الاخت انجي ماذا بعد الحصول على I-130

[goldl]

تمت الموافقة على معاملة الهجرة  (I-130) المقدمة لي في الولايات المتحدة  وتم استلام خطاب من وزارة الخارجية والمرسلة الى الكفيل والمتضمن استمارتين ل ( Beneficiary contact information )  لي و للكفيل وتمت الاجابة عليهما وارسالهما منذ اكثر من ثلاثة اشهر  , ولم يتم الاتصال بي او بالكفيل منذ ذلك الحين ,ارجو المساعدة وشكرا لكم .

[echo 9]

ياليت واحد من الخوة او الاخوات العمالقة يجاوبك لان انجي الله يرجعها بالسلامة غير متواجدة هسه
والله لو اعرف جاوبتك بس انا ولله الحمد لا عملاق ولا خبير

[مالايكي]

للرفع

[echo 9]

حبيبي ليش ما تشيل اسم انجي من موضوعك وهسه العمالقة تصير معارك على موضوعك كلهم يجاوبوك اما احنا الفقراء انا وارمي ما نفيد لان والله ما عدنا معلومات والا ما دامك وجهت نداؤك لانجي الشاهد الله لو اعرف شي او اشلون اجاوبك جاوبتك بس لخاطلر الملاك بغيبتها نظل نرفع بموضوعك الى ان تحصل جواب باذن الله
الله يهدي الباقين من العمالقة
ECHO 9

[echo 9]

عفوا حبيبي رامي اعذرني
مو ارمي وكوندا خبلوني ودوخوني يروحون لمواضيع العمالقة والمعارك ويريدون يصعدون بالكيا غصب وانا كل ساع ادخل لهاي المواضيع واخرب من الضحك ههههههههههههههههههه شوف كلها تركض ورا المنصب والكرسي ويحجون عالرجال من جلب بيه اقصد صاحبنا المدير مو تروحون بذاك الراي
عمي ابو الموضوع اسمع كلام رامي وشوف النتيجة

[ننوسة]

اخوية العزيز  goldl
مبروووك للموافقة على اوراقك اولا
ثانيا انت وين بيا دولة ؟؟؟؟ ومنو مسويلك المعاملة هاي وبيا ولاية همين ممكن اني افيدك لانه اني اهلي سوويلي نفس المعاملة وبدوا بيها من شهر 12 السنة اللي فاتت واول شي جتيلهم ورقة يريدون تاكيد انه اني بنتهم وشهادة الميلاد مالتي يريدوها وفعلا سويتها ودزيتها الهم بالبريد وبعدين جتيلهم ورقة بالموافقة على المعاملة ومرة الخ رجعت جتيلهم ورقة همين بيها معلومات اكثر وهل يريدون يسوولي لجوء لو تبقى هجرة مثل ماهية طبعا اهلي كالة لجووء ومرة الخ دزوها ورجعت مرة الخ ورقة الهم انه موافقين على اللجوء وراح تروح اوراقي للدولة اللي اني عايشة بيها ويبدون مراحل اللجوء واني همين وصلتلي ورقة بالبريد من الحكومة الامريكية تكول انه موافقين على هاي المعاملة كلها وبيها اسمي الكامل ومنو ويايا بالمعاملة وبيها رقم الكيسة ماتلي بامريكا يم دائرة الهجرة وهكذااا بس كلشي مفادتني هاي الورقة بس تاكيد منهم مو اكثر المهم مااطولها عليك هذا الحجي جان بشهر الخامس وبشهر السابع اتصلو بية الاي او ام وكلولي انتي اوراقج يمنا وصلت وعندج موافقة من الحكومة الامريكية وراح نبدي وياج مراحل اللجوء موافقة ؟؟؟ كلتله اكييد بس طبعا اني جنت مسجلة باليو ان اني وعائلتي قبل سنتين تقريبا ومجان اكو اي شي خاص بينا من ناحية اليو ان المهم طلب مني اللي اتصل من الاي او ام اروح اسوي مقابلتين بيوم واحد حتى من يجون المحلفين اكون مخلصة كلشي وهاي جانت بسهر السابع ووبشهر الثامن جوي المحلفين وسويت مقابلة عادية اني وعائلتي وجتي الموافقة وسوينا فحوصات وراها وهسة دننتظر الامنية تيجي والله كريم هاي تقريببببا كل التفاصيل حسب مااتذكر من قبل سنة بالضبط
وانشاء الله تتسهل عليك يارب وتصير كلها بسرعة لو محتاج اي سؤال او اي مساعدة ياريت تكتبلي وتدلل اخوية

