ارجو مساعدتي بصورة عاجلة

[حاير 2010]

السلام عليكم
  اني حاليلا في بغداد و مقرر اطلع العمان اسجل يو ان عائلتي مكنونة من 5 اشخاص ( والدي و الدتي ) و (زوجتي و طفل ) علما باني من الطائفة المسيحية فهل يحتاجون من عندي اوراق  ثبوتية باني مهدد بل قتل او هم الصورة واضحة يمهم ؟ و برايكم هل تكون المعملة سريعة علما بانوالدي كبيري السن و الدتي مسابة بمرض السرطان و هي في مرحلة العلاج
   مع جزيل الشكر
  ملاحظة : لا اقصد بذكري باني مسيحي لوضع تفرقة لكن و مع الاسف  هذا هو الحال هسة اصبحنا مهددين 

[ابو الحسن]

عمي العزيز
اهلنا واخوتنا  امة عيسى مهددين بالعراق وهذا معروف لجميع الدول وكل وكالات الانباء تناقلت مصيبة الكنيسة ووو
وبالاضافة انه الوالدة مريضة والله يشافيها فتكون الكم الاولوية
شكد تطول؟هاي الله واعلم بس خلي ببالك مو يوم وليلة واحسب حساب المصرف لان شغل بعمان ماكو للعراقيين
وان شاء الله جماعة الاردن هسة يدخلون وينطون ارائهم
والله يسهل امر الجميع
ابو الحسن

[حاير 2010]

شكرا الك اخي ابو الحسن
ارجو مساعدة  جماعة عمان
و بل نسبة للمصرف 800 دولار يكفي بل شهر

[حاير 2010]

اشو سكتة بس 2 جاوبوا
الرجاء المساعدةمن جماعة عمان

[العزاوي 55]

حبيبي جابر الله يكوم الوالده بالسلامه ان شاء الله
الحقيقه اني من سوريا والمعامله ممكن اطول 6 اشهر وممكن 6 سنوات وهذا ما حصل معي
وربي يوفقك ان شاء الله وال800 ان شاء الله تكون كافيه في الاردن اما في سوريا فهي كافيه وتزيد

[yasha_vanazz]

مرحــــــبا اخ حاير 2010

اتوكل على الله ونشاء الله اتشوف كل خير

وبنسبة للوالدة سلامات ونشاء الله اتصير

احسن وتصل عمان ابخير وسلامة


                                              تحـــــــــــــــياتي
                                              ابن الشمال

[ملك بابل]

السلام عليكم
  اني حاليلا في بغداد و مقرر اطلع العمان اسجل يو ان عائلتي مكنونة من 5 اشخاص ( والدي و الدتي ) و (زوجتي و طفل ) علما باني من الطائفة المسيحية فهل يحتاجون من عندي اوراق  ثبوتية باني مهدد بل قتل او هم الصورة واضحة يمهم ؟ و برايكم هل تكون المعملة سريعة علما بانوالدي كبيري السن و الدتي مسابة بمرض السرطان و هي في مرحلة العلاج
   مع جزيل الشكر
  ملاحظة : لا اقصد بذكري باني مسيحي لوضع تفرقة لكن و مع الاسف  هذا هو الحال هسة اصبحنا مهددين 

اخي توكل على الله وروح على عمان وقدم هناك وهما عندهم فكره عن وضع المسيحيين بالعراق والاضطهاد الي صاير عليهم من قتل وتهجير وخطف فاذا عندك اوراق ثبوتيه يكون بعد احسن طبعا واذا ماعندك هما هم يعرفون الوضع كلش زين شلون وخاصه ويه مسيحيين العراق وهم عندك الوالده الله يشافيها هم راح ينطوك اولويه لقضيتك والله يوفقكم ان شاء الله ويسهل اموركم اما عن المصرف في عمان ف حسب المنطقه الي راح تسكنون بيها بس مو اقل من 200 دينار بالشهر هذا بخصوص الايجار واكيد الاخوان الموجودين بعمان راح يفيدوك ويساعدوك بالمعلومات اكثر

[حاير 2010]

اشكر كل من جاوبني على موضوع الله يوفقكم

ارجو من الاخوان البقية اجابتي ليكون لدي افار كثير

مع الشكر

[ــــ{{{ABADY}}}ـــــ]

اخى الله يشافى الوالده اولا

اخى انت عندك الاسباب اللى تعجل وضعك والعلم عند الله طبعا

اما بالنسبه ل800 دولار فانت ومصرفك,,وانا برأى يكفن وزياده بس لا تنسى علاج الوالده ترى كثير مكلف من غير المساعدات


شكرا عمى ابو النور كبييييييييييييييييييييير.......اخوك الصغير عبادى

[الرسام1973]

اخي العزير انته وحظك ..

