دعوة الى الاخوان الاعزاء في امريكا لتاسيس هيئة او جمعية للمطالبة بحقوق المترجميين

[الحـلم الوردي]

السلام عليكم جميعا

سبق وان طرحت هذا الموضوع في قفرة المقدميين الجدد عللى البرنامجيين SIV & IOM 

الموضوع بكل بساطة هو طلب من الاخوان العراقيين المترجميين الي همة هسة بامريكا ان يؤسسوا هيئة او جمعية في امريكا تاخذ موافقات السلطات الامريكية للتاسيس وضيفتها المطالبة بحقوق المترجميين العراقيين الذين عملوا مع قوات التحالف وابسط حق هو الاسراع بانجاز معاملاته . لان المعاملات تاخذ وقت طيل كما تعلمون يعني المترجم اللي خاطر بحياته وخياة عائلته وخدم التغير الذي حصل بالعراق المفروض يعطى حق الاولوية في السفر على باقي الفئات المقدمين عى الهجرة واللجوء .

صدكوني اخوان انا ساكن الناصرية وكانت عدنة مثل متعرفون قوات استرالية . وبع انتهاء مهمتهم انسحبوا واخذوا المترجمين وياهم

كان صديقي X  عمل وياهم شهر واحد وبطل ومن انسحبوا راح وياهم وسافر خلال ثلاث اسابيع . اتصوروا عمل شهر واحد وهاجر خلال 3 اسابيع . هسة احتمال الاخوان يكولون المترجميين وي الامريكان اعدادهم اكثر من اللي عملوا وي الاستراليين صحيح اخواني بس المسالة هي انه المترجم باي لحظة تكون حياته بخطر .......

ارجوا من ادارة النادي ولاخت انجي ان تبدي رايها بالموضوع ...... الى هنا واقف لاني اطلت عليكم .... فما رايكم اخواني بالموضوع ممكن يصي لو مستحيل يصير ........ علما ان امريكا بلد ديمقراطي ولن تمنع شخص ان يطالب بحقه

شكرا لكم
الناصري

[angie-dawood]

اخي العزيز لا تنسى كل عضو من الاخوة الاعضاء بولاية شون راح يتم تاسيس هاي الجمعية

[عبد العولمه]

تحياتي
أعتقد أنك تقصد تكوين جماعة ضغط على اصحاب القرار و بمساعدة وسائل الاعلام لغرض كسب رأي عام ضاغط لمطالب المترجمين (مثل الضغط الذي أدي الى أقرار قانون الهجرة الخاصة)، و ممكن ان يتحقق هذا وكل حسب ولايته....وبالمناسبة الموضوع له خلفية في ذهن الرأي العام الأمريكي وقد قرأت عن موضوع مستقبل المترجمين وباقي العاملين في العراق عدد من المقالات بقلم خيرة الكتاب وصناع القرار في الولايات المتحدة وكان الموضوع هو يدور في حقل النقاش عن مستقبل العلاقة مع العراق بعد الأنسحاب منه ، ومجمل الكتابات تحوي فقرة يخصوص ضرورة أخلاء العاملين مع القوات قبل الأنسحاب، موضوعك جيد وممكن العمل به لكن المعضلة الرئيسية من سيعمل و يتصل بأعضاء الكونغرس و و الاحزاب السياسية و وسائل الاعلام ويجب ان يجمع تواقيع على الطلبات يحتاج الموضوع عمل أداري ضخم ومنظم أذا كان هناك نواة حلقة عمل ممكن ان يتطور ولكن الخطوة الاولى هي الاصعب نحتاج تشكيل نواة في الولايات التي يكثر بيها المترجمين وتأسيس شبكة اتصال بينهم..الموضوع به تفاصيل ،
وهو بالتأكيد مقترح ممتاز.
تقبل وافر التقدير

[بغداد بقلبي]