[سندباد بغداد]

مرحبا
اخي الغالي 
الف مبروك  اولا  على  حصولك الموافقه ...  وتحول  اوراقك الى  وزاره الخارجيه الامريكيه 
انا  نفس  وضعك بكل الاجراءات حصلت الموافقه الامنيه  بشهر  10 - 2010    و تم ارسال الاوراق من الخارجيه  بدايه شهر 11 - 2010  ولحد  الان  انتظر وصولها  الى  iom 
علما انا  بسوريه  وهذا البرنامج غير موجود  هنا ... ولكن يجب تحريك الاوراق من  عمان باعتبارها المقر الاقليمي حاليا

اتمنى  لك  وللجميع  كل الخير وتكملت  كل  اوراقك والسفر القريب ان شاء الله
الاخت  ننوسه...  انتي  باي  ولايه اهلك .. ولماذا كل هذا التاخير صار  سنه
اتمنى  وادعوا الى الله  سبحانه  ان يكون سفرك قريب  وتفرج عن الجميع


اخوكم  احمد   سوريه

[ميمي2010]

مرحبا اخوان اني عضوة جديدة بالمنتدى وحابة اعرف اني اهلي سوولي هاي المعاملة من امريكا من الشهر السادس بهاي السنة ولحد الان ماكو احد اتصل بيه ولا احد دزلي اميل علما انو اخبروا اهلي انو الحكومة الامريكية موافقة على حالتي
 شنو رايكم اخوان شنو الي اكدر اسوي اني او اهلي

[سندباد بغداد]

الاخت ميمي2010
من  رخصت صاحب الموضوع
اولا  اهلا  وسهلا  وان شاء الله  تنورين المنتدى بردودك وتفيدن  وتستفيدين
ثانيا  انتي  باي  بلد  ... والموافقه  الصارده  من الحكومه الامريكيه  هل  هيه  موافقه  uscis 
وهل  تم  اعلام اهلك  بامريكا  بتحول  ملفك  الى الخارجيه الامريكيه
ارجو  الرد
حتى  استطيع  ان  افيدك  ببعض  المعلومات  لدي
تقبلوا  تحياتي 

اخوكم  احمد  سوريه

[ننوسة]

مساء الخير اخي احمد اني اهلي عايشين بمشيكان وبدوا بهاي المعاملة من شهر 12 ب 2009 ومثل مكتبت فوك انه هسة داانتظر الامنية من الاي او ام مو يعني سويت مقابلات وكلها كاملة واكو موافقة وسويت فحوصات بس داانتظر الامنية وياريت تكتبلي شنو قصدك دتنتظر الامنية توصل للاي او ام ليش شلون صارت اوراقك مو مثل حالتي علما اني عايشة بمصر وشكرا لتعبك ويايا وياريت تكتبلي التفاصيل اكثرررر واذا اكو شي يكدرون يسووه اهلى ويسرعون الاوراق وشكرا مرة الخ واشناء الله توصل كل اوراقك وربي يسهلها عليك وتفرج علينا جميعا يارب....

[سندباد بغداد]

مرحبا
الاخت  ننوسه
تمنياتي  ودعائي  ان  تسافرين قريبا  وتكمل  كل  اجراءات  المعامله
نفس المعامله  قدمناها  انا  وانتي  لا  فرق  بينهم
ولكن  لكوني  مقيم  بسوريه لا يرسلون الاوراق الى الاي او ام     ...  هذا البرنامج  لا يوجد  بسوريه
موافقه  uscis  ترسل  الى الخارجيه   وليس  الى الاي او ام
انتظر  تحويل  اوراقي  من  الخارجيه الى الاي او ام  الاقلمي بعمان  لاستطيع  ان اتابعها  عن طريق  الايمل
اهلي  في  ولايه  ميرلاند
تقبلي  تحياتي   


اخوكم  احمد  سوريه 

[ننوسة]

