ارجو المساعدة

[MAHA IRAQ]

شكرا لمساعدتكم لي  مقدما  سوالي عن الترفل دوكيومن ( الجواز الموقت) علمنا انة ممكن طلبة قبل الكرين كارت بدفع مبلغ هل يستطيع حاملة من دخول الاردن علية وكم سفرة مسموح بة وهل يوثر على فترة الكرين كارت واكون شاكرة لكل من يجاوبني وشكرا للقائمين على الموقع

[ricky_7070]

والله تمنيت اعرف حتى اساعدج لكن البركه بالاخوان احنا بحر معلومات
لا تقلقي هسه يجي الفرج وتلكين ابن لو بنت الحلال اللي تساعدج واحس ريم راح تساعدج هههههه لان هيه دى تقره الموضوع وياي

[ريم عبد]

اخت مها
نعم تكدرين اتحصلين الترافيل دوكيومنت قبل الكرين كارت وترجعين بي لعمان
على ان ميكون عندك منع من عمان بسبب عدم دفع الغرامات
والافضل ان تتاكدين من السفاره الاردنيه بامريكا عن موقفج
اما كم مره
فلكل مره تستحصلين عليها موافقه وترافيل دوكيومنت جديد
كل خروج من امريكا اتوقعي ايسوي عليج فاول وهم تعتمد على سبب المغادره ومدى اقتناعهم بحجتك

[ricky_7070]

هههههههه مشاء الله ريم
بارك الله بيج
شفتي اختي شكلتلج هسه ريم متخليج
يارب يستعجل اللها بالحسنات مثل ما تستعجل اللنا بالردود الشافيه

شدعيلج شدعيلج ريم ريم 

يارب تحقيق الاماني والحج

[ريم عبد]

ياربي ايخليك اخويه ريكي
واشكرك على الدعوات الحلوه
احنا من وره انتضار امريكا حتى الحج هم محصلناه
بلكت من امريكا الله يكتبلنه الحج
وان شاء الله للقايل وللسامعين

[بغداد بقلبي]

ممكن تحصلين عليه والي اعرفه الاردن متدخل حاملين الترفل ديكومنت مو بس الترفل الاميريكي حتى الاوربي ومو بس الاردن اهواي دول عربيه لانه وثيقة سفر وليس جواز سفر وطبعا اللاك اني متاكد منه مليون بالميه لان عندي اصدقائي قبل سنتين حاولوا بس من بعد السؤال اتاكدوا بانه الاردن ميتساهل بهاي السالفه بس اذا عندك جواز عراقي واقامه اميريكيه الشغله سهله كولش وماكو اي اشكال بالدخول الى الاردن

[roodi]

 اختي العزيزه تكدرين تطلعين الترفل دوكيومنت يطول تقريبا من شهرين الى تلاثه اني طلعت لكرايبنا فورم تاخذيها من موقع الهجره uscis وتدفعين 385 بعدها يدزوج على طبع اصابع...وهو يستعمل لسفره واحده وهذا الحجي كلي اياهموظف بدائرة الهجره الامريكيه يعني صحيح...بالنسبه للاردن اذا تقبل الجواز اتصور تقبله ...والافضل تتصلين بالسفاره وتسـأليهم تتأكديم اكثر...وهي الغايه من الترفل دوكيومنت هي العوده الى امريكا بعد السفر اكثر من انه هو جواز للذهاب ...هو مستمسك تدخلين بي امريكا مره ثانيه لأنه ماتكدرين تدخلين بال i94 مره ثانيه

[MAHA IRAQ]

شكرا لكل من جاوبني وتمنة احد يكدر يوضح اكثر مثلا مجرب داخل بية الاردن او يعرف احد داخل بية  وشكرا

[كوكي 2004]

اختي العزيزة مها ..
عندي بنت خالتي بولاية تكساس صارلهه سنتين رادت تروح للعراق هي واطفالهه أثنين كانوا وياهه وطبعآ عدهه الكرين كارت وللعلم همه طلعوا لجوء بل 2008 من ( الأردن ) المهم من أجت بشهر الرابع يعني قبل ستة شهور رحنه أستقبلناهه من المطار ومن بعد ما وصلنه للبيت وأرتاحتوا هي وأطفالهه من عناء السفر سألناهه ( بأي طريقة دخلتي للأردن كالت بالجواز العراقي والكرين كارت الأمريكي ) وشوفتنه الترفل دكيومنت وكالت هذا الجواز من شافوا بالمطار الأردني كلولي ضمي منحتاجه لأن أصلآ ميعترفون بي لأن يعتبروا وثيقة مؤقتة و وره يومين راحت للعراق ظلت شهرين ورجعت للأردن أيضأ بالجواز العراقي ( والكرين كارت الأمريكي ) وظلت كم يوم وسافرت لأمريكا .


                                أرجو أن أكون طمنتج شويه بهل معلومة البسيطة .

                                       أختك\ كوكي

[ريم عبد]

اخت مها انتي دخولج للاردن مو بالترافل دوكيومنت وانما بالجواز العراقي
واني اعرف جماعه اجو من امريكا وبقوا كم يوم بالاردن ورجعوا للعراق بدون ترافل دوكيومنت ولا كرين كارت بس كانوا راجعين للعراق
والبلد الوحيد الي مروا عليه بدون ميحتاجون فيزا هوه الاردن
ومع ذلك السفاره الاردنيه يمج اساليهم بالتلفون كوليلهم اريد ادخل بجوازي العراقي للاردن شنو الي احتاجه
لان حتى لو كلنالج ميحتاج هم لازم انتي اترتبين وضعج لان السفره مكلفه ومتعبه ومو مال واحد يجازف بيها

وهذا عنوانهم بواشنطن وتلفونهم وايميلهم
انا اتدزين ايميل او اتخابريهم بالتلفون ليطمئن قلبك

Embassy of the Hashemite Kingdom of Jordan
3504 International Drive, N.W.
Washington, D.C. 20008
Telephone number: (202) 966 - 2664
Fax number: (202) 966 - 3110
E-mail: HKJEmbassyDC@jordanembassyus.org