تحياتي
أعتقد أنك تقصد تكوين جماعة ضغط على اصحاب القرار و بمساعدة وسائل الاعلام لغرض كسب رأي عام ضاغط لمطالب المترجمين (مثل الضغط الذي أدي الى أقرار قانون الهجرة الخاصة)، و ممكن ان يتحقق هذا وكل حسب ولايته....وبالمناسبة الموضوع له خلفية في ذهن الرأي العام الأمريكي وقد قرأت عن موضوع مستقبل المترجمين وباقي العاملين في العراق عدد من المقالات بقلم خيرة الكتاب وصناع القرار في الولايات المتحدة وكان الموضوع هو يدور في حقل النقاش عن مستقبل العلاقة مع العراق بعد الأنسحاب منه ، ومجمل الكتابات تحوي فقرة يخصوص ضرورة أخلاء العاملين مع القوات قبل الأنسحاب، موضوعك جيد وممكن العمل به لكن المعضلة الرئيسية من سيعمل و يتصل بأعضاء الكونغرس و و الاحزاب السياسية و وسائل الاعلام ويجب ان يجمع تواقيع على الطلبات يحتاج الموضوع عمل أداري ضخم ومنظم أذا كان هناك نواة حلقة عمل ممكن ان يتطور ولكن الخطوة الاولى هي الاصعب نحتاج تشكيل نواة في الولايات التي يكثر بيها المترجمين وتأسيس شبكة اتصال بينهم..الموضوع به تفاصيل ،
وهو بالتأكيد مقترح ممتاز.
تقبل وافر التقدير

اخويه مع التقدير  هذا الكلام تره بس في الافلام ماكو هيج فلم ابدا الحكومه الاميريكيه اذا ارادة ان تعمل اخلاء للمترجمين خلال يومين او يوم وبس اتطلعهم من العراق بس هم من حقهم التاكد والتجييك الامني للافراد الراغبين في التوطين في اميريكا وطبعا الروتيني روتين بكل مكان بالعالم فهاي الشغله ابدا مترهم ولاتصير مع تمنياتي لكم بالموفقيه

[الحـلم الوردي]

السلام عليكم \

شكرا اخواني على الرد . صدكوني اخوان امريكا بلد يحترم حقوق الانسان واذا انطرحت هيج مسالة راح تلكة هواي من وسائل الاعلام والسياسيين يتبنون الدفاع عن حقوق المترجميين وخصوصا اذا انشرت كم قصة ماساوية للمترجمين الذين قتلوا او خطفوا
من قبل الارهابيين . امريكا انخبصت على دارفور والدارفوريون لم يعملوا مع الامريكان بينما المترجم عمل وخدم القضية العراقية والمشروع الامريكي الجديد .

انا اعرف ان الفكرة فيها الكثير من الصعوبة لكن ان تحركت مجموعة من العراقيين في امريكا فاعتقد سوف يكون هماك ضغط للتسريع
في اجراءات الهجرة . وخصوصا ان وصلت المسالة للكونكرس او للرئيس اوباما لانهم سوف يكونون في وضع حرج ان لم يحركوا ساكنا

اسف للاطالة . وهذا المنتدى هو منبر حر والكل يسمح له ان يدلو بدلوه

تحياتي للجميع

الناصري

[ابو سالين]

اخي العزيز...العراقي الاعتديادي ايضا معرض للقتل والتهجير والتسليب يعني التاجر يخاف ليخطفو واذا خطفو وما دفع يقتلو كذلك الدكتور والمهندس والمحامي ..يعني العراقيين كلهم معرضين لهذه الاشياء..والله يحمي الجميع

[الحـلم الوردي]

 كلام صحيح اخي العزيز , لكن التاجر والطبيب وغيرهم لا يطلق عليهم لقب العملاء للمحتل . فقط المترجم يسمى عميل بنظر هولاء
الارهابيين . بعدين كلامي واضح احنا عملنا مع الامريكان ومن واجب امريكا تحمينا مو صحيح بينما حماية باقي  العراقيين هي مسؤلية  الدولة  اخويه .  رايك محترم وانت على العين والراس

تحياتي للجميع

الناصري

[habazbooz69]

