قصيدة بغداد شلونج


المحرر موضوع: قصيدة بغداد شلونج  (زيارة 2984 مرات)

0 الأعضاء و 1 ضيف يشاهدون هذا الموضوع.

غير متصل sarroba garabet

  • عضو فعال جدا
  • ***
  • مشاركة: 407
  • الجنس: أنثى
    • مشاهدة الملف الشخصي
قصيدة بغداد شلونج
« في: 10:37 17/12/2010 »
بغداد شلونج عيني وبعد شلونج
               هواية خايفة على أهلـج ودورج
جنتي تنورين الدنيا بأبداعاتج
               حنينة طيبة ودافية مثل شمســج
حبيبة فطني الجهل ناوي يحكمج
               يكطع الوصل دوم بيومج وليلج
يلغون كل فكرج و حتى علمج
               ويغتالون كل حرف من حروفج
ولج عبوات ناسفة حتى بفنونج
               راح يذبحون نهرينج وروحــج
شراح تكول الليلة شهرزادج
               وشتسولف للصبح لشهريــارج
المنصور تايه والرشيد يشكيلج
           والنؤاس دم ودموع بكاسة يمليلــج   
كتّابنا اليوم أحتاروا شيكتبولج
               فنّانينا يا نصب بعـد ينحتولــج
شمّة اليوم على عودة شيدكلج
               كريم والساهر شراح يدلعونــج
ثوري ولا تسكتين على ظلاّمج
              أرجعي ودوسي عليهم باقدامــج
فدوة بوسة على خدج وجبينج
              أصحي ولاتخليها تغفى جفونــج
بعيدة آنا بعد شرد أكلّــج
             غير يمّة شلونـج عيني شلونـــج

سراب جقمقجيان





غير متصل alashoty10

  • اداري منتديات
  • عضو مميز متقدم
  • *
  • مشاركة: 13203
  • الجنس: ذكر
  • ليس كل مايلمع ذهب
    • مشاهدة الملف الشخصي
رد: قصيدة بغداد شلونج
« رد #1 في: 21:39 21/12/2010 »
عاشت الايادي



على خدود المرايا تمشط الحلوات
وعلى خدودك شعرها تمشط المرايا

angie-dawood

  • زائر
رد: قصيدة بغداد شلونج
« رد #2 في: 04:21 22/12/2010 »