ودي احس بلمسة يديك
جات تمشي وهي تهوجـــــــس بتمتمـــــــــــــة
................حائرة في حالـــــها همها كبـــــــر الجبـــــــال
قلت يا قلبي بوحي لي ليـش كــل هذا تكتــــــمه
..............منهو اللي كدر عيونك عساه تدفنـــه الرمـــــــال
ناظرت فيني بعمـــق ونظـــــــره محكمــــــــــة
.............ودنقت من كثر مافيها وانتفض فيني الســــــــؤال
قالت من يوم ماشفتك حياتي صارت مبهمــــــــة
..............من يوم عرفت قلبك وانا احلم بك يالسحر الحـــلال
ماتدري انك نثرت الحب فيني وتعبــــت ألملـــمه
..............زرعت الشوق في أوصالي ثم نبت حب وجمـــــال
قالت حبيي انت ماتقسى على قلبي ولا انت بتظلمة
..............ولا انت من اللي يقــــول اجيب لك الشي المحـــال
ولا انت مفرط(ن) فيني ولو قالوا اني مجرمـــــــة
...............ولا انت من اللي يدعون انهــــم اهــــل الكمــــال
انت تاج راسي بس قلبي منك لا تحــــــــــرمـه
...............والنكد في دنيتي فقدك وفقدها كلمة تعــــــــال
ودي اضمــــــك واحس في نبضـــــك ثم اكلمــــــه
...............ودي اجمع اشواقك واشواقي وكل ذاك الخيـــال
ودي احس بلمسة ايدينك واعتبرهـــا مكرمــــــــــة
...............ودي تعرف إن مالي غيرك ياعـــــــــــز الرجــال
مادريت ان حبي عذابك وان كل هذا تكتمــــــــــــه
..............ياعسى اللي يكدر عيونـــك تدفنــــه الرمـــــــال
تبـي الصـدق والله فاقدينـك
حبيبي بغيابك شفت العجايـب
وأقـول تعـال الله لايهيـنـك
أجلس معى ياأغلى الحبايـب