اخي اذا الشغلة ناخذها من الناحية القانونية فامريكا غير ملزمة قانونا باخلاء اللي اشتعلوا وياها لان هذولة اشتغلوا وياها لقاء رواتب متفق عليها بموجب عقد بين الطرفين واعتقد كانت هاي الرواتب مجزية بسبب المخاطر اللي يتعرضلها هؤلاء الاشخاص يعني مثل ما نكول بدل خطورة وماكو بالعقد اي نص يلزم امريكا باخلاء العاملين معها في حال انسحابها او تعرضهم للتهديد خاصة ان اي شخص اشتغل معهم كان على علم مسبق بهاي المخاطر يعني محد دلس عليه وقشمره وكله هاي الشغلة امينة ولا احد ضربه على ايده وكله روح اشتغل وياهم يعني من الناحية القانونية متكدر تلزم الامريكان باي شي
اما كلامك عن ان المهددين من غير العاملين مع قوات التحالف همه مو من مسؤولية امريكا بل همه من مسؤولية الحكومة العراقية فاحب اصححلك معلوماتك بان العكس هو الصحيح لان الكثير والكثير من العراقيين المدنيين قد تضرروا من الاعمال العسكرية الامريكية وما تلاها من حل للمؤسسة الامنية والعسكرية العراقية وما نتج عنها من انهيار للامن وظهور المليشيات الطائفية المسلحة والاعمال الارهابية كل هذا قبل تشكيل الحكومة ولفترة طويلة فمن يكون المسؤول عن تعويض هؤلاء المنطق والقانون يقول بان محدث الضرر هو المسؤول عن اصلاحه وهو من يتحمل كامل المسؤولية القانونية وهي هنا حكومة الولايات المتحدة الامريكية
هذا الحجي من الناحية القانونية وهسة نجي نحجي من ناحية الواقع ومن الناحية السياسية فمثل مدنشوف رغم المسؤولية القانونية للحكومة الامريكية عن تعرض الكثيرين ممن لم يعملوا معها للتهديد الا انها متقبل كل هؤلاء كلاجئين لديها لاسباب امنية او سياسية وبالعكس بالنسبة للي اشتغلوا معهم واللي يفترض انها غير ملزمة قانونا بحمايتهم تقوم بمنحهم اللجوء ولاسباب سياسية بحته وليست لاسباب انسانية كما يظن البعض لان امتناع قوات التحالف عن منح هؤلاء الحماية واللجوء سيحرمها مستقبلا من اي تعاون من قبل الافراد من غير الامريكيين في اي منطقة عمليات اخرى من العالم اضافة الى فقدان هذه القوات لمصداقيتها في حماية التابعين لها على الصعيد الدولي
هاي من ناحية ومن ناحية ثانية والله ما اعرف شاكلك لان مع الاسف اي عراقي يطلع ويحصل لجوء بعد ينسى اخوته العراقيين اللي بعدهم يعانون وينسى كل ذاك الضيم والقهر اللي مر بيه وكانما هو انولد بامريكا وبعد ميعرف احد غيره وهذا المنتدى اكبر دليل على كلامي احسب كم واحد بيه مقدم على ال siv  عشرات ويمكن مئات وبس من عدهم سؤال ركض يجون ويكتبون وبس يوصلون لبر الامان بعد محد يشوفهم غير بس من يسالون على المساعدات والشغلات اللي تفيدهم بامريكا اللهم الا قلة قليلة جدا بقوا على تواصل وبقوا يقدمون المساعدة والنصح للاخوة بالمنتدى وهاي القلة القليلة ما اعتقد تكدر تسوي بيها اي جمعية او لوبي ضغط على الساسة في امريكا لغرض تسريع المعاملات  لان عددهم لا يتجاوز اصابع اليد
لهذا ارجو ان تتقبل نصيحة اخوية خالصة لتعتمد على العراقيين اللي طلعوا اعتمد على الله وعلى روحك وانتظر رحمة الله ورحمة اللي ديمشون معاملاتنا

[Revolver]

من ناحية ثانية والله ما اعرف شاكلك لان مع الاسف اي عراقي يطلع ويحصل لجوء بعد ينسى اخوته العراقيين اللي بعدهم يعانون وينسى كل ذاك الضيم والقهر اللي مر بيه وكانما هو انولد بامريكا وبعد ميعرف احد غيره وهذا المنتدى اكبر دليل على كلامي احسب كم واحد بيه مقدم على ال siv  عشرات ويمكن مئات وبس من عدهم سؤال ركض يجون ويكتبون وبس يوصلون لبر الامان بعد محد يشوفهم غير بس من يسالون على المساعدات والشغلات اللي تفيدهم بامريكا اللهم الا قلة قليلة جدا بقوا على تواصل وبقوا يقدمون المساعدة والنصح للاخوة بالمنتدى وهاي القلة القليلة ما اعتقد تكدر تسوي بيها اي جمعية او لوبي ضغط على الساسة في امريكا لغرض تسريع المعاملات  لان عددهم لا يتجاوز اصابع اليد
لهذا ارجو ان تتقبل نصيحة اخوية خالصة لتعتمد على العراقيين اللي طلعوا اعتمد على الله وعلى روحك وانتظر رحمة الله ورحمة اللي ديمشون معاملاتنا

أخي العزيز طبعاً استمتعت بقراءة كلامك وبارك الله بيك شرح حلو كولش جان او واقعي . او اني اشكرك على هذا الشي ..

