر اعتقد لو فوك ال60سنه او 65سنه يله يحسبوله تقاعد ممتأكده من العمر بالتحديد
بس اكو يمنا عائله عراقيه الرجل عمره 66سنه حسبوله تقاعد
وبالنسبه للامراض اهم شي تنطيهم نسخ من التقارير الطبيه ووصفات العلاج الي ياخذها الحجي
لان من يطلع لامريكا بخير وسلامه راح يعالجو ينشمل بالمدكيت وع اساس المدكيت الي عنده يتعالج بيه
بالنسبه لولايه تكساس المدكيت يكون فقط ل8اشهر بس ميشمل لا الاسنان ولا العيون
يعني لازم تنتهز الفرصه بهذه ال8اشهر بغير ولايات ما اعرف وبالنسبه للعمر هم ما اعرف ليش اكذب عليك
هذا الي اعرفه وبالنسبه للاطفال المدكيت يشمل كلشي من ضمنها الاسنان والعيون لل18سنه

تحياااتي الك اخي العزيز واسفه ع الاطاله
اختك وردة بغداد

[Safaa Alkhrkhy]

اخي بالنسبة بنيو مكسيكو فالتقاعد من عمر 65 سنة اما المريض بمرض مزمن يمنعه من العمل او هو اصلا معاق فيكون له تقاعد حاله حال ابو 65 سنة ويكون بهاي الحالة مشمول برعاية طبية كاملة

ابو سارة

[ahmedakam]

الف الف مبروك بأجتيازك المقابلة الاولى وان شاء الله بعد متلحك على المقابلات اتمنالك وحدة ولاة الثانية بس اذا امكن اتزودنة بمعلومات المقابلة وشوكت قدمت وشكد التسلسل والفترة بين الكيس نمبر والمقابلة اكون منون الك

[جورجيا]

بلنسبه للسؤال الاول
ماكو مده محدده يمكن يومين ويمكن اكثر من 4 اشهر
الثاني
زوجه اخويه قبل سنه ونص راحت صاغ سليم اول ما وصلوا سوولها فحوصات وطلع بيها كل الامراض والعلل ويوميه مصيبه  وصارلها سنه ونص علاج وهسه راح يجرولها عمليه وكلا على حساب الجماعه.لان يوميه يمددولها المديكيت مالتها لان الحاله الصحيه تستدعي ذلك
جورجيا

[وردة بغـداد]

بس للتوضيح بالنسبه للمدكيت يتجدد كل شهــــــــــر
طبعا يوصللكم عن طريق الميل بوكس يعني لاترحون ولا تجون
وبالنسبه للاطفال كذلك يجددو كل شهر لغايه ال18سنه
تحياتي
وردة بغداد

[BlancoCool]

شكرا الكم اخواني وخواتي على ردودكم ومساعدتكم الي
بالنسبه للفتره حوالي صارلنه سنه دننتظر موعد المقابله , بس المقابلة الحمد لله جانت سهله والموظفين الموجودين تقريبا كلهم عرب وعراقيين ومتفاهمين وكل واحد يدخل يحاولون يشرحوله كبل ميسئلوه أي سؤال والاسئله بسيطه مجرد اسماء وعناوين وتواريخ وبنهاية المقابله يطوكم ورقه مكتوبه بيهه الاسئله والمعلومات الي ذكرتوهه خلال المقابله ويكلولكم تحفظوهه زين كبل موعد المقابله الثانيه (المحلفين)
اتمنى التوفيق للجميع

[شيماء 1970]

للرفع