شكرا اخي احمد على ردك السريع وانشاء الله تتسهل كل امورك قريبببا يارب ومتتاخر ابد لانه اني جايتلي هاي الموافقة من شهر الخامس 2010 وصلتلي رسالة بالبريد من united states department of state
national visa center
همين بالموافقة على اوراقي كلها كاملة وانتظرت الى ان وصلت للاي او ام بشهر السابع اتصلو بية يعني مبقالك شي والله يفرجها عليك يارب علما انه هاي الرسالة وهاي الورقة متسوي اي شي بالمعاملة لانه اني سالت عليها الاي او ام مجرد ورقة تبلغني بيها بالموافقة على اوراقي وحتى الكيس نمبر اللي بيها ميفيدني بشي واكو هم رقم تلفون بالورقة هم مفاد باي شي ههه واهلي مرة اتصلوا بيهم قبل فترة وكلولهم يمنا الاوراق باقيلها 8 سنوات واني داانتظر بس الموافقات الامنية يعني مالهم علاقة باي شي من الاي او ام وميعرفون اي شي مجرد انه الاوراق تحولت والله كريم ماعدنا غير الصبر والانتظار وتفرج قريبا على الكل واذا احتاجيت اي سؤال اخوية اني بالخدمة والله يوفقك يارب ويوفق كل واحد منتظر اوراق سفره ....


والى اختي ميمي 2010 اي شي تحتاجيه اني بالخدمة بالنسبة لهاي الاوراق واي استفسار تدللين  لانه شوية صار عندي خبرة هههه وقبل فترة سافروا ولدين اعرفهم عن طريق هاي المعاملة والله يفرجها عليج وانشاء الله السفر القريب وتمشي كلها بسرعة واي شي يصير وياكم ياريت تكولولي والله كريييم



اختكم ننوسة

[ســـرى]

بغض النظر عن الردود اللي صارت بالبداية اخي الكريم، مالك غير الصبر هي الشغلة تتأخر وحسب ما شفت جماعة هنا بامريكا بس مراح تلكة واحد بالمنتدى عنده معرفة كاملة بالتفاصيل لاستمارة I-130 وخليك على اتصال وية الاخت ننوسة والاخ سندباد ما دام هم نفس معاملتك.

بس سؤال حتى تتضح الصورة اخي العزيز منو اللي مقدملك المعاملةمن عائلتك؟ وهل يمتلك كرين كارد ام جنسية؟ للعلم والاستفادة لطفا.مع الشكر مقدما.

[ملك الحيرة]

عاخوي العزيز
قبل سنتين لما صارت المشكلة مع اخونا الغالي بيرج .. اتذكر نزل موضوع بيه اقسموا اغلب الاعضاء القدماء والجدد بانهم لا يبخلون باي معلومة ويساعدون من يحتاج المساعدة من اخوانهم.. واتصور اخواننا القدماء - لأن ما احب اقول العمالقة - ما انتبهوا للموضوع لأن لو منتبهين للموضوع ما اتصور يقصرون عن اخوهم بغض النضر اذا كان عندهم خلاف مع الاخت العزيزة انجي او غيرها .. اخواننا ونعرفهم بيهم حمية ونخوة .. وانا معاك ان نحاول نرفع الموضوع الى ان ينتبه عليه احد اخواننا القدماء ... وعذرا للأطالة

حبيبي ليش ما تشيل اسم انجي من موضوعك وهسه العمالقة تصير معارك على موضوعك كلهم يجاوبوك اما احنا الفقراء انا وارمي ما نفيد لان والله ما عدنا معلومات والا ما دامك وجهت نداؤك لانجي الشاهد الله لو اعرف شي او اشلون اجاوبك جاوبتك بس لخاطلر الملاك بغيبتها نظل نرفع بموضوعك الى ان تحصل جواب باذن الله
الله يهدي الباقين من العمالقة
ECHO 9

[/b][/color][/size]

[goldl]

الاخت انجي
الي مقدملي على هاي المعاملة هو اخي وهو مواطن امريكي

[ســـرى]

اخي الكريم اسمي (ســرى) وان شاء الله ماكو فرق بيني وبين انجي

اخي العزيز انت ساكن في العراق؟ وهل تقديم المعاملة كان هجرة فقط؟ لو عن طريق الاي او ام iom؟ اسفة عالاسئلة بس حتى تكون الفكرة واضحة اخي الكريم وانت مخير في الاجابة من عدمها.تحياتي لك.