بس بلنسبة للأقتباس الي سويتة الكلامك .. حبيبي اول شي بلعراق " اكثريتنة " عطالة بطالة . يعني شهادات وخبرات وكاعدين ببيوتنة . فـ 24 ساعة تلكانة مكابلين المُنتدى . حتى اماكن مابيهة خير اتروحلها ؟ واذا اكو واحد, فمتكدر تتأخر بي لأن الوضع الامني تعبان. على ساعة وطبوا كرفوا البي والمابي, او انفجرت سيارة قريبة على المكان وكرفوا البي, يابة شنو مُشتبه به .

بينما من توصل بأمريكا, راح تنشغل بمسائل الحياة, الطبة والطلعة, والمعاملات, والتقديم على الشغل, واتروح تطلع تتونس, وتشتم هوة, وتروح تتفقد الولاية, واتزور اصدقائك, وتروح تطلع تشتري براحتك شغلاتك الخاصة, ومسواك الك, وكولشي وكلاشي اتسوي هناكة, فيكون طبتهُم قليلة للمنتدى بسبب انو حقهُم, كلشي ماشافوا بلعراق, وهسة فرصة اجتهم ديستكشفون العالم. واكو كوووووومة اعضاء جانوا ينقلون الصور الي ديشوفوهة, وينطون نصائح كوووومة للقادمين الجدد . وفضلهُم هذا ماننسى, صدكني صديقي العزيز, اذا انت بلعراق, فمن توصل لأمريكا راح وقتك كلة اتكضي بهاي الامور ..

اخوك

ريفولفر

[المجنون]

السلام عليكم اخويه زين نطالب بحقوق المترجمين على اساس شنو اني وياك هي هاي خوش فكره اني اشتغلت وياهم عمري 18 سنه لحد ما صرت 21 سنة اجيت لهنا حتى المنظمه ما انطتني شغل والعراقيين الي ويايه يصيحولي عميل وخائن ومن ماعندي شغل يعني ماعندي فلوس اجار ومن ماكو فلوس اجار يعني انشمر بالشارع وهسه اتي ساكن بملجأ مال مشردين لا ان ولا ودان ومحد يساعد ومحد يكولي وين اروح وعليمن اروح انتظر لحد ما اخذ الاقامه هي هاي امريكا الي خاطرت بروحي علمودها ولهسه ابغداد يدورون عليه يريدون دمي عبالك يطلبوني ثار وحسبي الله ونعم الوكيل

[مظلومه سوادي]

السلام عليكم اخويه زين نطالب بحقوق المترجمين على اساس شنو اني وياك هي هاي خوش فكره اني اشتغلت وياهم عمري 18 سنه لحد ما صرت 21 سنة اجيت لهنا حتى المنظمه ما انطتني شغل والعراقيين الي ويايه يصيحولي عميل وخائن ومن ماعندي شغل يعني ماعندي فلوس اجار ومن ماكو فلوس اجار يعني انشمر بالشارع وهسه اتي ساكن بملجأ مال مشردين لا ان ولا ودان ومحد يساعد ومحد يكولي وين اروح وعليمن اروح انتظر لحد ما اخذ الاقامه هي هاي امريكا الي خاطرت بروحي علمودها ولهسه ابغداد يدورون عليه يريدون دمي عبالك يطلبوني ثار وحسبي الله ونعم الوكيل

خويي
يعني انت طالع على برنامج siv
شلون ماعندك شغل ومشرد ويكلون عليك عميل
خويي شوعقلي مديشيلها لان الطالعين على هذا البرنامج امورهم توب
شمعنه انت   

[الرسام1973]

الله كريم

[بغدادي76]

يارييييييييت

[المجنون]

السلام عليكم اخويه زين نطالب بحقوق المترجمين على اساس شنو اني وياك هي هاي خوش فكره اني اشتغلت وياهم عمري 18 سنه لحد ما صرت 21 سنة اجيت لهنا حتى المنظمه ما انطتني شغل والعراقيين الي ويايه يصيحولي عميل وخائن ومن ماعندي شغل يعني ماعندي فلوس اجار ومن ماكو فلوس اجار يعني انشمر بالشارع وهسه اتي ساكن بملجأ مال مشردين لا ان ولا ودان ومحد يساعد ومحد يكولي وين اروح وعليمن اروح انتظر لحد ما اخذ الاقامه هي هاي امريكا الي خاطرت بروحي علمودها ولهسه ابغداد يدورون عليه يريدون دمي عبالك يطلبوني ثار وحسبي الله ونعم الوكيل

