اخوان منو يسعفني بالجواب على سؤالي ؟؟؟؟

[nickazawee]

اخوان اني مقيم بامريكا صارلي 6 اشهر وهسه اني بالعراق حتى اجيب اهلي "زوجتي واطفالي" والي صار عندي انهم بعد ما قابلوا وخلصوا مقابله على خير لحد هسه ما طلعت الفيزا صارلهم حوالي 42 يوم والمفروض تطلع بشهر او اقل شاسوي هسه اني بحيره والله وما عرف شاسوي كل يوم يعدي عليه بسنه اهنا ارجو الجواب يتضمن اذا اكو طريقه اتصل بيها بالسفاره علما انه اني طلعت عن طريق الاس اي في وما طولت فيزتي اكثر من شهر واستلمتها ليش اهلي اتاخرت ماعرف ؟؟؟؟؟

ممنون الكم

[علي النعيمي]

اخوية روح للسفارة الامريكية وشوف الكرين كارد مالتك اذا عندك او اي اوراق ثبوتية تثبت انتة جنت بامريكا وكللهم اني عندي استفسار وحيدخلوك عالاستعلامات اذا يصير والاخوان ميقصرون وياك ان شاء الله

[بغداد بقلبي]

اخويه ممكن تتصل بالسفارة لغرض الاستفسار وطبعا عن طريق بعت ايميل لهم وسؤالهم عن الفيزا لعائلتك الكريمه وان شاء الله ايجاوبوك بوضوح اطمن ماكو شيء بس مرات هاي الاشياء تتاخر اشويه وكولش طبيعي ويارب تتسهل امورك واتسافرون باسرع وقت بالموفقيه

[ســـرى]

اخي الكريم شنو نوع المعاملة اللي قدمتها لزوجتك اولادك؟ عن طريق الاي او ام؟ وكم مقابلة قابلوا؟

[nickazawee]

ممنون الك اخت سرى اني مقدملهم على الاس اي في اكيد لان اني وياهم كيس واحد بس اخرت سفرهم وتمت المقابله على كل خير بس لحد هسه ماكو جواب ودزيت ايميل قبل يومين للسفاره واكو جواب لحد هسه والله حيره يارب

[ســـرى]

ماكو شي اخي العزيز وهسه لود عالتقديم والتأخير بالفيزا صاير طبيعي لاتقلق الصبر ثم الصبر ما بقى شي ان شاء الله.

[nickazawee]

ليوم اجاني الرد مال السفاره على سؤالي بخصوص التاخير وكالولي ماكو شي احنه دنشتغل على قضيتك ونطلب منك الصبر اكثر وعن قريب ايكون الرد كولوا انشاء الله تنسهل مو راح اموت من الانتظار .... يارب افرجها دعائكم وياي

[ســـرى]

يارب يفرجها عليكم ان شاء الله لاتقلق اخي الكريم.