[ميمي2010]

شكرا اخواني في هذا المنتدى الكريم اني اختي الي سوتلي هاي المعاملة واختي هي مواطنة امريكية بس لحد الان محد اتصل بي ولا ارسلولي اميل
يعني هذا الكلام الي الاخوان ديكولون علي من امنية ومقابلة لحد الان اني مصار وياي فما اعرف شنو الاجراء الي اكدر اسوي
اتمنى من الاخوان يفيدوني  اذا ماكو اي زحمة عليكم 

[goldl]

شكرا اختي العزيزة سرى وشكرا لكل الاخوان والاخوات الذين يتواصلون معنا
انا ساكن في العراق , عندي معاملة هجرة موافق عليها برنامج (i-130) وكفيلي هو اخي وقد استلم خطاب من وزارة الخارجية تؤهلني للدخول ال (IOM) ومرفق مع الخطاب استمارات معلومات تطلب مني معلومات عن ارقم هواتفي ومحل سكني وعن المكان الذي ارغب للمقابلة فيه من الاماكن التالية ( بغداد , عمان , القاهرة) وقمت بالاجابة عليها وارسالها لهم بالبريد على عنوان محدد من قبل دائرة الهجرة.

[ســـرى]

اذن اخي الكريم معاملتك ماشية بالطريق الصحيح وانتظر منهم الاتصال بك عالتليفون او الايميل لتحديد المقابلات.

[عكعك التطوى]

باستطاعة المواطنين ألأميركيين أن يتقدموا بطلب الهجرة للأهل:-

الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , سيصبحون المستفدين من معاملات تأشيرة الهجرة الموافق عليها( I-130) و المبنية على صلة القرابة الأسرية.

  بخصوص الأشخاص الذين تم ذكرهم اعلاه , على أقاربهم من المواطنين الأمريكيين يقوموا بتقديم طلب الى مكتب الهجره والجنسيه ( (USCISعن طريق ملء استماره(I-130)  للمستفيد من قرابه المواطن الامريكي والتي يمكن الحصول عليها عن طريق هذا الرابط

 http://www.uscis.gov/files/form/i-130.pdf

بعد تقديم الاستمارة I-130 تقوم دائرة الهجرة بالاجراءات اللازمة لمعالجة طلب التقديم بعد ذلك سوف يستلم مقدم الطلب من USCIS رقم للمعاملة وبعد اشهر من المعالجه والتحقق من العلاقه سيستلم صاحب الطلب اشعار I-797 والذي هو عباره عن موافقه للطلب واحاله الملف الى المركزالوطني للفيزا NVC التابع لوزارة الخارجية بعدها ويمكن متابعه المعامله من خلال رقم المعامله على الموقع ادناه

https://egov.uscis.gov/cris/caseStatusSearchDisplay.do

بعدها سترسل وزارة الخارجية لمقدم الطلب عن طريق البريد رسالة مرفقة باستمارة تعلمه فيها بإمكانية شمول طلبه ببرنامج الاولوية الثانية P2  وتطلب منه ملىء الاستمارة (وهي معلومات عن القريب المستفيد من المعاملة وعنوانه وطريقة الاتصال به) واعاده ارسالها الى الوزارة مجدداً .
بعدها تقوم وزارة الخارجية  عن طريق مركز متابعة الاجئين  Refugee Processing Center باخطار مكتب منظمه الهجره الدوليه IOM في الدوله التي يتواجد بها المستفيد لتقوم هذه المنظمه بالاتصال باقرباء مقدم الطلب لعمل الترتيبات والمقابلات اللازمة وعلى ان تثبت انك غير قادر على العوده لبلدك العراق بسبب تعرضك الى التهديد او الخوف من القتل وغيرها.


http://www.ankawa.com/forum/index.php/topic,375815.0.html

[ميمي2010]

ممنونة اخوان على هذا التوضيح والله يبارك بيكم جميعا

[سندباد بغداد]

الاخ الغالي  عكعك
تحياتي لك
ودعائي لك بالخير والسلامه  وربي يحفظك انت والاهل
اشكر لك ردك  ومعلوماتك ياطيب ممنون منك

اخوكم  احمد  سوريه

[goldl]

شكرا لكل الخوان والاخوات الذين ساهموا في توضيح هذا الموضوع واتمنى للجميع الموفقية