خويي
يعني انت طالع على برنامج siv
شلون ماعندك شغل ومشرد ويكلون عليك عميل
خويي شوعقلي مديشيلها لان الطالعين على هذا البرنامج امورهم توب
شمعنه انت   

اني اي  او ام ولهسه ماعندي  الاقامه صارلي هنا 6 اشهر والولايه الي اني بيها فشي غريب عجيب

[Torture Killer]

السلام عليكم

طبعا من البداية احب اكلك اني هم مترجم ومو جديد لا بالعكس واوي عتيك وهسه حاليا بعدني بالخطوة الثالثة بال  siv وبطلت من الشغل قبل فتره
اما بالنسبه لحقوق المترجمين فحسب ما اعتقد اخذناها وزيادة فوكاها من خلال الراتب الي جنه نستلمه ومشين امورنه وطبعا هو احسن من هوايه ناس والشغلة الثانية هي برنامج الهجرة الخاص الي يشملنه كلنه بمختلف انواعنه من الزينين الى ؟؟؟ الي انت تعرفهم وهمه كلش هوايه وكل هذا وهم بعدنه نتبطر على هاي النعمه وما عاجبنه ونريد اكثر على اساس احنه خدمنه الجيش والشعب الامريكي والعراق الجديد خدمه عظيمه المفروض ما ينسوها وحسب ما اعتقد انت تعرف هاي الخدمه العظيمه جانت شنو وتعرف كل تفاصيلها وخاصة من بداية سنه 2009 لحد هسه كلش تعبونه بحيث كمنه ما نعرف الليل من النهار هلكد ما نايمين بالغرف فرجاءا اترك هذا الموضوع واحمد ربك واشكره على ال siv والتفت شوية على اخوتك جماعة ال iom الي بالضيم وشوف اهلنه الي بالدول المجاورة الي ينبجي على حالهم الي عايشين على امل ان يحصلون لجوء حتى لو لنيجيريا

ولا تزعلون مني لان هاي حقيقة والصراحة ترة حلوة 

[الحـلم الوردي]

بالعكس اخي انت على العين والراس ورايك جدا محترم بس اني اريد اوضح الك فد كم نقطة .

اخي العزيز انا ايضا من جماعة iom  وانت كلت بلسانك حال الضيم حالهم . يا اخي عمل هي المنظمة كلش بطيء واحيانا ايطول اكثر من سنة .

طبعا احنا خدمنا امريكا وهذا مو كلامي بل ان اكثر السياسيين العسكريين تكلموا به وقالوا لولا المترجمين لما استطعنا الاستمرار معهم .

الراتب الللي جان يطونياه مو ابلاش واذا انت تعتبره هواي انا اعتبلرة قليل لان احنه كنا نخاطر بحياتنا .

شوف استراليا والدنمارك شقدمت للمترجم  وبعدين تكدر تشوف اشكد اكو فرق ....

تحياتي لك ولا تزعل هي وجهات نظر   .......... تحياتي

الحلم الوردي

[مظلومه سوادي]

السلام عليكم اخويه زين نطالب بحقوق المترجمين على اساس شنو اني وياك هي هاي خوش فكره اني اشتغلت وياهم عمري 18 سنه لحد ما صرت 21 سنة اجيت لهنا حتى المنظمه ما انطتني شغل والعراقيين الي ويايه يصيحولي عميل وخائن ومن ماعندي شغل يعني ماعندي فلوس اجار ومن ماكو فلوس اجار يعني انشمر بالشارع وهسه اتي ساكن بملجأ مال مشردين لا ان ولا ودان ومحد يساعد ومحد يكولي وين اروح وعليمن اروح انتظر لحد ما اخذ الاقامه هي هاي امريكا الي خاطرت بروحي علمودها ولهسه ابغداد يدورون عليه يريدون دمي عبالك يطلبوني ثار وحسبي الله ونعم الوكيل

خويي
يعني انت طالع على برنامج siv
شلون ماعندك شغل ومشرد ويكلون عليك عميل
خويي شوعقلي مديشيلها لان الطالعين على هذا البرنامج امورهم توب
شمعنه انت   

اني اي  او ام ولهسه ماعندي  الاقامه صارلي هنا 6 اشهر والولايه الي اني بيها فشي غريب عجيب