[زهرة الصبار]

اهلا بيك اخي حاير
تعال واتوكل على الله اذا اجرت شقه مفروشه ب 200 او 250 دينار حتا تكون مرتاح بيها يعني شويه زينه فالباقي يكفيك انشالله ويجوز يزيد لان راح شويه شويه تندل المنطقه والمسواك اللي سعره معقول
امل بالنسبه لعلاج الوالده الله يشفيها تكدر تقدملها عاليو ان ويساعدوك بالمصاريف وانشالله تتدبر
اما بالنسبه للقضيه فاعتقد انشالله مثل حالتك متتاخر لان هسه كل العالم ديحجون بقضيتكم فانشالله تسهل
اتوكل على الله لتخاف متطول

[الرسام1973]

اخي حاير اتوكل على الله وتعال 800 تكفيك وزايد ..ومثل مكالت اخت زهرة شويه شويه انته تتعرف على المكان المناسب والاسعا المناسبه وبالنسبة لعلاج الوالده الله يسهله


الرسام ابو علاوي

[دحدوحة]

اخي الله يشفيلك الوالدة اعتقد انه همة عدهم فكرة كاملة عن وضعكم بالعراق بس تحتاج تقارير طبية  عن حالة الوالدة الله يشفيهة  وصديقتي مسيحية طلعت عن طريق  سوريا عندما تحول ملفها الى المانيا سولهم امتحان بالديانة المسيحية ليتاكدوا انهم مسيح مو مدعيين والله يسهللكم

[حاير 2010]

شكرا لجميع الردود و دعواتكم للوالدة بل شفاء

   يعني الي افتهمت منكم انو ما احتاج  اوراق   ثبوتية باني مهدد   

   سؤال اخر عدم المحكومية و  صورة قيد  يحتاج اجيبة وياية   - و الاقامة اتكون عن طريق اليو ان

   اكررر شكري    الجزيل   يا عراقين يا طيبين   

[ابو سالين]

اخي العزيز..طبعا عمان المعاملات بيه مثل ما الاخوان مجربين اسرع من سوريه..وبلنسبه للمصرف انته بكيفك اذا تلزم ايدك ف800كافيه بلكوه واذا متلزم ايدك فلا..ولازم تحظرك قصه قويه علمود تفيدك بتسريع المعامله..والله يسهل الك

[زهرة الصبار]

شكرا لجميع الردود و دعواتكم للوالدة بل شفاء

   يعني الي افتهمت منكم انو ما احتاج  اوراق   ثبوتية باني مهدد   

   سؤال اخر عدم المحكومية و  صورة قيد  يحتاج اجيبة وياية   - و الاقامة اتكون عن طريق اليو ان

   اكررر شكري    الجزيل   يا عراقين يا طيبين   

اخ حاير بالنسبه لعدم محكوميه ميحتاجوها هنا بس اذا تريد تجيب وياك كيفك اما بالنسبه للاقامه فراح تنطيك الامم المتحدة كارت ازرق يكون بمثابة اقامه الك واذا الوالده بدت تتعالج هنا ايضا ينطون اقامه عالعلاج يعني لتشيل هم الاقامه المهم تدبر فيزة الدخول لعمان وبعدين ربك يسهلها

[(COBRA)]

اخويه الحاير؟؟؟؟؟؟؟؟؟؟؟
لاتحتار اتوكل على الله وانفذ اهلك وبيتك من المصيبه؟؟؟ 
التهديدموجوده على جبينك ميحتاج اوراق الك مال التهديد ... وانته اوصل اهنا واني بخدمتك  واذا تحب راسلني على الخاص
والله يشافي مرضاكم   ... والله يسهل عليكم

[simsam]

سلامة الوالدة اولا ..كما ذكر الاخوان انه معلوم للكل ما يتعرض له اخوتنا المسيحين وكان الله فى عونهم ولكن احب اوضح لك ان الاجراء المتبع والسريع بعد الكارثة التى جرت فى كنيسة سيدة النجاة ان مقدم الطلب يجلب معه تاييد من الكنيسة التى كان يتردد عليها ومختوم من مسئولى الكنيسة اوكتاب من مختار المحلة او من مركز الشرطة اذا كنت مسجل لديهم دعوى اعتداء او شامرين يم بيتك رسالة تهديد وعلى ضوئها سجلت دعوى لدى المركز .هذا الموضوع جرى لاحد الاصدقاء وافادوه ان يجلب احد هذه الكتب وفعلا قبل ما يجى سواهن والحين معاملته راكضة ركض (ما نحسده) واذا ما تكدر عليهن ابسط شى تاكيد من الكنيسة بانك وعائلتك فى خطر ورعب يومى...لو بس ذاكر انت وين قصدى ببغداد لو بصره لو موصل ..واتمنى الصديق مارتن يقرا موضوعك حتى يوضح لك بعد اكتر

[حاير 2010]

شكرا لكم يا اخوان على الاجوبة
الخ SIMSAM اني من بغداد   -   و اذا ما كدرت اجيب هل اوراق هل من الممكن ان يرفضوني - يعني لازم واحد يكعد ينتظر لحد ما يجيه ورقة تهديد او ينقتل

[simsam]

لا اخى تعال والرب يدبر امورك .كيف تبقى وانت لا تعرف امتى ياتى خاطفوا ارواح الابرياء .تعال باسرع ما يكون لان حاليا موجود وفد خاص لتسريع معاملات الهجرة وبدات المعاملات النائمة تتحرك وهذا فى عمان وسوريا ما اعرف اى معلومة عن مصر.تعال وان الرب معك لن يتخلى عنك .

[الرسام1973]

انا بانتظارك واحب كل انسان بغض النظر عن الدين