عاجل وطارىء اخونا ايكو9 في حاجه الى مساعتكم ودعائكمSIV

[عراقي هواي]

السلام عليكم اخواني الاعزاء
قبل قليل اتصل بي اخونا وعمنه ايكو 9 ابو خالد
وطلب مني انزل هذا الموضوع
الموضوع باختصار انه خابروا عليه من السفارة من رقم اسيا سيل يكلوله احنه اسفين مقابلتك اتجلت لان غدا عطله

اكو هيج شي والخابرته ابنيه يكول حجيه مثل لبنانيه او اردنيه

فأذا اكو احد من الاخوان صار وياه هيج شي يخبرنا لان تعرفون هسه الرجل محتار اخاف يروح ويطلع التلفون صحيح واذا ميروح وتطلع باجر مو عطله تروح عليه المقابله وتعرفون الرجل من محافظه بعيدة وياه كل عائلته ياربي تردون باسرع وقت حتى اخابره لان هو هنا ببغداد وتسلمون مقدما وربي يوفقكم جميعا

[ألن في بلاد العجائب]

اخي العزيز
اذا كود الرقم اسيا سيل و مفتاحه هيجي بالبدايه 7704 ف هاي السفاره
الن

[HAIDER SALEEM]

السلام عليكم
الاخ عراقي هواية
باجر انشاء الله عطلة , وحتى لو كانت مو عطلة رسمية فالمكالمة صحيحة انشاء الله 100% وذلك لانو باجر 1 محرم والجهات الامريكية في العراق يكونون جدا حذرين من هيكي مناسبات بالخصوص ياخذون الحيطة والحذر من هذا الموضوع بالاضافة همة يعرفون انو مرات يصير قطع طريق في بعض مناطق بغداد بهيكي مناسبات لذا انشاء الله ماكو شي بس مسالة تاجيل بسيط والخيرة فيما اختاره الله. وسلامنا للأخ ايكو 9 ابو خالد

[عراقي هواي]

اشكركم بالنيابه عن ابو خالد وياريت الاخوان اللي عدهم مقابله بنفس الموعد يأكدون هذا الشي

[kunda]

اولا دعائي للاخ ايكو9 بالتوفيق
ثانيا باجر عطلة ماليش؟؟ ترة اني شوية مضيع

[Revolver]

وعسى ان تكرهُ شيئ وهوة خيرُ لكُم ..

الف الحمدلله والشُكرا انو اخونة العزيز الغالي ايكو بخير والف شُكر الصاحب الموضوع على نقل الخبر وبارك الله بيك .

يعني هوة الرجال جاي من غير مُحافظة ومعا عائلتة, الله يسهل امورنة بجاه الحبيب مُحمد ..

ريفولفر

[عراقي هواي]

عمي كوندا 1محرم
بدايه السنه الهجريه

[BaghdadGhost]

اخي عراقي هواي


بما انه عمنا ايكو حاليا ببغداد ,,, اني نصيحتي بان يتوكل بالله باجر يروح للباب مال سفارة و يجيك الاسماء الي بالقائمة حته يقطع الشك باليقين .... ولو راح يتعذب بس حته يطمئن قلبه

[عراقي هواي]

شكرا لمرورك شبح بغداد
هسه احنه نريد نتأكد من الاخوة اللي عدهم مقابله بنفس الموعد اجاهم تبليغ من السفارة مثل ايكو9 ياريت الاخوة يشاركون بالموضوع وياريت اللي عندة معارف بالسفارة صديق اقرباء يستفسرنه من عنده نكون ممنونين

[اسالك ياعراق]

ما  اكول الا الله يسهل عليه
اتصور باجر محرم يعني اكيد عطلة والسفارة متستقبل
الله يسهل عليه والله   مو خوش خبر

[عراقي هواي]

اشكرك اخويه والخيرة في ما اختاره الله .الحمدلله على كل حال

[لورنس السفاح]

حبيبي عراقي اهواي
باجر عطلة
لكن مو هذا المهم ,,المهم العم ايكو يجيك التلفون اذا فعلا من السفارة
بعد علويش يروح ؟؟ قابل الموظفة شعدها  وياه حتى تنطيه خبر كاذب  ؟
ثم انت تعرف كل الشغلات المصيرية حاليا تعتمد ع التلفون كالفحص والسفر
ومرات حتى المقابلات
خل يتصل بيهم اذا اتاكد انه البنية 100% من السفارة
بعد علويش يروح ؟؟
وبالتوفيق ان شاءالله

