سؤال عاجل جدا رجااااااااااء

[doori]

السلام عليكم
اخواني عندي ولد صديق بعمان مقدم على ال un من سنة 1998 ولحد هسه واكفه اموره دز ايميل الى ال iom  ردو عليه كالوله اسحب ملفك من ال un وقدم يمنا وتمشي امورك علما" انو هو ما مشتغل ويه الامريكان ولا شي ما اعرف احد يكدر يجاوبني على الموضوع رجاء الولد مدمر بعمان
 واكو سؤال ثاني اكو واحد همين بعمان تزوج جديد وتزوجته ملفها بالهجره يعني بال iom كللهم سفروها قبلي كالوله اذا تريد اسحب ملفك من ال un و جيبه يمنا وتمشي وياها


وشكرا" سلفا"

اخوكم
doori

[abuhatem]

لا اعتقد ان التعبير صحيح ، لانه لا ياخذ راتب من الامريكان
مثل هذه الحالات يقولون له ان يذهب صباح الاحد الى UN ، حيث ان صباح الاحد يوم شكاوي التوطين ، ويخبرهم ان IOM ابلغوه بالقبول اذا تم تحويل ملفه لهم ، وبعدها تتم المخاطبات بين الجهتين لتحويله الى IOM.
هذا ما حصل مع بعض العوائل التي قدمت ترحم من IOM.

[الصقر 1]

اخويه العزيز كاتب الموضوع مساء الخير عليك وعلى كل المنتدى
اخويه الله يخليك ليس كل ما يقال يصدق يعني انت او اخويه العزيز الي مقدم من سنه 98 المفروض متصدكون هذا الكلام
بالنسبه اخي لليوان غير الاي او ام يعني الله يخليك المسائله وما بيها الاي او ام مختصه فقط في امور الهجرة ولامريكا فقط لا غير  وهي فقط تستقبل من عمل مع القوات الامريكيه مثل المترجمين والموظفين الذين كانوا في ضمن وحداتهم وقواعدهم العسكريه المنتشرة في العراق وطبعا الي كان في مثل هذة الوضيفه يقدم على الهجرة الاي او ام ( دايركت diract) هسه نجي على المفوضيه الساميه لشوؤن اللاجئين وهي من اسمه مبين شنو وضيفتها هي فقط تقدم  اوراق اللاجئ يعني الكيس امام انضار الدول التي ترغب او تقبل لاجئين وهم ضمن شروط مو حمل وشيل يعني مثلا استراليا تريد هيج وكندا متريد هيج واحنه بين حانه وعندك الباقي . يعني بالمختصر المفيد المفوضيه اذا اذا تريد تروح تكلهم اريد اغلق ملفي (الكيس) يكلولك صار بس سحب ملف او انطيني الملف او حولوا ملفي للهجرة اخي هذا ما وارد صدكني يحولون الملف بحاله قبولك من قبل اميركا بذيج الساعه راح يدزون عليك وراح يقابلك محامي ويكلك تعال وقع هنانه على مود اروح للهجرة اتكلم عنك واكون مرخص من قبلك بمجرد ان توقع المحامي راح يكون مسؤل عن الكيس مالتك وطبعا وراك حصبه وجدري تعال جيب الكفيل وبصمات وروح افحص والفحص صار اكسباير وتعال عيد وروح انتظر الامنيه الي تشيب مو الراس تشيب اللسان من كد مندعي على مود ميرفضونه
وانشاء الله يارب العالمين يسافر صاحبك وانت وكل الموجودين الي ينتظرون امنيه زين موبايلكم ياربي والله الله يساعدكم لان عشت هذا الجو اكثر من خمس سنوات يعني انت تكول من سنه 1998 يعني صارله 12 سنه ويروح لامريكا هم فد 5 سنوات بين مياخذ الجنسيه هاي 17 سنه هم العمر خلص
اخويه الك كل التوفيق ولصاحبك وياربي التوفيق
اخوك صكر

[doori]

مرحبا
اخواني اشكركم على الردود
اخويه الصقر 1 صدكني اني اعرف كلشي بهاي السالفه وعمل الجهتين لكن الولد ال iom همه الي كايليله اسحب ملفك وتعال قدمه عدنا والولد خايف يقدم النوب تطلعله شغله منا مان والنوب ميحصل لا هذا ولا هذاك واني كتله يا اخويه خلي اشوف الشباب بالمنتدى ويشكولون اكلك لكن هسه اكله برد الاخ ابو حاتم ان يرحون للمفوظيه يوم الاحد يكللهم هيج وهيج صار ويايه لان خطيه نايمه طابوكه على شغلته والله كريم
التوفيق للجميع واشكركم من كل قلبي اخواني

[عكعك التطوى]

اخي العزيز هذا الكلام ميصير .. الظاهراكو سوء فهم من الاي اي او ام اتصورو ان الشخص الي اتصل بيهم منطبقه
عليه شروط التقديم المباشر .. وبالنسبه للقضيه الثانيه تحتاج الى توضيح اكثر لمعرفه الحاله

تحياتي