ارجو المساعده الدراسه بهنغاريا ام الخروج عن طريق تركيا اوالاردن

[ام مريم @]

مساء الخير

عندي استفسار وارجو المساعده    طلعتلي دراسه بهنغاريا اني وزوجي  بشهر ال 1  / 2011   احنه قصدنه لجوء بمجرد ما نوصل لهنغاريا وين نروح صدك  نركب قطار ونروح  ليا دوله  نصحوني بالنروج وبلجيكا 

واكو ناس نصحوني اروح   للاردن  او لبنان واقدم   على اليو   ان    كالو اضمن الج لئن انتي عندج اطفال  ولو موضوع يطول بس اضمن   

اريد مساعدتكم    اروح عن طريق هنغاريا    لو اقدم لليو ان  عن طريق الدول اللي ذكرته مع الشكر والتقدير  لكل من يقدم المساعده 

[Black Angel]

السلام عليكم ورحمة الله

بصراحة القرار يعود الج بس الي اكدر اكولة انو هنغاريا على الرغم من الطبيعة الساحرة المتوفرة عدهم
الا ان البلد وضعيته تعبانة جدا يعني الرواتب ضعيفة بينما الاسعار تكاد تكون متقاربة لاسعار المانيا
فضلا عن انه ناسه مااكدر اعتبرهم من خيرة شعوب العالم شعب اصله غجري ولحد الان متواجدين عدهم ويسمووهم سيكان بلغتهم الدارجة الي محد يتكلمهم بس همة الي بنهغاريا يعني لغة لايتكلمها غير الهنغار فقط
القرار يمج

[عبد العولمه]

تحية طيبة ، بالموفقية اي كان قرارك هناك أشياء مهمة يتوجب عليك مراعاتها
اولا: هنكاريا أنضمت الى الاتحاد الاوربي عام 2004 وبالتالي فان جميع بياناتكم ستثبت بمنظومة الشنكن و أي طلب لجوء في بلد أخر يتوجب عليكم تغيير معلوماتكم الأصلية و اذا اكتشف الامر ستواجهون مشكلة كبيرة حيث ستطردون من دولة اللجوء الى هنكاريا ومن هنكاريا الى العراق لمخالفتكم شروط منحكم التأشيرة.
ثانيا: الأقامة في هنكاريا هي أقامة في الاتحاد الاوربي ، من سيدفع أجور الدراسة و الاقامة؟ اذا كانت منحة او زمالة ارجح البقاء اذا قررتم البقاء واخذ شهادة من هنكاريا ضعي في الاعتبار ان امكانية ايجادكم عمل في الاتحاد الاوربي مع الشهادة افضل مستقبلا وأذا يوجد أمكانية التجنس بالجنسية الهنكارية مستقبلا ستكسبين الكثير اذ يكون لديك حرية التنقل والاستقرار بكل دول الاتحاد.كما ان احتمال عدم اعطائكم اللجوء في دولة اخرى والمماطلة ستضيع عليك فرصة العودة الى العراق مع شهادة اوربية على الاقل افضل من ان تعودي خالية الوفاض.
ثالثا:اذا كنتم نويتم استخدام هنكاريا بلد مرور وتأشيرة فقط ،يجب في هذه الحالة ان تفعلوا المستحيل حتى لا تأخذ بياناتكم الحيوية لغرض اصدار بطاقة اقامة طالب ،أي مجرد دخول هنكاريا ومغادرتها مباشرة كحال أي شخص يحصل على فيزا لغرض الهجرة غير الشرعية وطلب اللجوء.
وليست لدي معلومات كافية لكن اعتقد عليكم الاستعانة بمحترف لترتيب اجراءات السفر والحجز والترانزيت مما يقلل امكان أخذ بصماتكم.لحين وصولكم البلد النهائي.