[simsam]

هاى واحدة من الهبطات الشهرية العراقية متل ماحدا يعرف وقت الانفجارات ما حدا يعرف العطل  العراقيةالرسمية امتى !!! السفارة عندها جدول عطلات تخصها مثبت من بداية السنة الى اخرها وتضاف العطلات العراقية المثبتة ايضا وعلى ضوء هذا الجدول تعطى مواعيد لكن العطلات التى تجى تائهة تتفاجاء بيها السفارة وتتخربط مواعيدنا وراس السنة الهجرية نعم عطلة ولكن الهيئات المسئولة لم تحدده من بداية السنة يا يوم يصادف واحسن شى الاخ ما راح يكدر ينام فخلى يتوكل ويروح حسب الموعد القديم ..صارت الحمد لله ..عطلة هم زيارة وفسحة للجهال وخيرها بغيرها واكيد السفارة راح تحدد له موعد جديد وخلى يجيك الاميل ماله ومال السفارة ويشوف مثبتين عندهم غدا عطلة والله يساعد الجميع ويكفيكم شر هبطاة بغداد

[عراقي هواي]

الف شكر لمروركم
اخواني واصدقائي يعني مثل متعرفون هو الشي مو هين واحد منتظر مقابله تححد مصير حياته وحياة عائلته ومستقبلهم وقبل ساعات من الموعد يخابروه انه تأجلت المقابله يعني خلونه بمكانه شراح يصير بيه .الله كريم مو المشكله واحد يروح وياخذ عائلته وياه لكن منين يعرف باجر يا طريق مفتوح واحتمال هاي المنطقه او القبله تنسد وهي يوميه صايرة بيه مشكله وسادين الطرق الله كريم والتوفيق من رب العالميين

[اسالك ياعراق]

الله يساعدة ويسهل امرة والله ميستاهل هذا الرجل الطيب   
انشاء الله ينطونة موعد قريب جدا بجاه شهر محرم الحرام

[عراقي هواي]

الله يسهل امرك اخي العزيز ويسمع منك وياريت الاخوة يشاركون على الاقل بالدعاء لهذا الرجل الطيب الاصيل

[echo 9]

السلام عليكم
بادئ ذي بدء اتوجه بالشكر الجزيل لحبيبي واخوية الغالي ابو مصطفى عراقي هواي على ما بذله لي من مجهود من خلال متابعته لي لحين وصولي الى بغداد والحمد لله كذلك عندما تفاجئت باتصال السفارة يبلغوني بيه بتاجيل المقابلة الى يوم بعد غد كون يوم غد عطلة بداية السنة الهجرية 1 محرم وان السفارة قد تبلغت بيوم العطلة متاخر لذلك يعتذرون من حضرتي على هاي اللخبطة الصارت المهم انا شكيت بالمكالمة لان اجت بوقت متاخر عن التبليغ اللي المفروض يصير اقلها اليوم الصبح مو الساعة بال 4:00 العصر تقريبا راسا خابرت اخوي ابو مصطفى ( عراقي هواي ) وقلت له باللي حصل وطلبت منه يستفسر من الاخوة الاعضاء عن صحة هالخبر وظل متابع وياي ابو مصطفى ما قصر وبلغني بردود بعض الاعضاء على موضوعه اليخصني وقبل ربع ساعة حصلت مقهى انترنيت قريب من مكان سكني هسه ببغداد ودخلت للمنتدى لاطمن الاخوان بان الاتصال كان صحيح من السفارة وفعلا باجر عطلة والمقابلات تم تاجيلها الى يوم بعد غد الاربعاء وايضا بعد ان فتحت ايميلي وجدت انه السفارة ارسلوا لي رسالة يبلغوني بيها بالتاجيل بس للاسف دازيها الساعة 3 العصر وانا بالطريق الى بغداد ورسالتهم ادناه
Dear Mr. xxxxxxxxxxxxxx
The Government of Iraq announced that it will observe the Islamic New Year tomorrow, December 07, 2010.  The Embassy will be closed December 07, 2010.  Your immigrant visa appointment is rescheduled for  December 08, 2010 at 08:00am.  We apologize for the late notice, but we only received the notice of the holiday a few minutes ago.  Thank you for your understanding.
 