خويي اترجاك رجاء اخوي
توضح بالتفصيل الدتعانيه بالظبط شنو اسم الولايه وليش ماكو شغل للتالي
خويي تره هنانه ناس جانوا اعضاء بالمنتدى من خيرة الناس السافروا لامريكا
تره ممكن يساعدوك اذا عرضت مشكلتك
انت باي ولايه وشنو امكانياتك
وماتعرف خويي ممكن هذا الموضوع ومشاركتك موصدفه مكن القدر مرتبهه حتى تنحل امورك

[الحـلم الوردي]

تحياتي لكل الاخوان . نريد من الاخوة والاخوات الذين يدخلون لهذه الفقرة ان يتركوا ردا ولو بكلمات قليلة . عند مرورك اترك كلمات تعبر بها عن رايك .

الحلم الوردي

[عبد العولمه]

تحياتي للزملاء،
الزميل بغداد في قلبي :من الواضح إن بغداد في عقلك لا تعمم نموذجنا البائس في السياسة في العراق على الولايات المتحدة ، لا تستهين بقدرة المجتمع المدني والأعلام في خلق مسار أو تغيير مسار سياسي في البلدان العريقة في الديمقراطية، وأنا اكتب لك هذا الرد لأنك وضعت تعليقي كأقتباس ففهمت أنك تنكر حقيقة جماعات الضغط، و باعتبارك مولع في الأفلام سأرسل لك رابط عن فلم مستوحى ممن قصة حقيقة له علاقة بموضوعنا.

الزميل habazbooz69: قانونيا أن برنامج الهجرة الخاصة له أثر رجعي فهو شمل كل من عمل مع الجانب الأمريكي منذ أول يوم رغم أنه صدر عام 2008 والحرب بدأت 2003 أي أنه أصبح حق مشروع بمجرد انطباق الشروط التي وضعها المشّرع للقانون  وهو بهذا حق راسخ  لنا، أما الناحية الإنسانية والمتعاونين والأخلاقيات  فهل من الممكن أن تقول لي  أين كانت ستصبح أذا انسحب الأمريكان عام 2005 أو 2006 قبل أي تشريع لقانون الهجرة من أي نوع ؟؟؟
وبخصوص شرط التعاقد أعتقد لم يكن هناك مثل هذا الشرط للعاملين مع الجهات الأجنبية في كردستان عندما دخلت القوات العراقية في عام 1996الى كردستان وحينها  تم نقل العاملين المحليين إلى جزيرة غوام أولا ثم صدر تشريع من الكونغرس بمنحهم اللجوء في الولايات المتحدة،
بخصوص نقطة إهمال الزملاء للمنتدى عند الذهاب او قلة التفاعل اتفق معك .

زميلي العزيز Torture Killer: لدي لك نقطتين، في الوقت الذي كان سائقي المركبات يبتعدون اكثر من مسافة الأمان عن الأرتال خوفا من مهاجمة الرتل و أصابتهم بطريقة غير مباشرة كان يتواجد مترجم ملتصق بهذه الأرتال و لعدة مرات في اليوم، يحلم بالحصول على اجازة و يتحول الحلم الى كابوس حول كيفية مغادرة موقع العمل والذئاب البشرية تحوم حول الموقع وفي الطريق إلى المنزل و حول المنزل وفي رحلة العودة كذلك، هذا هو الثمن وليس السنة الأخيرة .
بخصوص الراتب أنت تعلم أنه فقد قيمته الفعلية في السنوات الأربع الأخيرة ، و تعلم قياسا بالرواتب العامة و المخصصات و الخطورة أصبح  راتب الدولة بدوامها الذي عطله أكثر من أيام العمل أفضل أو على الأقل حتى لو كان أقل فهو لا يوازي فرق المخاطرة أنت تعلم أن تقييم الناس الذين ليس لهم فكرة عن رواتبنا كم يعتقدون إننا نستلم!
 .بخصوص موضوع مقارنتي .طبعا أنا أتحدث عن أصحاب الشهادة الجامعية وليس عامل في معسكر تعلم الانكليزية و أصبح مترجما في 2006 وأنت تعلم ماذا حصل للامتحانات  في وقتها.

الزميل المجنون: أنت تعاني من فجوة شخص كان يستلم راتبا مرتفعا قياسا بفئته العمرية  والعلمية و الحياة بالنسبة له ممتازة و تصورت أن الذهاب إلى الولايات  المتحدة سيتوسع أفق  الحياة نحو الأفضل انك تدفع ضريبة انجاز جانبي في الحياة ، العمر وخبرة الحياة تلعب دورا  لو كنت مررت بتجارب أخرى في العراق وعانيت من تقلبات الزمن لكانت قدرتك على المواجهة  وطاقة التحمل تتضاعف لأنك رأيت الجانب السلبي في العراق ، أما أنت فانتعشت في العراق وعشت مزهوا ولم تتهيأ ليوم كالح القسمات ، حاول ما بوسعك أو ابحث عن أي شخص   تنتقل إلى ولايته للبدء من جديد.
   
ما سبق هو رد على ماطرحتموه زملائي وهو جانب متاح لي وكذلك لغيري للتعبير عن رأيهم و حق الرد مكفول للجميع ...
في تعقيبي الأول كنت وضحت الفكرة الأساسية للزميل صاحب الموضوع دون الخوض بالتفاصيل  أما أدناه ولغرض أغناء النقاش سأطرح وجهة نظري بالموضوع ...
أن قيام جهة تدعم المترجمين في الولايات المتحدة لها عدة فوائد منها:
1-   في حالة استولت جماعة  متعصبة  إسلاميا أو قوميا  للحكم في العراق وقيام عملية تصفية جماعية للمترجمين والعاملين انتقامية واحترازية ، من برأيكم سيوصل صوتهم وبرنامج الهجرة يكون قد أغلق ولم يقدموا هؤلاء المترجمين عليه لأسباب خاصة في حينه؟.
2-   في حالة تسبب مترجم بمشكلة ينجم عتها طرده خارج الولايات المتحدة وإعادته للعراق أذا لم يوجد من يدعمهم ويمنع الترحيل القسري وتعرفون من يستلموه العراقيين كيف سيكون مصيره؟.
3-   ما ذا سيكون حال زملائنا الذين لم يكملوا سنة واحدة أو لم يستطيعوا الحصول على تجاوب من المشرف المباشر لمختلف الأسباب ؟.
هذا بعض ما فكرت فيه أشاطركم الرأي بان الموضوع  صعب و معقد لكن مشكلتي الرئيسية هو مصير زملائي بعد الانسحاب و عدم وضوح الرؤية لمستقبل العراق و انحداره التدريجي إلى الهاوية أخشى ما أخشاه أن يتم التعامل مع الزملاء الباقيين بعدم ثقة و ريبة من قبل السلطة و هذا ما دفعني لتشجيع مثل هذا التوجه على الأقل أن يخرج الباقين بطريقة شاملة ، آسف على الإطالة وتقبلوا مروري .

[Torture Killer]

السلام عليكم

تحية للاخ عبد العولمة واحب ان اوضحلك شي
اني مو عامل يشتغل بالقواعد وصار مترجم ولا جديد على الشغلة وخاف انت تكول اكو من طلع ارتال اني شغلي جان دوريات راجلة وكلشي مشتغل حتى PTT ويا ال  MP وتعرف هذا النوع من العمل اشكد خطر لان تعاملك يكون مع الشرطه العراقية مباشر والاكثر جنت اشتغل بقاطع الاعظمية وبسنة 2007 وماكو صنف ما اشتغلت ويا واذا اتحب تتاكد اكثر ادزلك نسخة من الباج مالتي وتكدر تعرف شكد صارلي اشتغل من تسلسل الباج ومتصوب مرتين وعندي الاوراق الي تثبت ذلك ومتهدد يمكن مليون مرة ومتهجر من منطقتي

اما بالنسبة لردي على الموضوع الاصلي فكل الاخوة المترجمين يعرفون احنه اخذنه حقنه وزايد والي ما يريد يسافر ويريد يبقة بالعراق فهذه مشكلته اذا انكتل بعدين وبالنسبة للاخوة الجدد الي ما خلصوا سنة الي ما شافوا الي شفنا فما اعتقد راح يصير عليهم شي اذا ما طلعوا لسببين الاول.. ما شاركو بعمليات مداهمة واعتقالات ولا سيطرات بالشارع ولا اشتغلوا تدريب للجيش والشرطة العراقية ولذلك محد يعرفهم  والسبب الثاني حاليا الشغلة صارت كلش عادية تكدر اتكول اني مترجم باي مكان وما عليك اي شي وهاي عن تجربة لان اني جنت اشتغل بقاعدة الاسد لحد قبل اسبوعين والكل يعرف اني مترجم من السواق الى السيطرات الى سكان المنطقة القريبة على القاعدة لان جنت اشتغل بالباب الاول