 
 
الى المواطنين الكرام :-
 
لقد اعلنت الحكومة العراقية بان يوم الثلاثاء المصادف 7 / كانون الاول / 2010 سيكون عطلة رسمية بمناسبة اول ايام السنة الاسلامية الجديدة لذا ستغلق السفارة و سيتم تحويل المواعيد المحددة في ذلك اليوم الى موعد  8 /  كانون الاول / 2010 الساعة الثامنة  صباحا .
ناسف لابلاغكم في وقت متاخر و لكننا استلمنا الخبر الاكيد في الدقائق القليلة الماضية .
شكرا على تعاونكم وتفهمكم
وحدة فيزا الهجرة
القسم القنصلي
السفارة الامريكية بغداد  
شكرا جزيلا اخوي ابو مصطفى ما قصرت يا طيب كفيت ووفيت ربي يحفظك ويحفظ عائلتك ويخللي لك علاوي ومصطفى ويتربون بعزك يا رب ( تاج على راسي واخ واعز من الاخ )
الشكر الجزيل لكل الاخوة والاخوات الشاركوا بالرد ( simsam - لورنس العرب2 - اسالك ياعراق - BaghdadGhost - Revolver - kunda - HAIDER SALEEM - prado1 - ) بارك الله بالجميع وفعلا بيها صالح والخيرة فيما اختاره الله سبحانه وتعالى وفرصة فعلا الواحد يشوف الجهال بغداد الحبيبة اشلون صار حالها هسه

[ARMY STRONG]

هيه السنه راح تخلص بس عطل 

[echo 9]

ها حجي ارمي اشلونك عمي شنو هالغيبة
عمي الصوج مو بيهم الصوج بجماعتنا اللي يقررون العطل مالتهم متاخر اخاف جماعة يزعلون وجماعة يرضون والا وين كانوا عن 1 محرم هم زين مو مناسبة عيد والا انلاصت لان كل واحد يعيد بيوم وايكو ناين يبقى ببغداد شهر علمود يقابل

[عراقي هواي]

عمي اني ما سويت شي الله وكيلك وما يجي ولو ذرة من وكفتك ونصائحك
ربي يوفقك ويحفظك وانت التاج اللي اتشرف اخلي على راسي

[echo 9]

السلام عليكم
والله يا ابو مصطفى السويته اليوم له قيمة كبيرة عندي وجميل اظل شايله على راسي طول العمر لان ما تتصور اشلون صارت حالتي بعد الاتصال وفكرة تجيبني وفكرة توديني وتعرف بهذلة العائلة والجهال اشلون بس الحمد لله والشكر على كل حال
بارك الله بيك اخي وتدوم الاخوة ان شاء الله

[عراقي هواي]

الحمد لله الذي لا يحمد على مكروه سواه
وعليكم السلام ابو خالد
عمي ولا تحجيهة مابين الاخوان جمايل الله يرعاك وانشالله تصير سوالف

[اسالك ياعراق]

السلام عليكم  عمي واخوية ابو خالد والله العظيم اني وزوجتي دعينالك وي صلاة المغرب لان هجي صعبة  والحمد الله والشكر امورك انشاء الله خير
وانشاء الله الاتمام
 

[HAIDER SALEEM]

الاخ ابو خالد العزيز echo 9
انشاء الله بيهة صالح وهية الحمد لله ما تعتبر تأجيل هية تزحيف ليوم واحد فقط والحمد لله على كل حال وهم اذا تحب تاخذلك فرة ببغداد الحبيبة ولو هية مو مثل قبل ( حرامات ) بس هم خوش مناسبة بالخصوص انشاء الله ما كو احد بالشارع باعتبارها عطلة وبالموفقية مقدما ويوم تحديد موعد السفر انشاء الله.
اخوك حيدر سليم ( THIS IS IT ) سابقا.

[ريم عبد]

عمي ايكو الله ايسهل عليك المقابله انت وقطارك الجرار الله يحفضهم جميعا
وبلكت ايدكولك الفيزه قبل متطلع لخاطرهم
بالتوفيق يارب