[عبد العولمه]

تحياتي،
زميلي Torture Killer انا تكلمت بشكل عام ولم أقصدك أنت او غيرك بالتحديد و موضوع العمال و الذين عملوا كمترجمين وهم لا يملكون شهادة ، أتفق معك ان هذا هو فوق حقهم و زايد رغم ان الجندي الأن راتبه بحدود المليون لكن على كل حال لا اشكال على هذه الفئة، اما بخصوص أخذ الحقوق وزايد لا أعتقد بالدليل ان زملاء كثر تركوا العمل لغرض العمل الحكومي الدائمي لأنه اكثر ضمانا للمستقبل من عملنا الوقتي ، بخصوص معرفة الناس بعملك فهذا اقلقني لسبب ان العراق معروف بتغير الأهواء به و تقلبات السياسة لا تعرف ما قد تواجه مستقبلا انت او انا او زملائنا من محاولات ابتزاز تحت اي مبرر كان ونحن نعرف ان تدهور الوضع الأمني يفتح المجال لكل من هب ودب ليكون سيفا مسلطا على الرقاب لغرض الأبتزاز والتملق و تحت شعار معاقبة المتعاونيين وما الى ذلك رغم اننا اقل مجموعة استفادت ماديا قياسا بالأخطار من العاملين والمجهزين ومقدمي الخدمات  وانت تعلم هذا الشيء، بالموفقية للجميع

[سام علاوي]

أخي العزيز اني أتفق وياك انه حيلة المترجم بخطر و المفروض اله الأولوية بس مثل ما كالو بعض الأخوة أمريكا عدهه حق تجيك وتتأكد انه هذا المترجم ما يهدد أمنها القومي لأن اكو هوايه ناس اشتغلوا كمترجمين بس مشكوك بيهم,مع العلم اني مثلك مترجم و صارلي سنين أشتغل,و المشكلة شغلة التجييك الأمني تاخذ وقت.
و حاب أوضح شغلة هوايه ناس ميعرفون مدى خطورة شغلة المترجم لأن ممجربيهه,يعني مثلا من انروح أثناء عملنا ويه الجيش الأمريكي ندرب القوات العراقية أغلب المنتسبين بقوات الأمن يباوعولنه من فوك لي جوه و كل شويه ذابله حجاية و يحسسك أنك عميل و خائن و يسألون أسئلة شخصية مثل شنو اسمك الحقيقي و مين انت و غيرها. و طبعا يمكن أغلبنا نعرف انه قوات الامن العراقية داخلة بيهه أحزاب و ميليشيات و مع الأسف صعب الوثوق بيهم,هذا غير خوفنه ليشوفنه واحد يعرفنه و يعرف عوائلنا.حتى من نروح اجازه للبيت نخاف ليشوفنه أحد يعرفنه نشتغل مترجمين.... و بعد و بعد
على كل حال أتمنى من رب العالمين يحمي كل العراقيين مترجمين و مو مترجمين والله يوفقكم و يقضي حوائجكم أجمعين يا رب.

[الحـلم الوردي]

السلام عليكم

شنو الاخبار . ماكو جمعية تاسست في امريكا اطالب بحقوقنا ......... تحياتي للجميع

[omar-dean]

السلام عليكم اخواني و اخواتي
اني اعتقد انو المترجمين اكثر الناس انظلمو و اني منهم اني مشتغل من 2005 الى 2010 و ضاع حقنة لسببين اولا احنة ما حصلنة وضيفية حكومية او تقاعد يكدر يكفل الك الحياة الرغيدة ثانيا لا تنسون جماعتنة الي ماتو  والي تصوبو وين حقوقهم؟ و على اعتبار ان المترجم مهدد و هاي حقيقة محد يكدر ينكرها و الي يكول المترجم ماخذ حقة بل راتب فة هذة كلام تافه لان هسة اذا انسوي مقارنة بين موظفي الدولة و المترجمين راح تلكون  فارق جبير الموظفين الهم  حقوق تقاعدية ما عدا الغف منا و منا و كلهم ماشاء الله كامريات و سيارات اخر موديل فة اعتقد انو المترجم سوة خدمة جبيرة للعراقيين لان لو لا المترجم جان هواي ناس ماتت او اعتقلت لاسباب بسيطة و اكول بكل صراحة لكل شايل حقد على المترجم ان امترجم كان من صالح العراقيين لان ما ينسة اصلة  و مع الشكر تحياتي للجميع

[بغدادي76]

موضوع حلو